49–ე მუხლის შესაბამისად 2015 წლის განმავლობაში ქალაქ ზუგდიდის მუნიციპალიტეტის საკრებულოში საჯარო ინფორმაციის გაცემის მოთხოვნით შემოვიდა 35 (ოცდათხუთმეტი) განცხადება, მათ შორის 4 (ოთხი) განცხადება ისეთი ინფორმაციის მოთხოვნაზე, რომელთან დაკავშირებით ქალაქ ზუგდიდის მუნიციპალიტეტის საკრებულოს არ გააჩნდა ინფორმაცია, აღნიშნულიდან გამომდინარე განცხადება საქართველოს ზოგადი ადმინისტრაციული კოდექსის მე-80 მუხლის პირველი პუნქტის თანახმად გადაგზავნილ იქნა უფლებამოსილ ადმინისტრაციულ ორგანოში.

საჯარო ინფორმაციის გაცემის მოთხოვნით დაკმაყოფილდა 31 (ოცდათერთმეტი) განცხადება, რაზედაც გადაწყვეტილება მიღებულ იქნა საჯარო ინფორმაციაზე ხელმისაწვდომობის უზრუნველყოფაზე პასუხისმგებელი პირის – ქალაქ ზუგდიდის მუნიციპალიტეტის საკრებულოს საქმისწარმოებისა და იურიდიულ საკითხთა განყოფილების უფროსის ნინო დაგარგულიას და მთავარი სპეციალისტის იურიდიულ საკითხებში თამარ შეროზიას მიერ.

გაცემული საჯარო ინფორმაციის რაოდენობა არის 31 (ოცდათერთმეტი), აქედან არასამეწარმეო (არაკომერციულ) იურიდიულ პირებზე - 27 (ოცდაშვიდი), მედია საშუალებაზე - 5 (ხუთი), ადმინისტრაციულ ორგანოზე - 1 (ერთი), 2015 წელს ქალაქ ზუგდიდის მუნიციპალიტეტის საკრებულოში დახურული სხდომა არ ჩატარებულა.

ქალაქ ზუგდიდის მუნიციპალიტეტის საკრებულოში საჯარო მოსამსახურეთა მიერ საქართველოს კანონის „საქართველოს ზოგადი ადმინისტრაციული კოდექსი’’ დარღვევისა და საჯარო ინფორმაციაზე პასუხისმგებელ პირზე დისციპლინური სასჯელის დადების ფაქტს ადგილი არ ჰქონია.

საკრებულოს თავმჯდომარე მერაბ ქვარაია