„თვითმფრინავების საფრენოსნო ექსპლუატაციის წესების დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 11 ოქტომბრის №203 ბრძანებაში ცვლილების შეტანის თაობაზე

სსიპ – სამოქალაქო ავიაციის სააგენტოს დირექტორის

2016 წლის 2 ნოემბერი

ქ. თბილისი

1. მე-2 მუხლს დაემატოს შემდეგი შინაარსის „ჰ⁸⁴“, „ჰ⁸⁵“, „ჰ⁸⁶“ და  „ჰ⁸⁷“ პუნქტები:

„ჰ⁸⁴) ADFR –  ავტომატურად მოხსნადი ფრენის მონაცემების თვითჩამწერი;

 ჰ⁸⁵) PBC – მახასიათებლებზე დაფუძნებული კავშირი;

 ჰ⁸⁶) PBS – მახასიათებლებზე დაკავშირებული დაკვირვება;

 ჰ⁸⁷) RSP – კავშირისათვის საჭირო მახასიათებლები.“.

2. მე-3 მუხლს დაემატოს შემდეგი შინაარსის  „ჰ⁷¹“, „ჰ⁷² “, „ჰ⁷³“, „ჰ⁷⁴“, „ჰ⁷⁵“ და „ჰ⁷⁶“ პუნქტები:

„ჰ⁷¹) ავტომატურად მოხსნადი ფრენის მონაცემების თვითჩამწერი – სხ-ზე დამონტაჟებული თვითჩამწერი მოწყობილობა, რომელიც ავტომატურად განცალკევდება სხ-ისგან;

ჰ⁷²) მახასიათებლებზე დაფუძნებული დაკვირვება – დაკვირვება, რომელიც დაფუძნებულია იმ საჭირო მახასიათებლებზე, რომლებიც გამოიყენება საჰაერო მოძრაობის მომსახურებისთვის;

ჰ⁷³) საჰაერო მოძრაობის მომსახურება – ზოგადი ტერმინი, რომელიც შესაბამის შემთხვევებში ნიშნავს: საფრენოსნო-საინფორმაციო მომსახურებას, საავიაციო შეტყობინებას, საჰაერო მოძრაობის საკონსულტაციო მომსახურებას, საჰაერო მოძრაობის სამეთვალყურეო მომსახურებას (რაიონული სამეთვალყურეო, მისადგომის სამეთვალყურეო და/ან სააეროდრომო სამეთვალყურეო მომსახურებას);

ჰ⁷⁴) დაბრუნების წერტილი – ბოლო გეოგრაფიული წერტილი მარშრუტზე, საიდანაც  სხ-ს შეუძლია გააგრძელოს ფრენა როგორც დანიშნულების, ასევე სათადარიგო აეროდრომებზე;

ჰ⁷⁵) მახასიათებლებზე დაფუძნებული კავშირი – კავშირი დაფუძნებული მახასიათებლებზე, რომლებიც გამოიყენება საჰაერო მოძრაობის მომსახურებისთვის;

ჰ⁷⁶) დაკვირვებისთვის საჭირო მახასიათებლების სპეციფიკაცია – მოთხოვნების ჩამონათვალი საჰაერო მოძრაობის უზრუნველყოფისათვის, მიწისზედა, სხ-ის აღჭურვილობის და ოპერაციების მიმართ, რომელიც აუცილებელია მახასიათებლებზე დაფუძნებული საჰაერო დაკვირვების განსახორციელებლად.“.

3. 25-ე მუხლის 1-ელი პუნქტი ჩამოყალიბდეს შემდეგი რედაქციით:

„1. ფრენა, რომელიც უნდა შესრულდეს ვფწ-ით, არ შეიძლება დაიწყოს, თუ მიმდინარე მეტეოროლოგიური ინფორმაცია ან მიმდინარე ამინდი და ამინდის პროგნოზი არ მიუთითებს იმაზე, რომ მარშრუტზე ან მარშრუტის იმ მონაკვეთზე, რომელზეც სხ იფრენს, მეტეოროლოგიური პირობები არ იქნება ვფწ-ის ფრენის შესრულების შესაბამისი.”.

4. 51-ე მუხლს დაემატოს შემდეგი შინაარსის 32-ე პუნქტი:

„32. 27000კგ-ზე მეტი მაქსიმალური სერტიფიცირებული ასაფრენი მასის მქონე ყველა სხ., რომელზედაც საფრენად ვარგისობის მოწმობა პირველად გაიცემა 2021 წლის 1 იანვარს ან ამ თარიღის შემდეგ, უნდა აღიჭურვოს CVR-ით,  რომელიც უზრუნველყოფს  მუშაობის სულ ცოტა ბოლო 25 სთ-ის ჩანაწერის შენახვას.”.

5.73-ე მუხლის მე-3 პუნქტი ჩამოყალიბდეს შემდეგი რედაქციით:

„3. ფრენის შესრულებისას, როდესაც კავშირი ხორციელდება PBC-ის გამოყენებით, რადიოკავშირის აღჭურვილობა უნდა აკმაყოფილებდეს RCP-ის სპეციფიკაციის მოთხოვნებს, რისთვისაც ამ მუხლის პირველი პუნქტის მოთხოვნების დამატებით:

ა) სხ უნდა აღიჭურვოს კავშირის ისეთი მოწყობილობით, რომელიც მისცემს მას შესაძლებლობას  შეასრულოს ფრენა არსებული RСP-ის სპეციფიკაციის შესაბამისად;

ბ) სხ-ის სეს-ში ან სხვა საბუთებში მითითებული RCP უნდა იყოს დამტკიცებული მწარმოებლის ან რეგისტრაციის სახელმწიფოს მიერ.

გ) ინფორმაცია სხ-ის RCP სპეციფიკაციებზე  უნდა იყოს შეტანილი MEL-ში.

შენიშვნა: ინფორმაციას შეიცავს „კავშირის აუცილებელი მახასიათებლების სახელმძღვანელო“ იკაოს DOC 9869, სადაც ასევე მოცემულია კავშირის სისტემებზე და RСP-ზე სახელმწიფოებისა და საერთაშორისო ორგანოების მიერ მომზადებული საბუთების სარეკომენდაციო სია.“.