„საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის დებულების დამტკიცების შესახებ“ საქართველოს შინაგან საქმეთა მინისტრის 2006 წლის 21 ივნისის №786 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2016 წლის 25 ნოემბერი

ქ. თბილისი

1. მე-6 მუხლის მე-5 პუნქტი ჩამოყალიბდეს შემდეგი რედაქციით:

„5. სასაზღვრო პოლიციის უფროსს ჰყავს პირველი მოადგილე და მოადგილე, რომლებსაც თანამდებობაზე ნიშნავს და თანამდებობიდან ათავისუფლებს საქართველოს შინაგან საქმეთა მინისტრი.“.

2. მე-6 მუხლის მე-6 პუნქტის:

ა) „გ“ ქვეპუნქტი ჩამოყალიბდეს შემდეგი რედაქციით:

„გ) საორგანიზაციო უზრუნველყოფის სამმართველო;“;

ბ) „გ“ ქვეპუნქტის შემდეგ დაემატოს შემდეგი შინაარსის „გ¹“ ქვეპუნქტი:

„გ¹) ადამიანური რესურსების მართვის სამმართველო;“;

გ) „დ“ ქვეპუნქტი ჩამოყალიბდეს შემდეგი რედაქციით:

„დ) ოპერატიული უზრუნველყოფის სამმართველო;“;

დ) „დ“ ქვეპუნქტის შემდეგ დაემატოს შემდეგი შინაარსის დ¹ და დ² ქვეპუნქტები:

„დ¹) საგამოძიებო სამმართველო;

დ²) საინფორმაციო უზრუნველყოფის, ანალიზის და კოორდინაციის სამმართველო;“.

3. მე-7 მუხლის პირველი პუნქტის „კ“ ქვეპუნქტი ჩამოყალიბდეს შემდეგი რედაქციით:

„კ) საქართველოს შინაგან საქმეთა მინისტრს წარუდგენს კანდიდატურებს სასაზღვრო პოლიციის უფროსის პირველი მოადგილისა და მოადგილის თანამდებობაზე დანიშვნისა და თანამდებობიდან გათავისუფლების მიზნით;“.

4. მე-8 მუხლის მე-2 პუნქტი ჩამოყალიბდეს შემდეგი რედაქციით:

„2. სახმელეთო საზღვრის დაცვის დეპარტამენტს ხელმძღვანელობს დეპარტამენტის დირექტორი, რომელსაც თანამდებობაზე ნიშნავს და თანამდებობიდან ათავისუფლებს საქართველოს შინაგან საქმეთა მინისტრი სასაზღვრო პოლიციის უფროსის წარდგინებით. იგი ანგარიშვალდებულია უშუალოდ სასაზღვრო პოლიციის უფროსის წინაშე.“.

5. მე-9 მუხლის მე-2 პუნქტი ჩამოყალიბდეს შემდეგი რედაქციით:

„2. სანაპირო დაცვის დეპარტამენტს ხელმძღვანელობს დეპარტამენტის დირექტორი, რომელსაც თანამდებობაზე ნიშნავს და თანამდებობიდან ათავისუფლებს საქართველოს შინაგან საქმეთა მინისტრი სასაზღვრო პოლიციის უფროსის წარდგინებით. იგი ანგარიშვალდებულია უშუალოდ სასაზღვრო პოლიციის უფროსის წინაშე.“.

6. მე-10 მუხლის:

ა) სათაური ჩამოყალიბდეს შემდეგი რედაქციით:

„მუხლი 10. საორგანიზაციო უზრუნველყოფის სამმართველო“.

ბ) „ნ“ – „ჟ“ ქვეპუნქტები ამოღებულ იქნეს.

