,,ქალაქ ზუგდიდის მუნიციპალიტეტის 2015 წლის ბიუჯეტის დამტკიცების შესახებ“ ქალაქ ზუგდიდის მუნიციპალიტეტის საკრებულოს 2014 წლის 22 დეკემბრის №72 დადგენილებაში ცვლილების შეტანის თაობაზე

ა) დადგენილების დანართის მე-10 მუხლის 5.2.2. ქვეპუნქტი ჩამოყალიბდეს შემდეგი რედაქციით:

„5.2.2. 30,0 ათასი ლარი – ომის ვეტერანთა სოციალური უზრუნველყოფის პროგრამა (პროგრამული კოდი 060302)

ითვალისწინებს ომის ვეტერანთა ოჯახების ხელშეწყობას. მეორე მსოფლიო ომის მონაწილეთა ერთჯერადი ფულადი დახმარება 300 ლარის ოდენობით, ფაშიზმზე გამარჯვების დღის - 9 მაისის დღესასწაულთან დაკავშირებით. ასევე, ყოველთვიურად 150-ლარიანი დახმარება პენსიაზე დანამატის სახით ადგილობრივ ვეტერანებზე. ომის ვეტერანთა ზუგდიდის კავშირის ფინანსური ხელშეწყობა. სამშობლოს დაცვისას დაღუპული და ომის შემდეგ გარდაცვლილი ვეტერანების დაკრძალვის ხარჯების თანადაფინანსება 300 ლარის ოდენობით.

სამშობლოს დაცვისას დაღუპული და ომის შემდეგ გარდაცვლილი ვეტერანების მონაცემთა ბაზის დადგენის შემდგომ ადგილობრივი ბიუჯეტით სოციალური დახმარების პროგრამაში შესაბამისი ცვლილების შეტანა.

მოსალოდნელი შუალედური შედეგები:

ომის ვეტერანებისა და ოჯახების სოციალური მდგომარეობის გაუმჯობესება.

შედეგების შეფასების ინდიკატორები:

წლის განმავლობაში ომის ვეტერანებისა და ოჯახების ფინანსური მდგომარეობის გაუმჯობესების მაჩვენებელი.“.