„საქართველოს სოფლის მეურნეობის სამინისტროს ტერიტორიული ორგანოების რეგიონალური სამმართველოების საჯარო მოსამსახურეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების და საკონკურსო თემატიკის დამტკიცების თაობაზე“ საქართველოს სოფლის მეურნეობის მინისტრის 2015 წლის 6 მარტის N2-57 ბრძანებაში ცვლილების შეტანის შესახებ

საქართველოს სოფლის მეურნეობის მინისტრის

2015 წლის 1 დეკემბერი

ქ. თბილისი

1. პირველი და მე-2 მუხლები ჩამოყალიბდეს შემდეგი რედაქციით:

„მუხლი 1

საქართველოს სოფლის მეურნეობის სამინისტროს ტერიტორიული ორგანოების რეგიონალური სამმართველოს უფროსის ვაკანტური თანამდებობის დასაკავებლად კანდიდატებისათვის დადგენილია შემდეგი  საკვალიფიკაციო მოთხოვნები:

ა) უმაღლესი განათლება;

ბ) არანაკლებ 3-წლიანი სამუშაო გამოცდილება;

გ) სავალდებულოა ადმინისტრაციულ ორგანოში ხელმძღვანელ თანამდებობაზე მუშაობის გამოცდილება;

დ) სავალდებულოა სოფლის მეურნეობის დაგეგმვისა და ორგანიზების მიმართულებით ხელმძღვანელ თანამდებობაზე მუშაობის გამოცდილება;

ე) სასურველია უცხო ენის (რუსული ან ინგლისური) ცოდნა;

ვ) სავალდებულოა საოფისე პროგრამების: MS Office Word, Excel, Outlook, Power point ცოდნა.

მუხლი 2.

საქართველოს სოფლის მეურნეობის სამინისტროს ტერიტორიული ორგანოების რეგიონალური სამმართველოს უფროსის მოადგილის ვაკანტური თანამდებობის დასაკავებლად კანდიდატებისათვის დადგენილია შემდეგი  საკვალიფიკაციო მოთხოვნები:

ა) უმაღლესი განათლება;

ბ) არანაკლებ 3-წლიანი სამუშაო გამოცდილება;

გ) სასურველია ადმინისტრაციულ ორგანოში ხელმძღვანელ თანამდებობაზე მუშაობის გამოცდილება;

დ) სავალდებულოა სოფლის მეურნეობის დაგეგმვისა და ორგანიზების მიმართულებით ხელმძღვანელ თანამდებობაზე მუშაობის გამოცდილება;

ე) სასურველია უცხო ენის (რუსული ან ინგლისური) ცოდნა;

 ვ) სავალდებულოა საოფისე პროგრამების: MS Office Word, Excel, Outlook, Power point  ცოდნა.“.

2. მე-5 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) საქართველოს კონსტიტუცია – I-II თავები;“;

ბ) დაემატოს შემდეგი შინაარსის „ე¹“ ქვეპუნქტი:

„ე¹) ადგილობრივი თვითმმართველობის კოდექსი;“.