7. მე-10² მუხლის შემდეგ დაემატოს შემდეგი შინაარსის 10³ მუხლი:

„მუხლი 10³. ადამიანური რესურსების მართვის სამმართველო

ადამიანური რესურსების მართვის სამმართველო კომპეტენციის ფარგლებში ახორციელებს:

ა) სასაზღვრო პოლიციის ადამიანური რესურსების მართვის ერთიან უზრუნველყოფას;

ბ) კადრების შერჩევის, განაწილებისა და კვალიფიკაციის ამაღლების სისტემის შემუშავებას;

გ) სააღრიცხვო-საშტატო მუშაობას, პერსონალის რიცხობრივ და ხარისხობრივ ანალიზსა და თვისებრივ გაუმჯობესებას, სასაზღვრო პოლიციის სტრუქტურულ ერთეულებში სახელმწიფო საიდუმლოების რეჟიმის დაცვის ორგანიზაციულ-მეთოდურ ხელმძღვანელობასა და კონტროლს;

დ) პირადი შემადგენლობის პროფესიული დონის ზრდის, მათ შორის, ატესტაციის გზით, ორგანიზებასა და კონტროლს;

ე) საქართველოს კანონმდებლობით განსაზღვრულ სხვა ფუნქციებს.“.

8. მე-11 მუხლი ჩამოყალიბდეს შემდეგი რედაქციით:

„მუხლი 11. ოპერატიული უზრუნველყოფის სამმართველო

ოპერატიული უზრუნველყოფის სამმართველო სტრუქტურული დანაყოფების მეშვეობით, ამ დებულების მე-2 მუხლის მე-3 პუნქტით განსაზღვრულ ტერიტორიაზე, ახორციელებს:

ა) სასაზღვრო-პოლიციურ და პრევენციულ ღონისძიებებს;

ბ) კომპეტენციის ფარგლებში პოლიტიკური, ეკონომიკური, სამხედრო ხასიათის, ტერორისტული ორგანიზაციების საქმიანობის შესახებ ოპერატიული ინფორმაციის პრევენციულ მოპოვებას;

გ) ერთობლივ ოპერატიულ ღონისძიებებს, საერთაშორისო ხელშეკრულებების საფუძველზე სხვა ქვეყნების შესაბამის სამსახურებთან ინფორმაციის გაცვლას;

დ) საქართველოს კანონმდებლობით განსაზღვრულ სხვა ფუნქციებს.“.

9. დაემატოს შემდეგი შინაარსის 11¹ მუხლი:

„მუხლი 11¹. საგამოძიებო სამმართველო

საგამოძიებო სამმართველო კომპეტენციის ფარგლებში ახორციელებს:

ა) სამართალდარღვევათა გამოვლენას, მასზე რეაგირებასა და თავიდან აცილებას;

ბ) ოპერატიულ-სამძებრო საქმიანობას და საგამოძიებო ქვემდებარეობას მიკუთვნებული საქმეების გამოძიებას;

გ) უკანონო მიგრაციის წინააღმდეგ ბრძოლას, მის გამოვლენას, აღკვეთას და პრევენციას, საქართველოში კანონიერი საფუძვლის გარეშე მყოფი უცხოელების დაკავებას და დროებითი განთავსების ცენტრში/დროებითი მოთავსების იზოლატორში გადაყვანას;

დ) საქართველოს კანონმდებლობით განსაზღვრულ სხვა ფუნქციებს.“.

10. დაემატოს შემდეგი შინაარსის 11² მუხლი:

„მუხლი 11². საინფორმაციო უზრუნველყოფის, ანალიზისა და კოორდინაციის სამმართველო

საინფორმაციო უზრუნველყოფის, ანალიზისა და კოორდინაციის სამმართველო კომპეტენციის ფარგლებში ახორციელებს:

ა) საქართველოს სახელმწიფო საზღვრის დაცვასთან დაკავშირებული ოპერატიული ვითარების, მისი განვითარების შესაძლო ტენდენციების შესწავლასა და პრევენციას;

ბ) სასაზღვრო პოლიციის გამგებლობას მიკუთვნებულ საკითხებზე ანალიზის წარმოებასა და რისკების შეფასებას, მოპოვებული ინფორმაციის ანალიტიკურ დამუშავებასა და განზოგადებას;

გ) სასაზღვრო პოლიციის საინფორმაციო-ტექნოლოგიურ უზრუნველყოფას;

დ) საქართველოს კანონმდებლობით განსაზღვრულ სხვა ფუნქციებს.“.