ქალაქ თელავის მუნიციპალიტეტის საკრებულოს ანაზღაურებად თანამდებობებზე არ მყოფი წევრებისათვის უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ

1.  იმ საკრებულოს წევრებს, რომლებიც სრულად დაესწრებიან ყოველი თვის 21 რიცხვიდან მომდევნო თვის 20 რიცხვის ჩათვლით გამართულ ყველა სხდომას (რომელსაც ვალდებულია დაესწრონ) და შეასრულებენ საკრებულოს და საკრებულოს თავმჯდომარის კანონიერ დავალებას (ასეთის არსებობის შემთხვევაში), ასანაზღაურებელი თანხა განესაზღვრებათ ამ წესით დადგენილი  ზედა ზღვრის შესაბამისად.

2. საკრებულოს თავმჯდომარე უფლებამოსილია კონკრეტული საკრებულოს წევრისათვის განსაზღვროს ასანაზღაურებელი თანხა ზედა ზღვარზე ნაკლები ოდენობით, საკრებულოს წევრის მიერ ხარჯის ასანაზღაურებელ პერიოდში ჩატარებულ საკრებულოს, საკრებულოს კომისიების და დროებითი სამუშაო ჯგუფის სხდომებში მონაწილეობის მიღების პროცენტული მაჩვენებლის შესაბამისად, ასევე საკრებულოს და საკრებულოს თავმჯდომარის კანონიერი დავალების შეუსრულებლობისათვის.

3.  საკრებულოს წევრს არ დაექვითება ასანაზღაურებელი თანხა, თუ იგი საკრებულოს, საკრებულოს კომისიების და დროებითი სამუშაო ჯგუფის სხდომას არ დაესწრება  საპატიო მიზეზით. საპატიო მიზეზის დამადასტურებელი ინფორმაცია საკრებულოს წევრმა უნდა წარუდგინოს საკრებულოს აპარატს ყოველი თვის 20 რიცხვამდე, ან წინასწარ აცნობოს საკრებულოს თავმჯდომარეს, საკრებულოს კომისიის თავმჯდომარეს, დროებითი სამუშაო ჯგუფის თავმჯდომარეს ან საკრებულოს აპარატს იმ გარემოების არსებობის შესახებ, რაც შეუძლებელს ხდის საკრებულოს წევრის სხდომაზე დასწრებას.

1.  საკრებულოს აპარატის უფროსის მიერ მომზადებული მოხსენებითი ბარათი უნდა შეიცავდეს შემდეგ ინფორმაციას:

ა)  საკრებულოს წევრის საკრებულოს, საკრებულოს კომისიის და სამუშაო ჯგუფის სხდომებში მონაწილეობის შესახებ, წინა თვის 21 რიცხვიდან მიმდინარე თვის 20 რიცხვის ჩათვლით (თუ შესაბამისი რიცხვი ემთხვევა საქართველოს კანონმდებლობით გათვალისწინებულ უქმე დღეს - მომდევნო სამუშაო დღის ჩათვლით);

ბ) საკრებულოს წევრის მიერ საკრებულოს და საკრებულოს თავმჯდომარის დავალებების შესრულების შესახებ (ასეთის არსებობის შემთხვევაში);

გ) საკრებულოს წევრის მიერ საკრებულოს, საკრებულოს კომისიის და დროებითი სამუშაო ჯგუფის სხდომის საპატიო მიზეზით გაცდენის შესახებ.

2.  საკრებულოს წევრის საკრებულოს, საკრებულოს კომისიის და სამუშაო ჯგუფის სხდომაში მონაწილეობის მიღებად ჩაითვლება ყოველ კონკრეტულ სხდომაზე განსახილველი საკითხების 50%-ზე მეტი საკითხის განხილვაზე დასწრება.

მუხლი 6. მუნიციპალიტეტის მერიის შესაბამისი სამსახური, ყოველთვიურად ამ დადგენილებით გათვალისწინებული საკრებულოს თავმჯდომარის ბრძანების შესაბამისად, საკრებულოს წევრის უფლებამოსილების განხორციელებასთან დაკავშირებული ხარჯების ანაზღაურების დარიცხვას უზრუნველყოფს თვითმმართველობის მომსახურეთა თანამდებობრივი სარგოების დარიცხვასთან ერთად.