„გარდაბნის მუნიციპალიტეტის წარმატებულ სპორტსმენთა დაჯილდოების წესის დამტკიცების შესახებ“ გარდაბნის მუნიციპალიტეტის საკრებულოს 2015 წლის 24 ივნისის N40 დადგენილებაში ცვლილებისა და დამატების შეტანის შესახებ

1. წესის მე-2 მუხლი ჩამოყალიბდეს შემდეგი რედაქციით:

„წარმატებულ სპორტსმენთა დაჯილდოება შესაძლებელია განხორციელდეს გარდაბნის მუნიციპალიტეტის საკრებულოს ინიციატივით ან მუნიციპალიტეტის გამგეობის შუამდგომლობით. დაჯილდოების მიზნით წარმოსადგენია შემდეგი დოკუმენტაცია:

ა) შესაბამისი ტიტულის მოპოვების დამადასტურებელი დიპლომის ასლი;

ბ) პირადობის დამადასტურებელი მოწმობის ასლი;

გ) საბანკო ანგარიშის ნომერი.“.

2. წესის მე-3 მუხლს პირველი წინადადების შემდეგ, დაემატოს სიტყვები:

„ა(ა)იპ „გარდაბნის მუნიციპალიტეტის სპორტული ცენტრის“ იმ მწვრთნელთა დაჯილდოების საკითხი, რომელთა აღზრდილმა სპორტსმენებმა მიაღწიეს ამ წესის მე-4, მე-5 და მე-6 მუხლებით გათვალისწინებულ წარმატებას, განისაზღვრება საკრებულოს მიერ. მწვრთნელზე გასაცემი თანხა არ უნდა აღემატებოდეს წარმატებული სპორტსმენის დასაჯილდოებელი თანხის 50 %-ს.“.

3. წესის მე-5 მუხლში სიტყვა „გრანპრი“ შეიცვალოს სიტყვით „გრანდ-სლემი“.