სიღნაღის მუნიციპალიტეტის ქალაქ სიღნაღის ტერიტორიაზე კვადროციკლების მოძრაობის წესის დამტკიცების შესახებ

სიღნაღის მუნიციპალიტეტის ქალაქ სიღნაღის ტერიტორიაზე კვადროციკლების მოძრაობის წესის დამტკიცების შესახებ სიღნაღის მუნიციპალიტეტის საკრებულოს დადგენილება №14 2016 წლის 1 ივლისი ქ. სიღნაღი სიღნაღის მუნიციპალიტეტის ქალაქ სიღნაღის ტერიტორიაზე კვადროციკლების მოძრაობისა და დგომის წესის დამტკიცების შესახებ საქართველოს ორგანული კანონის  „ადგილობრივი თვითმმართველობის კოდექსი“ მე - 16 მუხლის მეორე პუნქტის „კ“ ქვეპუნქტის, 24-ე მუხლის მე-2 პუნქტის,  „საგზაო მოძრაობის შესახებ“ საქართველოს კანონის მე-7 მუხლის მე-3 პუნქტისა  და მე-13 მუხლის შესაბამისად,  სიღნაღის მუნიციპალიტეტის საკრებულო ადგენს: მუხლი 1🔗 დამტკიცდეს „სიღნაღის მუნიციპალიტეტის  ქალაქ  სიღნაღის ტერიტორიაზე კვადროციკლების  მოძრაობისა და დგომის  წესი“ დანართის შესაბამისად. მუხლი 2🔗 დადგენილება ამოქმედდეს გამოქვეყნებისთანავე.სიღნაღის მუნიციპალიტეტის საკრებულოს თავმჯდომარეგოჩა ტოკლიკიშვილი დანართი სიღნაღის მუნიციპალიტეტის ქალაქ  სიღნაღის ტერიტორიაზე  კვადროციკლების  მოძრაობისა და დგომის წესი ეს წესი   შემუშავებულია  საქართველოს ორგანული კანონის  „ადგილობრივი თვითმმართველობის კოდექსი“, „საგზაო მოძრაობის უსაფრთხოების შესახებ“ საქართველოს კანონის, საქართველოს ადმინისტრაციულ სამართალდარღვევათა კოდექსის შესაბამისად და განსაზღვრავს სიღნაღის მუნიციპალიტეტის  ქალაქ  სიღნაღის ტერიტორიაზე კვადროციკლების მოძრაობისა და დგომის წესს. მუხლი 1🔗 აკრძალულია კვადროციკლების მოძრაობა ქალაქ სიღნაღის ტერიტორიაზე არსებულ ბულვარებში, პარკებსა და სკვერებში. მუხლი 2🔗 აკრძალულია კვადროციკლების მოძრაობა ქალაქ  სიღნაღის ტერიტორიაზე 21:00 საათიდან 10:00  საათამდე. მუხლი 3🔗 აღნიშნული წესების დარღვევა გამოიწვევს ჯარიმას 20 (ოცი) ლარის, ხოლო განმეორების შემთხვევაში, 50 (ორმოცდაათი) ლარის ოდენობით. შენიშვნა: ამ წესის ნორმები არ ვრცელდება საქართველოს შინაგან საქმეთა სამინისტროსა და საქართველოს კანონმდებლობით განსაზღვრულ სხვა უფლებამოსილი ორგანოების მიერ გამოყენებულ კვადროციკლებზე.