ანგარიში ხარაგაულის მუნიციპალიტეტის საკრებულოში 2016 წელს შემოსულ საჯარო ინფორმაცის მოთხოვნაზე რეაგირების მდგომარეობის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
ანგარიში
ხარაგაულის მუნიციპალიტეტის საკრებულოში 2016 წელს შემოსულ საჯარო ინფორმაცის მოთხოვნაზე რეაგირების მდგომარეობის შესახებ
საქართველოს კანონის ,,საქართველოს ზოგადი ადმინისტრაციული კოდექსის“49 -ე მუხლის მოთხოვნათა საფუძველზე წარმოგიდგენთ ანგარიშს ხარაგაულის მუნიციპალიტეტის საკრებულოში საანგარიშო პერიოდში შემოსულ საჯარო ინფორმაციის მოთხოვნებზე რეაგირების მდგომარეობის შესახებ.
მოგახსენებთ, რომ საკრებულოში საჯარო ინფორმაციის მოთხოვნებზე რეაგირება მიმდინარეობდა საქართველოს კანონის ,,საქართველოს ზოგადი ადმინისტრაციული კოდექსის“ 49-ე მუხლის მოთხოვნათა დაცვით. მიმდინარე წლის განვლილ პერიოდში საკრებულოში საჯარო ინფორმაციის გაცემის მოთხოვნით შემოსულია 30 წერილობითი განცხადება 6 ერთეულით ნაკლები გასული წლის შესაბამის პერიოდთან შედარებით.
საჯარო ინფორმაციის მოთხოვნის შემცირება განპირობებულია იმით, რომ საკრებულოს საქმიანობის შესახებ ინფორმაციები საქართველოს ორგანული კანონის ,,ადგილობრივი თვითმმართველობის კოდექსის“ მოთხოვნის საფუძველზე ქვეყნდება მუნიციპალიტეტის ვებგვერდზე და მუნიციპალიტეტში მოქმედ საინცორმაციო საშუალებებში.
საკრებულოში საჯარო ინფორმაციის გაცემისა და საჯარო ინფორმაციაში შესწორების შეტანის მოთხოვნა ან მოთხოვნაზე უარის თქმის შემთხვევები არ დაფიქსირებულა.
ყველა მოთხოვნა დაკმაყოფილებული იქნა და აქედან გამომდინარე მოთხოვნაზე უარის თქმის შესახებ გადაწყვეტილება არ მიღებულა.
აღნიშნულ პერიოდში სხვადასხვა სახელმწიფო უწყებებისა და არასამთავრობო ორგანიზაციების მიერ საკრებულოს აპარატის საჯარო მოხელეთა, საკრებულოს თანამდებობის პირთა და საკრებულოს წევრთა შესახებ სხვადასხვა სახის ინფორმაციების მოთხოვნის 8 შემთხვევა დაფიქსირდა და მოთხოვნა დაკმაყოფილებული იქნა კანონმდებლობით დადგენილი ვადების დაცვით.
საანგარიშო პერიოდში საქართველოს კანონის ,,საქართველოს ზოგადი ადმინისტრაციული კოდექსის“ 49–ე მუხლის პირველი პუნქტის ,,დ“, ,,ე“, ,,ვ“და
,,ზ“ქვეპუნქტით გათვალისწინებული საფუძვლით საკრებულოს მიერ საჯარო ინფორმაციის მოთხოვნასთან დაკავშირებით რაიმე გადაწყვეტილება მიღებული არ ყოფილა.
მანანა ბარბაქაძე საკრებულოს თავმჯდომარე