ქ.თბილისში, ისნის რაიონში, ლეხ კაჩინსკის ქუჩასთან მდებარე უსახელო სკვერისთვის შალვა დოლიძის სახელის მინიჭების შესახებ

ქალაქ თბილისის მუნიციპალიტეტის საკრებულოს

განკარგულება №309

2015 წლის 28 ივლისი

ქ. თბილისი

ქ. თბილისში, ისნის რაიონში, ლეხ კაჩინსკის ქუჩასთან მდებარე უსახელო სკვერისთვის შალვა დოლიძის სახელის მინიჭების შესახებ

1. საქართველოს ორგანული კანონის „ადგილობრივი თვითმმართველობის კოდექსი“ 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, საქართველოს ზოგადი ადმინისტრაციული კოდექსის 61-ე მუხლის შესაბამისად, საქართველოს მთავრობის 2015 წლის 1 ივნისის №239 დადგენილებისა და „ქ. თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, ქ.თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად, ქ.თბილისის მუნიციპალიტეტის საკრებულომ დაადგინა:

ა) ისნის რაიონში, ლეხ კაჩინსკის ქუჩასთან მდებარე უსახელო სკვერს მიენიჭოს 2008 წლის რუსეთ-საქართველოს ომში დაღუპული, 41-ე ბატალიონის მეთაურის, მაიორ შალვა დოლიძის სახელი, თანდართული რუკის თანახმად;

ბ) ძალადაკარგულად გამოცხადდეს ქ.თბილისის საკრებულოს 2010 წლის 29 სექტემბრის №127 დადგენილება, „ქ.თბილისში, ისანი-სამგორის რაიონში, შალვა დოლიძის ქუჩაზე მდებარე სკვერისთვის შალვა დოლიძის სახელის მინიჭების შესახებ“;

გ) ქ.თბილისის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების განხორციელება.

2. განკარგულება შეიძლება გასაჩივრდეს ერთი თვის ვადაში თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ; №6).

ქალაქ თბილისის მუნიციპალიტეტის

საკრებულოს თავმჯდომარე გ. ალიბეგაშვილი