ევროკავშირი-საქართველოს სავიზო რეჟიმის ლიბერალიზაციის საკითხებზე ინფორმაციისა და კომუნიკაციის სამოქმედო გეგმის დამტკიცების შესახებ

საქართველოს მთავრობის

განკარგულება №1714   

2015 წლის 11 აგვისტო 

ქ. თბილისი

 ევროკავშირი-საქართველოს სავიზო რეჟიმის ლიბერალიზაციის საკითხებზე ინფორმაციისა და კომუნიკაციის სამოქმედო გეგმის დამტკიცების შესახებ

1. საქართველოს მიერ „სავიზო რეჟიმის ლიბერალიზაციის სამოქმედო გეგმის“ (VLAP) განხორციელების შესახებ 2015 წლის 8 მაისს გამოქვეყნებული ევროკავშირის მესამე ანგარიშის შესაბამისად, საქართველოს მთავრობის 2013 წლის 6 სექტემბრის №1237 განკარგულებით დამტკიცებული „2014-2017 წლებისთვის ევროინტეგრაციის საკითხთა კომუნიკაციისა და ინფორმაციის შესახებ საქართველოს მთავრობის სტრატეგიის“ ფარგლებში, დამტკიცდეს ევროკავშირი-საქართველოს სავიზო რეჟიმის ლიბერალიზაციის საკითხებზე ინფორმაციისა და კომუნიკაციის სამოქმედო გეგმა (2015 წლის ივლისი-დეკემბერი) დანართის შესაბამისად.

2. დაევალოს ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატს „ევროკავშირი-საქართველოს სავიზო რეჟიმის ლიბერალიზაციის საკითხებზე ინფორმაციისა და კომუნიკაციის სამოქმედო გეგმის“ განხორციელების კოორდინაცია.

3. „ევროკავშირი-საქართველოს სავიზო რეჟიმის ლიბერალიზაციის საკითხებზე ინფორმაციისა და კომუნიკაციის სამოქმედო გეგმით“ განსაზღვრული ღონისძიებების ფარგლებში სავიზო რეჟიმის ლიბერალიზაციის საკითხებზე მომხსენებლად განისაზღვროს საქართველოს საგარეო საქმეთა სამინისტრო.

4.  განკარგულება ძალაშია 2015 წლის 1 ივლისიდან.

 

პრემიერ-მინისტრი                                                   ი. ღარიბაშვილი