საჯარო სამართლის იურიდიული პირის – ნიკო ფიროსმანაშვილის სახელმწიფო მუზეუმის შექმნის შესახებ

საქართველოს პრეზიდენტის

ბრძანებულება №387

2003 წლის 8 აგვისტო

ქ. თბილისი

საჯარო სამართლის იურიდიული პირის – ნიკო ფიროსმანაშვილის სახელმწიფო მუზეუმის შექმნის შესახებ

ნიკო ფიროსმანაშვილის სახელმწიფო მუზეუმის სამართლებრივი სტატუსის განსაზღვრის მიზნით, „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის თანახმად:

1. შეიქმნას საჯარო სამართლის იურიდიული პირი – ნიკო ფიროსმანაშვილის სახელმწიფო მუზეუმი.

2. მუზეუმის სახელმწიფო კონტროლი განახორციელოს საქართველოს კულტურის სამინისტრომ (ს. გოგიბერიძე). მასვე დაევალოს საჯარო სამართლის იურიდიული პირის – ნიკო ფიროსმანაშვილის სახელმწიფო მუზეუმის დებულების დამტკიცება და უფლებამოსილი პირის დანიშვნა.

3. საქართველოს ეკონომიკის, მრეწველობისა და ვაჭრობის სამინისტრომ (გ. გაჩეჩილაძე) გააფორმოს მუზეუმთან სათანადო ხელშეკრულება უძრავი ქონების უსასყიდლო უზუფრუქტის წესით გადაცემის შესახებ, ხოლო მოძრავი ქონება მუზეუმს გადაეცეს კანონმდებლობით დადგენილი წესით.

ე. შევარდნაძე