„2016 წელს განხორციელებული ტენდერების შედეგად წარმოქმნილი ეკონომიის შემდგომი გამოყენების თაობაზე“ საქართველოს მთავრობის 2016 წლის 16 მაისის №824 განკარგულებაში ცვლილების შეტანის შესახებ

საქართველოს მთავრობის

განკარგულება №2294

2016 წლის 3 ნოემბერი

ქ. თბილისი

 „2016 წელს განხორციელებული ტენდერების შედეგად წარმოქმნილი ეკონომიის შემდგომი გამოყენების თაობაზე“ საქართველოს მთავრობის 2016 წლის 16 მაისის №824 განკარგულებაში ცვლილების შეტანის შესახებ

 საქართველოს ზოგადი ადმინისტრაციული კოდექსის 63-ე მუხლის შესაბამისად, „2016 წელს განხორციელებული ტენდერების შედეგად წარმოქმნილი ეკონომიის შემდგომი გამოყენების თაობაზე“ საქართველოს მთავრობის 2016 წლის 16 მაისის №824 განკარგულებაში შეტანილ იქნეს ცვლილება და:

 ა) პირველ პუნქტს დაემატოს შემდეგი შინაარსის „გ“ ქვეპუნქტი:  

„გ) 2016 წლის ივლის-სექტემბერში გამოცხადებული ტენდერების შედეგად წარმოქმნილი ეკონომია შეადგენს 9 438 061 (ცხრა მილიონ ოთხას ოცდათვრამეტი ათას სამოცდაერთი) ლარს (დანართი №5).“;

ბ) მე-3 პუნქტი ჩამოყალიბდეს შემდეგი რედაქციით:

„3. უფლება მიეცეს საქართველოს რეგიონული განვითარებისა და ინფრასტრუქტურის სამინისტროს, ამ განკარგულების №2 დანართით განსაზღვრული თანხის გარდა, 2016 წლის განმავლობაში გამოცხადებული ტენდერების შედეგად წარმოქმნილი ეკონომია მიმართოს ინფრასტრუქტურული პროექტების დასაფინანსებლად.“;

გ) დაემატოს შემდეგი შინაარსის მე-6 პუნქტი:

„6. საქართველოს სამინისტროებმა და მათ კონტროლს დაქვემდებარებულმა საბიუჯეტო ორგანიზაციებმა, გარდა საქართველოს რეგიონული განვითარებისა და ინფრასტრუქტურის სამინისტროსი, 2016 წლის ივლის-დეკემბერში წარმოქმნილი ეკონომიების მიმართვის მიზნობრიობა შეათანხმონ საქართველოს ფინანსთა სამინისტროსთან.“;

დ) დაემატოს დანართი №5 და ჩამოყალიბდეს თანდართული რედაქციით.

 

პრემიერ-მინისტრი                          გიორგი კვირიკაშვილი

„დანართი №5

 ლარებში

 

დასახელება	წარმოქმნილი ეკონომია (ივლისი-სექტემბერი)
საქართველოს ფინანსთა სამინისტრო	94,141.0
საქართველოს ეკონომიკისა და მდგრადი განვითარების სამინისტრო	134,061.6
საქართველოს რეგიონული განვითარებისა და ინფრასტრუქტურის სამინისტრო	2,336,228.7
საქართველოს იუსტიციის სამინისტრო	93,283.2
მ.შ. საქართველოს პროკურატურა	32,965.1
საქართველოს სასჯელაღსრულებისა და პრობაციის სამინისტრო	126,164.0
საქართველოს საგარეო საქმეთა სამინისტრო	224.0
საქართველოს თავდაცვის სამინისტრო	791,650.8
მ.შ. სამეცნიერო კვლევების ხელშეწყობა	10,707.0
საქართველოს შინაგან საქმეთა სამინისტრო	1,212,377.6
საქართველოს განათლებისა და მეცნიერების სამინისტრო	3,838,861.1
საქართველოს კულტურისა და ძეგლთა დაცვის სამინისტრო	30,575.0
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო	15,455.4
საქართველოს შრომის, ჯანმრთელობისა და სოციალური დაცვის სამინისტრო	353,988.7
საქართველოს ენერგეტიკის სამინისტრო	23,224.2
საქართველოს სოფლის მეურნეობის სამინისტრო	200,099.4
საქართველოს გარემოსა და ბუნებრივი რესურსების დაცვის სამინისტრო	43,174.3
საქართველოს სპორტისა და ახალგაზრდობის საქმეთა სამინისტრო	144,552.2
სულ:	9,438,061.1.“.