„აფხაზეთის ავტონომიური რესპუბლიკის კონსტიტუციაში ცვლილებებისა და დამატებების შეტანის შესახებ“ აფხაზეთის ავტონომიური რესპუბლიკის კონსტიტუციური კანონის პროექტის გამოქვეყნებისა და მისი საერთო სახალხო განხილვის საორგანიზაციო კომისიის შექმნის თაობაზე

აფხაზეთის ავტონომიური რესპუბლიკის უმაღლესი საბჭოს პრეზიდიუმის

დადგენილება

„აფხაზეთის ავტონომიური რესპუბლიკის კონსტიტუციაში ცვლილებებისა და დამატებების შეტანის შესახებ“  აფხაზეთის ავტონომიური რესპუბლიკის კონსტიტუციური კანონის პროექტის გამოქვეყნებისა და მისი საერთო სახალხო განხილვის საორგანიზაციო კომისიის შექმნის თაობაზე

აფხაზეთის ავტონომიური რესპუბლიკის კონსტიტუციის 98-ე მუხლის მე-4 პუნქტისა და აფხაზეთის ავტონომიური რესპუბლიკის 110-ე მუხლის მე-3 პუნქტის შესაბამისად, აფხაზეთის ავტონომიური რესპუბლიკის უმაღლესი საბჭოს პრეზიდიუმი ადგენს:

1. საერთო სახალხო განხილვისთვის გამოქვეყნდეს აფხაზეთის ავტონომიური რესპუბლიკის უმაღლესი საბჭოს იურიდიულ და საპროცედურო საკითხთა და საკონსტიტუციო, ადამიანის უფლებათა დაცვის კომისიების ავტორობითა და ინიციატორობით აფხაზეთის ავტონომიური რესპუბლიკის უმაღლეს საბჭოში 2015 წლის 6 მარტს საკანონმდებლო ინიციატივის წესით წარმოდგენილი „აფხაზეთის ავტონომიური რესპუბლიკის კონსტიტუციაში ცვლილებებისა და დამატებების შეტანის შესახებ“  აფხაზეთის ავტონომიური რესპუბლიკის კონსტიტუციური კანონის პროექტი.

2. შეიქმნას საერთო სახალხო განხილვის საორგანიზაციო კომისია შემდეგი შემადგენლობით:

ელგუჯა გვაზავა - აფხაზეთის ავტონომიური რესპუბლიკის უმაღლესი საბჭოს თავმჯდომარე, კომისიის თავმჯდომარე;

დავით გვაძაბია - აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილე;

ჯემალ გამახარია - აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილე;

გივი ლომინაძე - აფხაზეთის ავტონომიური რესპუბლიკის უმაღლესი საბჭოს იურიდიულ და საპროცედურო საკითხთა კომისიის თავმჯდომარე;

ანზორ წოწონავა - აფხაზეთის ავტონომიური რესპუბლიკის უმაღლესი საბჭოს საკონსტიტუციო და ადამიანის უფლებათა დაცვის კომისია;

რუდიკ ცატავა - აფხაზეთის ავტონომიური რესპუბლიკის უმაღლესი საბჭოს საფინანსო-საბიუჯეტო და დარგობრივ საკითხთა კომისიის თავმჯდომარე;

რაისა ქარაია -  აფხაზეთის ავტონომიური რესპუბლიკის უმაღლესი საბჭოს ფრაქციის „ერთიანი საქართველოს“ თავმჯდომარე;

მურმან კვარაცხელია - აფხაზეთის ავტონომიური რესპუბლიკის უმაღლესი საბჭოს ფრაქციის „ქართული ოცნება-დემოკრატიული საქართველოს“ თავმჯდომარე;

ნუგზარ მგალობლიშვილი - აფხაზეთის ავტონომიური რესპუბლიკის უმაღლესი საბჭოს დეოკუპაციის, საერთაშორისო ურთიერთობების, განათლებისა და კულტურის კომისიის თავმჯდომარე;

თეიმურაზ მჟავია - აფხაზეთის ავტონომიური რესპუბლიკის უმაღლესი საბჭოს ფრაქციის „ახალი აფხაზეთი-სამართლიანობა“ თავმჯდომარე;

ზურაბ ლომთაძე - აფხაზეთის მეცნიერებათა ეროვნული აკადემიის პრეზიდენტი;

ოთარ ჟორდანია - ცხუმ - აფხაზეთის მეცნიერებათა აკადემიის პრეზიდენტი;

სალომე კაპანაძე - არასამთავრობო ორგანიზაცია  „აფხაზეთი - ჩემი სახლი“-ს თავმჯდომარე;

ზურაბ პაპასკირი - სოხუმის უნივერსიტეტის პროფესორი;

ვეფხვია გვარამია - სოხუმის უნივერსიტეტის იურიდიული ფაკულტეტის დეკანი;

იგორ კოპალიანი - აფხაზეთის ავტონომიური რესპუბლიკის იუსტიციის დეპარტამენტის თავმჯდომარე;

თამაზ სანიკიძე -  აფხაზეთის ავტონომიური რესპუბლიკის უმაღლესი საბჭოს აპარატის იურიდიულ და საკადრო საკითხთა დეპარტამენტის უფროსის მოვალეობის შემსრულებელი.

3. საერთო სახალხო განხილვა განხორციელდეს 2015 წლის 20 აპრილამდე.

4. ეს დადგენილება ამოქმედდეს გამოქვეყნებისთანავე.

 

უმაღლესი საბჭოს თავმჯდომარე                                                     ელგუჯა გვაზავა

ქ.თბილისი

09.03.2015წ

N 17 პ