საქართველოს კულტურისა და ძეგლთა დაცვის სამინისტროს სისტემაში შემავალი სსიპ საქართველოს კულტურული მემკვიდრეობის დაცვის ეროვნულ სააგენტოსა და ძეგლის მესაკუთრეს/კანონიერ მოსარგებლეს შორის დასადები ხელშეკრულებისა და ძეგლის მესაკუთრის/კანონიერი მოსარგებლის მიერ წარსადგენი ინფორმაციის ფორმის დამტკიცების შესახებ

„კულტურული მემკვიდრეობის შესახებ“ საქართველოს კანონის 59-ე მუხლის პირველი  პუნქტის „ზ“ ქვეპუნქტისა და „ნორმატიული აქტების შესახებ“ საქართველოს კანონის 25-ე მუხლი შესაბამისად, ვბრძანებ:

დამტკიცდეს საქართველოს კულტურისა და ძეგლთა დაცვის სამინისტროს სისტემაში შემავალი სსიპ „საქართველოს კულტურული მემკვიდრეობის დაცვის ეროვნულ სააგენტოსა“ (შემდგომში – სააგენტო)  და ძეგლის მესაკუთრეს/კანონიერი მოსარგებლეს შორის დასადები „ძეგლის მოვლა-პატრონობის შესახებ“ ხელშეკრულების ფორმა ამ ბრძანების დანართის  – №1 შესაბამისად.

დამტკიცდეს  ძეგლის მესაკუთრის/კანონიერი მოსარგებლის მიერ სააგენტოსთვის წარსადგენი ინფორმაციის ფორმა ამ ბრძანების დანართის – №2 შესაბამისად.

ძალადაკარგულად გამოცხადდეს  „სამინისტროსა და ძეგლის მესაკუთრეს (კანონიერ მფლობელს) შორის დასადები ხელშეკრულებისა და მესაკუთრის (კანონიერი მფლობელის) მიერ სამინისტროსათვის წარსადგენი ინფორმაციის ფორმის დამტკიცების შესახებ“ საქართველოს კულტურისა და ძეგლთა დაცვის მინისტრის 2014 წლის 5 მარტის №05/79 ბრძანება.

ბრძანება ამოქმედდეს გამოქვეყნებისთანავე.