ახალგაზრდული პროგრამების დაფინანსების მიზნით გამოყოფილი თანხების განკარგვის წესის დამტკიცების შესახებ

ახალგაზრდული პროგრამების დაფინანსების მიზნით გამოყოფილი თანხების განკარგვის წესის დამტკიცების შესახებ ჭიათურის მუნიციპალიტეტის საკრებულოს  დადგენილება №3 2017 წლის 3 თებერვალი ქ. ჭიათურა ახალგაზრდული პროგრამების დაფინანსების მიზნით გამოყოფილი თანხების განკარგვის წესის დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-3 და მე-4 ნაწილებისა და 61-ე მუხლის მე-2 ნაწილის შესაბამისად, ჭიათურის მუნიციპალიტეტის საკრებულო ადგენს: მუხლი 1🔗 დამტკიცდეს ჭიათურის მუნიციპალიტეტის ბიუჯეტის ახალგაზრდული პროგრამების დაფინანსების მიზნით გამოყოფილი თანხების განკარგვის თანდართული  წესი (დანართი №1). მუხლი 2🔗 ძალადაკარგულად გამოცხადდეს ჭიათურის მუნიციპალიტეტის საკრებულოს 2015 წლის 27 თებერვლის №7 დადგენილება ,,ახალგაზრდული პროგრამების დაფინანსების მიზნით გამოყოფილი თანხიდან ჯილდოს გაცემის წესის დამტკიცების შესახებ“ (სსმ 04/03/2015, სარეგისტრაციო კოდი 190020020.35.129.016157). მუხლი 3🔗 დადგენილება ამოქმედდეს გამოქვეყნებისთანავე.ჭიათურის მუნიციპალიტეტის საკრებულოს თავმჯდომარეალექსანდრე ციცქიშვილი დანართი №1 ახალგაზრდული პროგრამების დაფინანსების მიზნით გამოყოფილი თანხების განკარგვის წესი მუხლი 1🔗. ზოგადი დებულებები ეს წესი არეგულირებს ჭიათურის მუნიციპალიტეტის ბიუჯეტით ახალგაზრდული პროგრამების დაფინანსების მიზნით გამოყოფილი თანხების განკარგვის წესს. მუხლი 2🔗. ტერმინთა განმარტებები ამ წესში გამოყენებულ ტერმინებს აქვთ შემდეგი მნიშვნელობა: ა) ჯილდო – ერთჯერადი ფულადი ჯილდო; ბ) წარმატებული სპორტსმენი – საქართველოს ჩემპიონატში ჭიათურის მუნიციპალიტეტის სახელით მოასპარეზე სპორტსმენი; ასევე ევროპის, მსოფლიოს ჩემპიონატსა და ოლიმპიურ თამაშებში ჭიათურის მუნიციპალიტეტის ტერიტორიაზე მცხოვრები სპორტსმენი, რომელმაც დაიკავა I, II, III ადგილი; გ) წარმატებული მწვრთნელი – ამ მუხლის „ბ” ქვეპუნქტით განსაზღვრული წარმატებული სპორტსმენის მწვრთნელი; დ) წარმატებული ახალგაზრდა – სახელმწიფო ან საერთაშორისო მნიშვნელობის ინტელექტუალურ, კულტურულ-შემოქმედებით კონკურსში გამარჯვებული ჭიათურის მუნიციპალიტეტის სახელით მონაწილე ახალგაზრდა; ე) წარმატებული პედაგოგი – ამ  მუხლის „დ“ ქვეპუნქტით განსაზღვრული წარმატებული ახალგაზრდის პედაგოგი; ვ) წლის წარმატებული ახალგაზრდა/პედაგოგი/სპორტსმენი/მწვრთნელი – ამ წესის შესაბამისად ჭიათურის მუნიციპალიტეტის გამგებლის ინდივიდუალურ-სამართლებრივი აქტით შექმნილი კომისიის მიერ წლის ბოლოს გამოვლენილი წლის წარმატებული ახალგაზრდა/პედაგოგი/სპორტსმენი/მწვრთნელი; ზ) ოქროსა და ვერცხლის მედალოსანი – ჭიათურის მუნიციპალიტეტის საჯარო ან კერძო სკოლის მიმდინარე წლის ოქროსა და ვერცხლის მედალოსანი; თ) რეგიონის ან მუნიციპალიტეტის მასშტაბით ჩატარებული ტურნირის გამარჯვებული გუნდები და ინდივიდები – ჭიათურის მუნიციპალიტეტის ორგანიზატორობით ჭიათურის მუნიციპალიტეტში გამართული რეგიონალურ  ან მუნიციპალურ სპორტულ ტურნირებში მონაწილე გუნდები და ინდივიდები, რომლებმაც დაიკავეს I, II, III ადგილი; ი) წარმატებული გუნდი –  საქართველოს მასშტაბით გამართულ სპორტულ ჩემპიონატში ჭიათურის მუნიციპალიტეტის სახელით მოასპარეზე გუნდი, რომელმაც დაიკავა  I  ადგილი; კ) წარჩინებული სტუდენტი – ჭიათურის მუნიციპალიტეტის საჯარო ან კერძო სკოლის კურსდამთავრებული საქართველოს აკრედიტებული უმაღლესი სასწავლებლის სტუდენტი, რომლის შეფასება სასწავლო წლის განმავლობაში ორივე  სემესტრში თითოეულ საგანში არის 91 – 100 ქულა და რომელიც