„აფახაზეთის ავტონომიური რესპუბლიკის კონსტიტუციაში ცვლილებების შეტანის შესახებ“ აფხაზეთის ავტონომიური რესპუბლიკის კონსტიტუციური კანონის პროექტის გამოქვეყნებისა და მისი საერთო სახალხო განხილვის საორგანიზაციო კომისიის შექმნის თაობაზე“

„აფახაზეთის ავტონომიური რესპუბლიკის კონსტიტუციაში ცვლილებების შეტანის შესახებ“ აფხაზეთის ავტონომიური რესპუბლიკის კონსტიტუციური კანონის პროექტის გამოქვეყნებისა და მისი საერთო სახალხო განხილვის საორგანიზაციო კომისიის შექმნის თაობაზე“ აფხაზეთის ავტონომიური რესპუბლიკის უმაღლესი საბჭოს  პრეზიდიუმის დადგენილება „აფახაზეთის ავტონომიური რესპუბლიკის კონსტიტუციაში ცვლილებების შეტანის შესახებ“ აფხაზეთის ავტონომიური რესპუბლიკის კონსტიტუციური კანონის პროექტის გამოქვეყნებისა და მისი საერთო სახალხო განხილვის საორგანიზაციო კომისიის შექმნის თაობაზე აფხაზეთის ავტონომიური რესპუბლიკის კონსტიტუციის 98-ე მუხლის მე-4 პუნქტისა და აფხაზეთის ავტონომიური რესპუბლიკის უმაღლესი საბჭოს რეგლამენტის 110-ე მუხლის მე-3 პუნქტის შესაბამისად, აფხაზეთის ავტონომიური რესპუბლიკის უმაღლესი საბჭოს პრეზიდიუმი ადგენს: 1. საერთო სახალხო განხილვისთვის გამოქვეყნდეს აფხაზეთის ავტონომიური რესპუბლიკის უმაღლესი საბჭოს იურიდიულ და საპროცედურო საკითხთა და საკონსტიტუციო, ადამიანის უფლებათა დაცვის კომისიის ავტორობითა და ინიციატორობით აფხაზეთის ავტონომიური რესპუბლიკის უმაღლეს საბჭოში 2016 წლის 12 აპრილს საკანონმდებლო ინიციატივის წესით წარმოდგენილი „აფხაზეთის ავტონომიური რესპუბლიკის კონსტიტუციაში ცვლილებების შეტანის შესახებ“ აფხაზეთის ავტონომიური რესპუბლიკის კონსტიტუციური კანონის პროექტი. 2. შეიქმნას საერთო სახალხო განხილვის საორგანიზაციო კომისია შემდეგი შემადგენლობით: ელგუჯა გვაზავა – აფხაზეთის ავტონომიური რესპუბლიკის უმაღლესი საბჭოს თავმჯდომარე; დავით გვაძაბია – აფხაზეთის ავტონომიური რესპუბლიკის უმაღლესი საბჭოს თავმჯდომარის   მოადგილე; ჯემალ გამახარია – აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილე; გივი ლომინაძე – აფხაზეთის ავტონომიური რესპუბლიკის უმაღლესი საბჭოს   იურიდიულ და საპროცედურო საკითხთა კომისის თავმჯდომარე; ანზორ წოწონავა –   აფხაზეთის ავტონომიური რესპუბლიკის უმაღლესი საბჭოს საკონსტიტუციო და ადმიანის უფლებათა დაცვის კომისიის თავმჯდომარე; თეიმურაზ მჟავია – აფხაზეთის ავტონომიური რესპუბლიკის უმაღლესი საბჭოს ფრაქციის „ახალი აფხაზეთი - სამართლიანობა“-ს თავმჯდომარე; გენო კალანდია – აფხაზეთის ავტონომიური რესპუბლიკის უმაღლესი საბჭოს დეპუტატი, აფხაზეთის მწერალთა კავშირის თავმჯდომარე, შ. რუსთაველისა და გ.შერვაშიძის პრემიების ლაურიატი; ადა მარშანია – აფხაზეთის ავტონომიური რესპუბლიკის უმაღლესი საბჭოს დეპუტატი. ოთარ ბენიძე – შავი ზღვის საერთაშორისო უნივერსიტეტის პროფესორი; ჯემალ გახოკიძე – საქართველოს ტექნიკური უნივერსიტეტის წარმომადგენლობითი საბჭოს სპიკერი, სამართლისა და პოლიტიკის მეცნიერებათა დოქტორი; ჯონი ხეცურიანი – საქართველოს მეცნიერებათა აკადემიის აკადემიკოსი; ავთანდილ ხაზალია – აფხაზეთის მეცნიერებათა ეროვნული აკადემიის აკადემიკოსი, აკადემიის პრეზიდენტის მრჩეველი სამართლის საკითხებში, სოხუმის უნივერსიტეტის სამართლის დოქტორი, პროფესორი, საჯარო მიმართულების ხელმძღვანელი; ზურაბ პაპასკირი – ისტორიულ მეცნიერებათა დოქტორი, სოხუმის სახელმწიფო უნივერსიტეტის პროფესორი, ექვთიმე თაყაიშვილის სახელობის საქართველოს საისტორიო საზოგადოების აფხაზეთის ორგანიზაციის თავმჯდომარე;  იგორ კოპალიანი – აფხაზეთის ავტონომიური რესპუბლიკის იუსტიციის დეპარტამენტის თავმჯდომარე; ნანა ჭანტურია – აფხაზეთის ავტონომიური რესპუბლიკის მთავრობის წარმომადგენელი აჭარის ავტონომიურ რესპუბლიკაში; თამაზ ჯანაშია –  შპს აფხაზეთიდან იძულებით გადაადგილებულ პირთა ზუგდიდის პოლიკლინიკის დირექტორი; რევაზ წულაია –  ქ. ფოთში განსახლებულ დევნილთა საზოგადოებრივი საბჭოს თავმჯდომარე; აჩიკო ელბაქიძე – ფონდი „აფხაზინტერკონტის“ გამგეობის თავმჯდომარე. 3. საერთო სახალხო განხილვა განხორციელდეს 2016 წლის 13  მაისამდე. 4. ეს დადგენილება ამოქმედდეს გამოქვეყნებისთანავე. უმაღლესი საბჭოს თავმჯდომარე                                                   ე. გვაზავა ქ. თბილისი 13.04.2016 №18-პ