„ლენტეხის მუნიციპალიტეტის გამგეობის იურიდიული სამსახურის დებულების დამტკიცების შესახებ“ ლენტეხის მუნიციპალიტეტის საკრებულოს 2014 წლის 14 აგვისტოს N21 დადგენილებაში ცვლილების შეტანის თაობაზე

,,მუხლი 2. სამსახურის სტრუქტურა

1. სამსახური შედგება    სტრუქტურული  ქვედანაყოფის – განყოფილებისაგან.

2. სამსახურის სტრუქტურული ქვედანაყოფია:

ა) საკრებულოსა და გამგეობის  სამართლებრივი  მომსახურების  განყოფილება. 

3.  სამსახურის მოხელეების უფლება-მოვალეობები განისაზღვრება ლენტეხის მუნიციპალიტეტის  საკრებულოს  2014 წლის 21 ივლისის №15 დადგენილებით დამტკიცებული  გამგეობის   დებულების მე-16 მუხლით,  საკრებულოს 2014 წლის 14 ივლისის №09 დადგენილებით დამტკიცებული საკრებულოს  რეგლამენტით, მოხელეების ფუნქციები განისაზღვრება შესაბამის სამუშაოთა აღწერილობით.

4. სამსახურის  მოხელეთა   თანამდებობაზე  დანიშვნა-გათავისუფლება  და სამსახურებრივი კარიერის გავლის წესები განისაზღვრება  საკრებულოს 2014 წლის  21 ივლისის №15 დადგენილებით დამტკიცებული   გამგეობის დებულებით  და საკრებულოს  2014 წლის 14 ივლისის  №09 დადგენილებით დამტკიცებული  საკრებულოს  რეგლამენტით და „საჯარო სამსახურის შესახებ’’  საქართველოს კანონის  შესაბამისად.

 2. დებულების 3¹  მუხლის პირველი პუნქტის სათაური და პირველი  პუნქტი ჩამოყალიბდეს შემდეგი რედაქციით:

„მუხლი 3¹. სამსახურის სტრუქტურული  ქვედანაყოფის ფუნქციები:

1. საკრებულოსა  და გამგეობის სამართლებრივი  მომსახურების განყოფილება  უზრუნველყოფს   საკრებულოს დადგენილებების სისტემატიზაციასა და კოდიფიცირებას,    გამგებლისა და საკრებულოს თავმჯდომარის,   გამგეობის  თანამდებობის პირებისა და საკრებულოს  თანამდებობის პირების  კონსულტირებას,  სამართლებრივი  დასკვნების  მომზადებას,   სამართლებრივი აქტების  პროექტების  გასწორებას’’.