„პატიმრობისა და თავისუფლების აღკვეთის დაწესებულებებში არასამთავრობო სექტორის ორგანიზაციების ეთიკის წესების დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის 19 აგვისტოს №211 ბრძანებაში ცვლილების შეტანის შესახებ“

„პატიმრობისა და თავისუფლების აღკვეთის დაწესებულებებში არასამთავრობო სექტორის ორგანიზაციების ეთიკის წესების დამტკიცების შესახებ“ საქართველოს სასჯელაღსრულების, პრობაციისა და იურიდიული  დახმარების საკითხთა მინისტრის 2013 წლის 19 აგვისტოს №211 ბრძანებაში (სსმ,100110000.22.038.016210, 19/08/2013) შეტანილ იქნეს შემდეგი ცვლილება:

1. ბრძანების:

ა) სათაური ჩამოყალიბდეს შემდეგი რედაქციით:

„პენიტენციურ დაწესებულებებში არასამთავრობო სექტორის ორგანიზაციების ეთიკის წესების დამტკიცების შესახებ“

ბ) პირველი მუხლი ჩამოყალიბდეს შემდეგი რედაქციით:

„მუხლი 1

დამტკიცდეს პენიტენციურ დაწესებულებებში არასამთავრობო სექტორის ორგანიზაციების ეთიკის წესები (დანართი №1).“.

2. ბრძანების პირველი მუხლით დამტკიცებული დანართი №1-ის:

ა) სათაური ჩამოყალიბდეს შემდეგი რედაქციით:

„პენიტენციურ დაწესებულებებში არასამთავრობო სექტორის ორგანიზაციების ეთიკის წესები“

ბ) პირველი მუხლი ჩამოყალიბდეს შემდეგი რედაქციით:

„მუხლი 1

1. პენიტენციურ დაწესებულებაში არასამთავრობო სექტორის ორგანიზაციათა (შემდგომში – ორგანიზაცია) ეთიკის წესები განსაზღვრავს პენიტენციურ დაწესებულებაში (შემდგომში – დაწესებულება) ორგანიზაციების ქცევის წესებს.

2. ეთიკის წესების მიზანია დაწესებულებაში ორგანიზაციების მიერ თავისი ფუნქციების სრულყოფილად და ეფექტურად განხორციელებისათვის ხელის შეწყობა, შესაბამისი ქცევის უზრუნველყოფა, დაწესებულებებში წესრიგისა და უსაფრთხოების ნორმების დაცვა.“.

გ) მე-6 მუხლის მე-2 პუნქტი ჩამოყალიბდეს შემდეგი რედაქციით:

„2. იმ შემთხვევაში, თუ აღნიშნული პრობლემა არ მოგვარდება დაწესებულების ადმინისტრაციასთან კონსულტაციის საფუძველზე, ორგანიზაციის წარმომადგენელი უფლებამოსილია მიმართოს სამინისტროს.“.