„ჭიათურის მუნიციპალიტეტის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ჭიათურის მუნიციპალიტეტის საკრებულოს 2015 წლის 16 იანვრის №3 დადგენილებაში ცვლილების შეტანის თაობაზე

ჭიათურის მუნიციპალიტეტის საკრებულო ადგენს:

„კ) მრავალსართულიან საცხოვრებელ სახლებში მცხოვრებ ოჯახთა დახმარება.“;

„მუხლი 10¹. მრავალსართულიან საცხოვრებელ სახლებში მცხოვრებ ოჯახთა დახმარება

1. მუნიციპალიტეტის ბიუჯეტიდან გაიცემა დახმარება მუნიციპალიტეტის ტერიტორიაზე მდებარე იმ მრავალსართულიან საცხოვრებელ სახლებში მცხოვრებ ოჯახებზე, რომელთა ბინის ტექნიკური მდგომარეობა არადამაკმაყოფილებელია  და საფრთხის შემცველია ადამიანის ჯანმრთელობისა და სიცოცხლისათვის.

2. დახმარების მიმღებმა მუნიციპალიტეტში უნდა წარმოადგინოს:

ა) წერილობითი განცხადება;

ბ) პირადობის მოწმობის ასლი;

გ) ლევან სამხარაულის სახელობის სასამართლო ექსპერტიზის ეროვნული ბიუროს ან აკრედიტაციის ერთიანი ეროვნული ორგანოს – აკრედიტაციის ცენტრის მიერ აკრედიტირებული პირის მიერ გაცემული დასკვნა მრავალსართულიანი საცხოვრებელი სახლის საცხოვრებლად უვარგისობის თაობაზე;

დ) ამ დადგენილების ამოქმედების დღიდან 2 თვის ან მეტი ვადით ადრე ფაქტობრივად ცხოვრების დამადასტურებელი დოკუმენტი –   ნოტარიულად დამოწმებული მოწმეთა ჩვენება, გადასახდელების ან/და მომსახურების საფასურის/ღირებულების გადახდის დამადასტურებელი დოკუმენტი ან ნებისმიერი სხვა დოკუმენტი, რომელიც დაადასტურებს დახმარების მიმღები ოჯახის მრავასართულიან საცხოვრებელ სახლში ფაქტობრივად ცხოვრებას.

ე) ცნობა სულადობის შესახებ.

3. დახმარება გაიცემა საცხოვრებლით უზრუნველსაყოფად განმცხადებლის მიერ წარმოდგენილ საბანკო ანგარიშზე უნაღდო ანგარიშსწორების წესით ყოველთვიურად დროებითი გამოსახლების დღიდან შესაბამისი სამუშაოების განხორციელებამდე, მაგრამ არაუმეტეს ერთი წლისა, შემდეგი სახით:

ა) ერთ და 2-სულიან ოჯახებზე – 100 ლარის ოდენობით;

ბ) 3 და 4-სულიან ოჯახებზე – 150 ლარის ოდენობით;

გ) 5 და მეტსულიან ოჯახებზე – 200 ლარის ოდენობით.“;

„3. მუნიციპალიტეტში შემოსული ყველა განცხადება, გარდა მედიკამენტებით უზრუნველყოფის შესახებ განცხადებისა, თანდართული დოკუმენტაციითურთ შესასწავლად და სოციალური დახმარების გაცემის საკითხზე დასკვნისა და რეკომენდაციის მოსამზადებლად ეგზავნება შესაბამის კომისიას.“.