ქალაქ ხობში ავტოსატრანსპორტო საშუალებების მოძრაობის რეგულირებისა და საგზაო ნიშნების განთავსების შესახებ

საქართველოს ორგანული კანონის „ადგილობრივი თვითმართველობის კოდექსი“ მე-16 მუხლის მე-2 პუნქტის „კ“ ქვეპუნქტის, 24-ე მუხლის მე-2 პუნქტის და „საგზაო მოძრაობის შესახებ“ საქართველოს კანონის მე-2 მუხლის პირველი პუნქტის „ა“ ქვეპუნქტის შესაბამისად, ხობის მუნიციპალიტეტის საკრებულო ადგენს:

ქალაქ ხობში ავტოტრანსპორტისა და ფეხით მოსიარულეთა უსაფრთხო გადაადგილების მიზნით შემოღებულ იქნეს შემდეგი საგზაო ნიშნები: 

ა) თამარ მეფის სანაპიროს დასაწყისში (პირველი სკოლის მიმდებარე ტერიტორიაზე) და  გოგებაშვილისა და თამარ მეფის სანაპიროს კვეთაზე დამონტაჟდეს საგზაო ნიშანი „ღერძზე დატვირთვის შეზღუდვა“ 5 ტ-ის ზემოთ სატრანსპორტო საშუალებათა მოძრაობა აკრძალულია (№3.12.-2 ცალი) ;

ბ) მეორე საჯარო სკოლის წინ, ქუჩის ორივე მხარეს დამონტაჟდეს საგზაო ნიშანი „დგომა აკრძალულია“; (№3.28-2 ცალი) ;

გ) მოიხსნას ბერიას ქუჩაზე ცოტნე დადიანის ქუჩის მხრიდან საგზაო ნიშანი „შესვლა აკრძალულია“ და დამონტაჟდეს ბერიას ქუჩაზე „თიბისი“ ბანკის მიმდებარე ტერიტორიაზე საგზაო ნიშანი „შესვლა აკრძალულია“ ცოტნე დადიანის ქუჩის მიმართულებით, (№3.1.-1 ცალი.); აგრეთვე ყოფილი „უნივერმაღის“ შენობის უკან ტაქსების გამოსასვლელთან დამონტაჟდეს საგზაო ნიშანი „მარცხნივ მოხვევა აკრძალულია“ ცოტნე დადიანის ქუჩის მიმართულებით (3.18.2.-1 ცალი) ;

დ) მოიხსნას 9 აპრილის ქუჩაზე სტალინის ქუჩის კვეთასთან საგზაო ნიშანი „მოძრაობა აკრძალულია“ და დამონტაჟდეს 9 აპრილის ქუჩაზე ცოტნე დადიანის ქუჩის კვეთასთან „მოძრაობა აკრძალულია“ (№3.2.-1 ცალი);

ე) ჭყონდიდელისა და თ. ქაჯაიას ქუჩების გადაკვეთაზე ჭყონდიდელის ორივე მხრიდან დაემატოს საგზაო ნიშანი „სდექ“ მოძრაობა გაუჩერებლად გასვლა აკრძალულია“ (№2.4.-2 ცალი).

დადგენილების ამოქმედებიდან 30 დღის ვადაში ხობის მუნიციპალიტეტის გამგეობამ უზრუნველყოს ამ დადგენილების პირველი მუხლით გათვალისწინებული საგზაო ნიშნების განთავსებისათვის აუცილებელი ღონისძიებების გატარება.

დადგენილება ამოქმედდეს გამოქვეყნებისთანავე.