საქართველოს პრეზიდენტის ზოგიერთი ბრძანებულების ძალადაკარგულად ცნობის თაობაზე

საქართველოს პრეზიდენტის

ბრძანებულება №114

2004 წლის 1 აპრილი

ქ. თბილისი

საქართველოს პრეზიდენტის ზოგიერთი ბრძანებულების ძალადაკარგულად ცნობის თაობაზე

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-17 და საგადასახადო კოდექსის 260-ე მუხლ ებ იდან გამომდინარე, „ნორმატიული აქტების შესახებ“ საქართველოს კანონის 50-ე მუხლის შესაბამისად ძალადაკარგულად გამოცხადდეს:

1. საქართველოს პრეზიდენტის 2000 წლის 11 აპრილის №148 ბრძანებულება „საქართველოს ფინანსთა სამინისტროს აქციზური მარკების სამსახურის საქართველოს საგადასახადო შემოსავლების სამინისტროს დაქვემდებარებაში გადაცემის შესახებ“.

2. საქართველოს პრეზიდენტის 2000 წლის 2 ნოემბრის №475 ბრძანებულება „საქართველოს პრეზიდენტის 2000 წლის 30 ივნისის №280 ბრძანებულებაში ცვლილებების შეტანისა და საქართველოს საგადასახადო შემოსავლების სამინისტროს დაქვემდებარებაში აქციზური საქონლის მონიტორინგის ბიუროს შექმნის შესახებ“.

3. საქართველოს პრეზიდენტის 2002 წლის 31 დეკემბრის №567 ბრძანებულება „საქართველოს ფინანსთა სამინისტროს დებულების შესახებ“.

4. ამ ბრძანებულების მე-3 პუნქტი ძალაში შევიდეს „საქართველოს ფინანსთა სამინისტროს დებულების შესახებ“ საქართველოს მთავრობის დადგენილების ამოქმედებისთანავე.

მ. სააკაშვილი