საქართველოს ფინანსთა სამინისტროს მიმართ შპს „ენერგოტრანსის“ ფინანსური ვალდებულებების შესახებ

საქართველოს მთავრობის

განკარგულება №2520

2016 წლის 9 დეკემბერი

ქ. თბილისი

საქართველოს ფინანსთა სამინისტროს მიმართ შპს „ენერგოტრანსის“ ფინანსური ვალდებულებების შესახებ

1. მიღებულ იქნეს ცნობად საქართველოს ფინანსთა სამინისტროს ინფორმაცია, გერმანიის რეკონსტრუქციის საკრედიტო ბანკს (KfW), საქართველოსა და შპს „ენერგოტრანსს“ შორის 2010 წლის 13 აპრილს „შავი ზღვის ელექტროგადამცემი ქსელის პროექტთან“ დაკავშირებით გაფორმებული სასესხო და დაფინანსების ხელშეკრულების ფარგლებში, ასევე საქართველოსა და ევროპის რეკონსტრუქციისა და განვითარების ბანკს (EBRD) შორის 2010 წლის 17 მარტს „შავი ზღვის ელექტროგადამცემი ხაზის პროექტთან“ დაკავშირებით გაფორმებული სასესხო ხელშეკრულების ფარგლებში, 2010 წლის 16 ივლისს საქართველოს ფინანსთა სამინისტროს, შპს „ენერგოტრანსსა“ და შპს „საქართველოს სახელმწიფო ელექტროსისტემას“ შორის „შავი ზღვის ელექტროგადამცემი ქსელის პროექტსა“ და „შავი ზღვის ელექტროგადამცემი ხაზის პროექტთან“ დაკავშირებით გაფორმებული ქვესასესხო ხელშეკრულებების შესაბამისად, საქართველოს ფინანსთა სამინისტროს მიმართ შპს „ენერგოტრანსის“ ფინანსური ვალდებულებების თაობაზე.

2. საქართველოს ფინანსთა სამინისტრომ უზრუნველყოს:

ა) 2010 წლის 16 ივლისს საქართველოს ფინანსთა სამინისტროს, შპს „ენერგოტრანსსა“ და შპს „საქართველოს სახელმწიფო ელექტროსისტემას“ შორის „შავი ზღვის ელექტროგადამცემი ქსელის პროექტთან“ დაკავშირებით გაფორმებული ქვესასესხო ხელშეკრულების შესაბამისად, საქართველოს ფინანსთა სამინისტროს მიმართ შპს „ენერგოტრანსის“ ფინანსური ვალდებულებების გადავადება შპს „ენერგოტრანსის“ მიერ შეთავაზებული ფინანსური ვალდებულებების მომსახურების გრაფიკების შესაბამისად, პირგასამტეხლოსა და დამატებითი საპროცენტო გადასახადის დარიცხვის გარეშე;

ბ) 2010 წლის 16 ივლისს საქართველოს ფინანსთა სამინისტროს, შპს „ენერგოტრანსსა“ და შპს „საქართველოს სახელმწიფო ელექტროსისტემას“ შორის „შავი ზღვის ელექტროგადამცემი ხაზის პროექტთან“ დაკავშირებით გაფორმებული ქვესასესხო ხელშეკრულების შესაბამისად, საქართველოს ფინანსთა სამინისტროს მიმართ შპს „ენერგოტრანსის“ 2017 წლის იანვრის თვეში დასაფარი ფინანსური ვალდებულებების (2,880,977.35 ევრო) გადავადება 2017 წლის 29 დეკემბრამდე, პირგასამტეხლოს დარიცხვის გარეშე.

პრემიერ-მინისტრი                                            გიორგი კვირიკაშვილი