სადისციპლინო წესდების აღსრულების ღონისძიებათა შესახებ

სადისციპლინო წესდების აღსრულების ღონისძიებათა შესახებ საქართველოს თავდაცვის მინისტრის ბრძანება №23 2016 წლის 12 აპრილი ქ. თბილისი სადისციპლინო წესდების აღსრულების ღონისძიებათა შესახებ    ,,საქართველოს თავდაცვის სამინისტროს სისტემის სამხედრო მოსამსახურეთა სამხედრო სადისციპლინო წესდების დამტკიცების შესახებ” საქართველოს მთავრობის 2016 წლის 17 მარტის №124  დადგენილების მე-3 მუხლის საფუძველზე, ვბრძანებ: მუხლი 1🔗 1. წარდგინების შედგენაზე უფლებამოსილ თანამდებობის პირებს განეკუთვნებიან: ა) საქართველოს თავდაცვის მინისტრი (შემდგომში - მინისტრი); ბ) საქართველოს თავდაცვის სამინისტროს სისტემის სამხედრო მოსამსახურეთა  სამხედრო სადისციპლინო წესდებით (შემდგომში - სადისციპლინო წესდება) განსაზღვრული უფროსი. 2. დისციპლინური ოქმის შედგენაზე უფლებამოსილ თანამდებობის პირებს განეკუთვნებიან: ა) სადისციპლინო წესდებით განსაზღვრული უფროსი; ბ) საქართველოს შეიარაღებული ძალების სამხედრო პოლიციის უფლებამოსილი  მოსამსახურე; გ) საქართველოს თავდაცვის სამინისტროს გენერალური ინსპექციის უფლებამოსილი მოსამსახურე. 3. დამტკიცდეს: ა) წახალისების სახის გამოყენებაზე უფლებამოსილი თანამდებობის პირების ნუსხა (დანართი №1); ბ) დისციპლინური პასუხისმგებლობის ზომის გამოყენებაზე უფლებამოსილი თანამდებობის პირების ნუსხა (დანართი №2); გ) წარდგინების ფორმა (დანართი №3); დ) დისციპლინური ოქმის ფორმა (დანართი №4); ე) სადისციპლინო საბჭოს რაოდენობა, ტერიტორიული განსჯადობა და შემადგენლობა (დანართი №5); ვ) თმისა და წვერ-ულვაშის ვარცხნილობის ტარების  წესი (დანართი №6); ზ) სამკაულების ნუსხა (დანართი №7); თ) საპატიო სიგელის ფორმა (დანართი №8). მუხლი 2🔗 ეს ბრძანება ძალაშია 2016 წლის 19 აპრილიდან.თავდაცვის მინისტრითინათინ ხიდაშელი