ქალაქ რუსთავის მუნიციპალიტეტის ქონების ვადაგაგრძელებულ და განმეორებით აუქციონზე გასხვისების წესის დამტკიცების შესახებ

ქალაქ რუსთავის მუნიციპალიტეტის ქონების ვადაგაგრძელებულ და განმეორებით აუქციონზე გასხვისების წესის დამტკიცების შესახებ ქალაქ რუსთავის მუნიციპალიტეტის საკრებულოს დადგენილება №157 2016 წლის 5 აგვისტო ქ. რუსთავი ქალაქ რუსთავის მუნიციპალიტეტის ქონების ვადაგაგრძელებულ და განმეორებით აუქციონზე გასხვისების წესის დამტკიცების შესახებ „ადგილობრივი თვითმმართველობის კოდექსის“ მე-16 მუხლის პირველი ნაწილის „ბ“ ქვეპუნქტის, მე-19 მუხლის „ა“ პუნქტის, 24-ე მუხლის მე-3 ნაწილის, 61-ე მუხლის მე-2 ნაწილის, 119-ე მუხლის მე-10 და მე-11 ნაწილების, საქართველოს მთავრობის 2015 წლის 669-ე დადგენილების მე-13 და 38-ე მუხლების შესაბამისად, ქალაქ რუსთავის მუნიციპალიტეტის საკრებულო ადგენს: მუხლი 1🔗 დამტკიცდეს ქალაქ რუსთავის მუნიციპალიტეტის ქონების ვადაგაგრძელებულ და განმეორებით აუქციონზე გასხვისების წესი (დანართი №1). მუხლი 2🔗 დადგენილება ამოქმედდეს გამოქვეყნებისთანავე. ქალაქ რუსთავის მუნიციპალიტეტის საკრებულოს თავმჯდომარედავით მაღლაკელიძე დანართი ქალაქ რუსთავის მუნიციპალიტეტის ქონების ვადაგაგრძელებულ და განმეორებით აუქციონზე გასხვისების წესი ზოგადი დებულებები მუხლი 1🔗. მოქმედების სფერო და მიზანი 1. ქალაქ რუსთავის მუნიციპალიტეტის ქონების ვადაგაგრძელებულ და განმეორებით აუქციონზე გასხვისების წესი (შემდგომში – წესი) განსაზღვრავს ქალაქ რუსთავის მუნიციპალიტეტის მიერ საჯარო ან/და ელექტრონული აუქციონის გზით განუკარგავი ქონების ვადაგაგრძელებულ და განმეორებით აუქციონზე განკარგვის წესსა და პირობებს. 2. ამ წესის მიზანია ქალაქ რუსთავის მუნიციპალიტეტის საკრებულოს მიერ დამტკიცებული ქალაქ რუსთავის მუნიციპალიტეტის ქონების პრივატიზაციის გეგმის პირობების ცვლილების ერთიანი წესის შემუშავება. 3.  ვადაგაგრძელებულ და განმეორებით აუქციონის განმახორციელებელი ორგანოა ქალაქ რუსთავის მუნიციპალიტეტის მერია. ძირითადი დებულებები მუხლი 2🔗. ზოგადი წესი ვადაგაგრძელებული აუქციონის ჩატარების შესახებ 1. ქალაქ რუსთავის მუნიციპალიტეტის ქონების განკარგვის მიზნით ტარდება ვადაგაგრძელებული აუქციონი, თუ: ა) არ მოხდა საპრივატიზაციო გეგმით გათვალისწინებული ქონების საჯარო აუქციონის გზით განკარგვა; ბ) არ მოხდა საპრივატიზაციო გეგმით გათვალისწინებული ქონების ელექტრონული აუქციონის გზით განკარგვა. 2. განუკარგავ ქონებას წარმოადგეს მუნიციპალურ საკუთრებაში არსებული, საპრივატიზაციო გეგმით გათვალისწინებულ ქონება, რომლის შესაბამის ლოტზეც არ გაკეთებულა ბიჯი აუქციონის მიმდინარეობის პერიოდში ან აუქციონის შედეგები გამოცხადდა ჩაშლილად. მუხლი 3🔗. ზოგადი წესი განმეორებითი აუქციონის ჩატარების შესახებ 1. ქალაქ რუსთავის მუნიციპალიტეტის ქონების განკარგვის მიზნით ტარდება განმეორებითი აუქციონი, თუ ა) არ მოხდა საპრივატიზაციო გეგმით გათვალისწინებული ქონების ვადაგაგრძელებული საჯარო აუქციონის გზით განკარგვა; ბ) არ მოხდა საპრივატიზაციო გეგმით გათვალისწინებული ქონების ვადაგაგრძელებული ელექტრონული აუქციონის გზით განკარგვა. 2.  განმეორებითი აუქციონის ჩატარებისას საპრივატიზაციო გეგმით გათვალისწინებული ქონების საწყისი საპრივატიზაციო საფასური შემცირდეს 25%-ით, მაგრამ არანაკლებ ქალაქ რუსთავის მუნიციპალიეტის საკრებულოს მიერ დადგენილი მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნაკვეთის ნორმატიული ფასის ოდენობისა. 3. თუ არ მოხდა საპრივატიზაციო გეგმით დამტკიცებული ქონების განმეორებით აუქციონის გზით განკარგვა, ამ მუხლის მე-2 პუნქტის შესაბამისად დადგენილი საწყისი საპრივატიზაციო საფასური შემცირდეს 1/3-ით, მაგრამ არანაკლებ ქალაქ რუსთავის მუნიციპალიეტის საკრებულოს მიერ დადგენილი მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნაკვეთის ნორმატიული ფასის ოდენობისა. მუხლი 4🔗.  ვადაგაგრძელებული და განმეორებითი აუქციონის ჩატარების შესახებ 1.   გადაწყვეტილებას ვადაგაგრძელებული აუქციონის ჩატარების შესახებ იღებს ქალაქ რუსთავის მუნიციპალიტეტის მერია, აღნიშნული წესის შესაბამისად.   2.   გადაწყვეტილებას განმეორებითი აუქციონის ჩატარების შესახებ იღებს ქალაქ რუსთავის მუნიციპალიტეტის მერია, აღნიშნული წესის შესაბამისად.   დასკვნითი დებულებები მუხლი 5🔗. ინფორმაციის გამოქვეყნების წესი ინფორმაცია ვადაგაგრძელებული და განმეორებითი აუქციონის ჩატარების შესახებ გამოქვეყნდეს ქალაქ რუსთავის მუნიციპალიტეტის იფიციალურ ვებგვერდზე www.rustavi.gov.ge- ზე.