„საჯარო სამართლის იურიდიული პირის - გორის ქალთა კამერული გუნდის დებულების დამტკიცების შესახებ“ საქართველოს კულტურისა და ძეგლთა დაცვის მინისტრის 2015 წლის 19 მარტის N05/45 ბრძანებაში ცვლილების შეტანის თაობაზე

საქართველოს კულტურისა და ძეგლთა დაცვის მინისტრის

2015 წლის 30 ოქტომბერი

ქ. თბილისი

„მუხლი 4. გუნდის მართვა და სტრუქტურა

1.გუნდის მართვას ახორციელებს სამხატვრო ხელმძღვანელი, რომელსაც თანამდებობაზე ნიშნავს და ათავისუფლებს საქართველოს კულტურისა და ძეგლთა დაცვის მინისტრი.

2.სამხატვრო ხელძღვანელი:

ა) არის გუნდის საერთო ხელმძღვანელი, რომელიც წარმართავს გუნდის შემოქმედებით, ორგანიზაციულ, საფინანსო-ეკონომიკურ საქმიანობას და პასუხისმგებელია ამ საქმიანობის კანონიერებასა და ეფექტურობაზე;

ბ) კანონმდებლობით დადგენილი წესით დებს გარიგებებს გუნდის სახელით და წარმოადგენს მას მესამე პირებთან ურთიერთობაში. მოქმედი კანონმდებლობითა და წინამდებარე დებულების შესაბამისად განაგებს გუნდის ქონებასა და სახსრებს. პასუხისმგებელია მათ კანონიერ გამოყენებაზე;

გ) წყვეტს გუნდის შემოქმედებითი და ადმინისტრაციული მუშაკების მოწვევა-გათავისუფლების საკითხს;

დ) შეიმუშავებს და ამტკიცებს გუნდის შინაგანაწესს;

ე) უფლებამოსილია გუნდის შემოქმედებითი და ადმინისტრაციული პერსონალის შერჩევის მიზნით გამოაცხადოს კონკურსი;

ვ) ორგანიზებას უწევს და ხელმძღვანელობს ახალი საგუნდო პროგრამების შექმნასა და ძველი საგუნდო ნაწარმოებების აღდგენით-მოსამზადებელ სამუშაოებს;

ზ) უფლებამოსილია გამოაცხადოს კონკურსი ახალი საგუნდო ნაწარმოებების შექმნაზე;

თ) პასუხისმგებელია გუნდის საჯარო გამოსვლის მიმდინარეობაზე და უზრუნველყოფს მის ტექნიკურ მხარეს;

ი) გუნდის ადმინისტრაციული და ტექნიკური პერსონალის დონის ამაღლების მიზნით, საქართველოს კანონმდებლობით დადგენილი წესით, აცხადებს კონკურსებს და ატარებს თანამშრომელთა ატესტაციას;

კ) მოქმედი კანონმდებლობის შესაბამისად, საფინანსო რესურსების არსებობის შემთხვევაში უფლებამოსილია დანიშნოს ხელფასების დანამატები და საქართველოს კულტურისა და ძეგლთა დაცვის სამინისტროსთან შეთანხმებით გასცეს პრემიები, ჯილდოები და ფინანსური დახმარება;

ლ) უფლებამოსილია საქართველოს კულტურისა და ძეგლთა დაცვის სამინისტროს წარუდგინოს გუნდის მართვის სტრუქტურული გეგმა, ფინანსური რესურსების მართვის სტრატეგია, გუნდის ბიუჯეტი;

მ) უფლებამოსილია მოიზიდოს დამატებითი ფინანსური და მატერიალური რესურსები;

ნ) გუნდის რეორგანიზაციას ან სხვა მსგავს საკითხებს წარუდგენს საქართველოს კულტურისა და ძეგლთა დაცვის სამინისტროს;

ო) სამხატვრო ხელმძღვანელს უფლება აქვს ეკავოს სხვა შემოქმედებითი ან ადმინისტრაციული თანამდებობა;

პ) სამხატვრო ხელმძღვანელი ნიშნავს გუნდის დირექტორს, რომლის უფლება-მოვალეობები განისაზღვრება ხელშეკრულებით განსაზღვრული პირობების შესაბამისად.“