საქართველოს პარლამენტის 2016 წლის 8 ოქტომბრის/ადგილობრივი თვითმმართველობის წარმომადგენლობითი და აღმასრულებელი ორგანოების შუალედური/რიგგარეშე არჩევნებისათვის ამომრჩეველთა ერთიანი სიის ფორმირების დამატებითი წესის განსაზღვრის შესახებ

საქართველოს პარლამენტის 2016 წლის 8 ოქტომბრის/ადგილობრივი თვითმმართველობის წარმომადგენლობითი და აღმასრულებელი ორგანოების შუალედური/რიგგარეშე არჩევნებისათვის ამომრჩეველთა ერთიანი სიის ფორმირების დამატებითი წესის განსაზღვრის შესახებ საქართველოს საარჩევნო ადმინისტრაცია – საქართველოს ცენტრალური საარჩევნო კომისიის დადგენილება №55/2016 2016 წლის 10 აგვისტო ქ. თბილისი საქართველოს პარლამენტის 2016 წლის 8 ოქტომბრის/ადგილობრივი თვითმმართველობის წარმომადგენლობითი და აღმასრულებელი ორგანოების შუალედური/რიგგარეშე არჩევნებისათვის ამომრჩეველთა ერთიანი სიის ფორმირების დამატებითი წესის განსაზღვრის შესახებ საქართველოს ორგანული კანონის „საქართველოს საარჩევნო კოდექსი“ 185​12 მუხლით განსაზღვრული წესი ძალაში შევიდა 2016 წლის 13 ივლისს და მოქმედებდა 2016 წლის პირველ აგვისტომდე, რის გამოც ფაქტობრივად ვერ შესრულდა კანონის მიზანი, უზრუნველყოფილიყო ამავე მუხლით განსაზღვრულ ამომრჩეველთა მონაწილეობა 2016 წლის 8 ოქტომბრის საქართველოს პარლამენტის არჩევნებში. ამავდროულად, აღნიშნული წესი არ ადგენს 2016 წლის 8 ოქტომბრის პარლამენტის არჩევნებთან ერთად გასამართი სხვა სახის არჩევნებისათვის აღნიშნულ ამომრჩეველთა მონაწილეობის წესს. შესაბამისად, აუცილებელია, საქართველოს ორგანული კანონის „საქართველოს საარჩევნო კოდექსი“ მე-14 მუხლის პირველი პუნქტის „ღ“ ქვეპუნქტით ცესკოსათვის მინიჭებული უფლებამოსილების ფარგლებში, დადგინდეს ამომრჩეველთა სიის ფორმირების დამატებითი წესი. ზემოაღნიშნულიდან გამომდინარე, საქართველოს ორგანული კანონის „საქართველოს საარჩევნო კოდექსი“ მე-14 მუხლის პირველი პუნქტის „გ” და „ღ” ქვეპუნქტებისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს: მუხლი 1🔗 ამომრჩეველი, რომელსაც გააჩნია იურიდიული ძალის მქონე საქართველოს მოქალაქის პირადობის მოწმობა ან საქართველოს მოქალაქის პასპორტი და რომელიც მოიხსნა საცხოვრებელი ადგილის მიხედვით რეგისტრაციიდან, ან რომლის რეგისტრაციაც ძალადაკარგულად გამოცხადდა სსიპ – სახელმწიფო სერვისების განვითარების სააგენტოს გადაწყვეტილებით, ან რომელიც რეგისტრირებულია მისამართის მითითების გარეშე,  საქართველოს პარლამენტის 2016 წლის 8 ოქტომბრის/ადგილობრივი თვითმმართველობის წარმომადგენლობითი და აღმასრულებელი ორგანოების შუალედურ/რიგგარეშე არჩევნებისათვის, ამომრჩველთა ერთიან სიაში შეიტანება შემდეგი წესით: 1. ამომრჩეველი, რომელიც მოიხსნა საცხოვრებელი ადგილის მიხედვით რეგისტრაციიდან, ან რომლის რეგისტრაციაც ძალადაკარგულად გამოცხადდა სსიპ – სახელმწიფო სერვისების განვითარების სააგენტოს გადაწყვეტილებით, ამომრჩევლთა ერთიან სიაში შეიტანება ბოლო რეგისტრაციის ადგილის ან ფაქტობრივი (დროებითი) საცხოვრებელი ადგილის (მისამართის) მიხედვით; 2. ამომრჩეველი, რომელიც რეგისტრირებულია მისამართის მითითების გარეშე, ამომრჩეველთა ერთიან სიაში შეიტანება ფაქტობრივი (დროებითი) საცხოვრებელი ადგილის (მისამართის) მიხედვით. მუხლი 2🔗 სსიპ – სახელმწიფო სერვისების განვითარების სააგენტოს ეთხოვოს  დადგენილების პირველ მუხლში აღნიშნულ ამომრჩეველთა შესახებ მის ხელთ არსებული მონაცემების, ცესკოსათვის გადმოცემა, არაუგვიანეს 2016 წლის 10 სექტემბრისა ან/და ცესკოს მიერ მოთხოვნის მიღებიდან 3 დღის ვადაში. მუხლი 3🔗 ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ. №6) მისი მიღებიდან 2 კალენდარული დღის ვადაში. მუხლი 4🔗 ეს დადგენილება ამოქმედდეს გამოქვეყნებისთანავე.კომისიის თავმჯდომარეთამარ ჟვანიაკომისიის მდივანიგიორგი ჯავახიშვილი