საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ

1. კოდექსს დაემატოს შემდეგი შინაარსის 46²–46⁴ მუხლები:

 „მუხლი 46². უკანონო სააღმზრდელო საქმიანობა

სააღმზრდელო საქმიანობა „სააღმზრდელო საქმიანობის ლიცენზირების შესახებ“ საქართველოს კანონით გათვალისწინებული სააღმზრდელო საქმიანობის ლიცენზიის გარეშე ან იმავე კანონით განსაზღვრული ფილიალის სააღმზრდელო საქმიანობა „სააღმზრდელო საქმიანობის ლიცენზირების შესახებ“ საქართველოს კანონით გათვალისწინებული პროცედურების დაცვის გარეშე –

გამოიწვევს დაჯარიმებას 3000 ლარის ოდენობით.

მუხლი 46³. სააღმზრდელო საქმიანობის სალიცენზიო პირობების შეუსრულებლობა

სააღმზრდელო საქმიანობის სალიცენზიო პირობების შეუსრულებლობა −

გამოიწვევს დაჯარიმებას 300 ლარის ოდენობით.

1. სააღმზრდელო საქმიანობის განმახორციელებლის მიერ სააღმზრდელო საქმიანობის ზედამხედველობის სფეროში საქართველოს შრომის, ჯანმრთელობისა და სოციალური დაცვის სამინისტროს შესაბამისი სამსახურის მოთხოვნის შეუსრულებლობა –

გამოიწვევს გაფრთხილებას.

2. იგივე ქმედება, ჩადენილი განმეორებით, –

გამოიწვევს დაჯარიმებას 500 ლარის ოდენობით.“.

2. 208-ე მუხლი ჩამოყალიბდეს შემდეგი რედაქციით:

„მუხლი 208. რაიონული (საქალაქო) სასამართლოს განსჯადი ადმინისტრაციულ სამართალდარღვევათა საქმეები

რაიონული (საქალაქო) სასამართლო განიხილავს ადმინისტრაციულ სამართალდარღვევათა საქმეებს, რომლებიც გათვალისწინებულია ამ კოდექსის 42¹ და 42² მუხლებით, 43-ე მუხლის მე-2 ნაწილით, 44-ე–44³, 44⁵, 44⁷–46⁴, 48-ე, 49-ე, 50¹, 51-ე–55⁴, 56-ე, 57-ე–59-ე, 59²–მე-60, 60³–61¹, 63-ე−65-ე, 66-ე−69-ე, 71-ე, 71¹, 72¹–78-ე, 79¹–81-ე, 82¹, 82², 84-ე–86-ე, 87¹–89³, 91², 91³, 94-ე, 95-ე, 99-ე, 100¹, 100², 103¹, 104-ე და 105¹ მუხლებით, 127¹ მუხლის მე-5 ნაწილით, 128¹–128⁵, 143-ე, 144-ე, 144¹⁰,  145-ე, 146¹, 148-ე, 150-ე–151-ე, 152-ე, 152², 152³, 153-ე, 153¹ და 153³–153⁵ მუხლებით, 153⁶ მუხლის მე-2 ნაწილით, 154-ე−154², 155¹–156-ე, 157¹–158¹, 159-ე, 159¹, 159⁴–159¹⁰, 163-ე, 164-ე, 164⁴, 165¹–165³, 166-ე და 167-ე მუხლებით, 171-ე მუხლის მე-3 ნაწილით, 171¹, 172-ე, 172⁴–172⁶, 173-ე, 173⁴–173⁷, 173⁹, 173¹² და 174¹ მუხლებით, 174¹⁵ მუხლის მე-4 ნაწილით, 175¹, 175², 177⁸, 177⁹, 177¹¹–178-ე, 179¹–179³, 180-ე და 181-ე მუხლებით, 181¹ მუხლის მე-2 ნაწილით, 182-ე, 183-ე, 187-ე–187², 189-ე, 192-ე, 195-ე, 196³, 196⁶, 197¹ და 197² მუხლებით.“.

3. 239-ე მუხლის 38-ე ნაწილი ჩამოყალიბდეს შემდეგი რედაქციით:

„38. ამ კოდექსის 44², 44⁵, 44⁷–44¹² და 46²–46⁴ მუხლებით გათვალისწინებულ ადმინისტრაციულ სამართალდარღვევათა შესახებ ოქმებს ადგენენ საქართველოს შრომის, ჯანმრთელობისა და სოციალური დაცვის სამინისტროს შესაბამისი სამსახურები.“.

მუხლი 2. ეს კანონი ამოქმედდეს გამოქვეყნებიდან მე-15 დღეს.