საქართველოს სისხლის სამართლის კოდექსში ცვლილების შეტანის შესახებ

  1. კოდექსს დაემატოს შემდეგი შინაარსის 207² მუხლი:

  „მუხლი 207².  ცოცხალი გენმოდიფიცირებული ორგანიზმების იმპორტი ან/და რეექსპორტი

 ცოცხალი გენმოდიფიცირებული ორგანიზმების იმპორტი (გარდა საქართველოს კანონმდებლობით გათვალისწინებული მათი ჩაკეტილ სისტემაში გამოყენების მიზნით იმპორტის შემთხვევისა) ან/და რეექსპორტი –

  ისჯება თავისუფლების აღკვეთით ვადით ორიდან ხუთ წლამდე.

  შენიშვნა: ამ მუხლით გათვალისწინებული ქმედებისათვის იურიდიული პირი ისჯება ლიკვიდაციით ან საქმიანობის უფლების ჩამორთმევით ან/და ჯარიმით.“.

  2. 289¹ მუხლის:

  ა) მე-3 ნაწილი ჩამოყალიბდეს შემდეგი რედაქციით:

 „3. ცოცხალი გენმოდიფიცირებული ორგანიზმების გარემოში ინტროდუქცია ან/და საბაზრო ქსელში განთავსება –

  ისჯება თავისუფლების აღკვეთით ვადით სამიდან ხუთ წლამდე, საქმიანობის უფლების ჩამორთმევით ვადით სამ წლამდე ან უამისოდ.“;

  ბ) შენიშვნა ჩამოყალიბდეს შემდეგი რედაქციით:

  „შენიშვნა: ამ მუხლით გათვალისწინებული ქმედებისათვის იურიდიული პირი ისჯება ლიკვიდაციით ან საქმიანობის უფლების ჩამორთმევით.“.

  მუხლი 2. ეს კანონი ამოქმედდეს გამოქვეყნებისთანავე.