საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ − სოციალური მომსახურების სააგენტოს სარგებლობაში არსებული სახელმწიფო ქონების ა(ა)იპ − ქუთაისის განათლების, განვითარების და დასაქმების ცენტრისათვის უსასყიდლო უზუფრუქტის უფლებით გადაცემაზე თანხმობის მიცემის შესახებ

საქართველოს მთავრობის

განკარგულება №28

2017 წლის 11 იანვარი

ქ. თბილისი

საქართველოს შრომის, ჯანმრთელობისა და სოციალური დაცვის  სამინისტროს სახელმწიფო კონტროლს დაქვემდებარებული სსიპ − სოციალური მომსახურების სააგენტოს  სარგებლობაში არსებული სახელმწიფო ქონების ა(ა)იპ − ქუთაისის  განათლების, განვითარების და დასაქმების ცენტრისათვის  უსასყიდლო  უზუფრუქტის უფლებით გადაცემაზე თანხმობის მიცემის შესახებ                          

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულ საჯარო სამართლის იურიდიულ პირს − სოციალური მომსახურების სააგენტოს (შემდგომში − სააგენტო), რომ ა(ა)იპ − ქუთაისის განათლების, განვითარების და დასაქმების ცენტრს (ს/კ: 212907522 ) შესაბამისი ხელშეკრულების გაფორმებიდან 5 (ხუთი) წლის ვადით, უსასყიდლო უზუფრუქტით, გადასცეს მცხეთის მუნიციპალიტეტში, სოფ. საგურამოში მდებარე უძრავი ქონება  (მიწის (უძრავი ქონების) საკადასტრო კოდი: №72.06.08.739;  შენობა-ნაგებობა №2 და მასზე წილობრივად დამაგრებული  მიწის ნაკვეთი).

2. სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

 

პრემიერ-მინისტრი                                                                                 გიორგი კვირიკაშვილი