რეგისტრირებულია ჭიათურის მუნიციპალიტეტის ტერიტორიაზე. ლ) ახალგაზრდული ინიციატივა – ახალგაზრდული პროექტი, რომლის ინიციატორიც არის ჭიათურის მუნიციპალიტეტის ტერიტორიაზე რეგისტრირებული 16-დან 29 წლამდე ასაკის ახალგაზრდა ან ახალგაზრდათა ჯგუფი  და ემსახურება საქართველოს სახელმწიფო ახალგაზრდული პოლიტიკის დოკუმენტით გათვალისწინებული ახალგაზრდული საქმიანობის მიზნებს; მ) საქართველოს სახელმწიფო ახალგაზრდული პოლიტიკის დოკუმენტი -  საქართველოს მთავრობის 2014 წლის 2 აპრილის №553 განკარგულებით დამტკიცებული დოკუმენტი. მუხლი 3🔗. წარმატებული სპორტსმენისა და წარმატებული მწვრთნელის დაჯილდოება 1. წარმატებული სპორტსმენის ფულადი ჯილდოს ოდენობა განისაზღვროს შემდეგი სახით: ა) საქართველოს ჩემპიონატის I ადგილი – 600 ლარი;  II ადგილი – 400 ლარი; III ადგილი – 200 ლარი; ბ) ევროპის ჩემპიონატის I ადგილი – 2200 ლარი; II ადგილი – 1500 ლარი; III ადგილი – 1000 ლარი; გ) ოლიმპიური თამაშების I ადგილი – 10 000 ლარი; II ადგილი – 9000 ლარი; III – 8000 ლარი; 2. წარმატებული სპორტსმენის  მწვრთნელის ფულადი ჯილდოს ოდენობა განისაზღვროს შემდეგი სახით: ა) საქართველოს ჩემპიონატის I ადგილი – 300 ლარი;  II ადგილი – 200 ლარი; III ადგილი – 150 ლარი ( ერთი მწვრთნელის შემთხვევაში არაუმეტეს 500 ლარისა); ბ) ევროპის ჩემპიონატის I ადგილი – 1000 ლარი; II ადგილი – 700 ლარი; III ადგილი – 500 ლარი; გ) მსოფლიო ჩემპიონატის I ადგილი – 2000 ლარი; II ადგილი –1500 ლარი; III ადგილი – 1000 ლარი; დ) ოლიმპიური თამაშების I ადგილი – 3000 ლარი; II ადგილი – 2000 ლარი; III – 1500 ლარი; 3. წარმატებულმა სპორტსმენმა/შესაბამისი დაწესებულების ხელმძღვანელმა  ან კანონიერმა წარმომადგენელმა, არასრულწლოვანი სპორტსმენის შემთხვევაში, მუნიციპალიტეტში უნდა წარმოადგინოს: ა) წერილობითი განცხადება; ბ) წარმატებული სპორტსმენის პირადობის მოწმობის ასლი; გ) შესაბამისი საპრიზო ადგილის დაკავების დამადასტურებელი დოკუმენტი; დ) სპორტსმენის/კანონიერი წარმომადგენლის ანგარიშის ნომრის ამონაწერი საბანკო დაწესებულებიდან; 4. წარმატებულმა მწვრთნელმა/დაწესებულების ხელმძღვანელმა  მუნიციპალიტეტში უნდა წარმოადგინოს: ა) წერილობითი განცხადება; ბ) წარმატებული მწვრთნელის პირადობის მოწმობის ასლი; გ) შესაბამისი საპრიზო ადგილის დაკავების დამადასტურებელი დოკუმენტი; დ) მწვრთნელის ანგარიშის ნომრის ამონაწერი საბანკო დაწესებულებიდან; მუხლი 4🔗. წარმატებული ახალგაზრდისა და მისი პედაგოგის დაჯილდოება 1.  წარმატებული ახალგაზრდის ფულადი ჯილდოს ოდენობა განისაზღვროს –  500 ლარის ოდენობით. 2. წარმატებული ახალგაზრდის პედაგოგის ფულადი ჯილდოს ოდენობა განისაზღვროს –  200 ლარის ოდენობით; 3. წლის წარმატებულმა ახალგაზრდამ/პედაგოგმა/შესაბამისი დაწესებულების ხელმძღვანელმა  ან კანონიერმა წარმომადგენელმა მუნიციპალიტეტში უნდა წარმოადგინოს: ა) წერილობითი განცხადება; ბ) პირადობის მოწმობის ასლი; გ) კონკურსში გამარჯვების დამადასტურებელი დოკუმენტები; დ) ანგარიშის ნომრის ამონაწერი საბანკო დაწესებულებიდან. მუხლი 5🔗. წლის წარმატებული ახალგაზრდის, პედაგოგის,  სპორტსმენისა და მწვრთნელის დაჯილდოება 1. წლის წარმატებული ახალგაზრდის, პედაგოგის,  სპორტსმენისა და მწვრთნელის ფულადი ჯილდოს ოდენობა განისაზღვროს –  500 ლარის ოდენობით; 2. წლის წარმატებულმა ახალგაზრდამ, პედაგოგმა,  სპორტსმენმა, მწვრთნელმა ან კანონიერმა წარმომადგენელმა მუნიციპალიტეტში უნდა წარმოადგინოს: ა) წერილობითი განცხადება; ბ) პირადობის მოწმობის ასლი; გ) შესაბამისი საპრიზო ადგილის/ადგილების  დაკავების დამადასტურებელი დოკუმენტები; დ) ანგარიშის ნომრის ამონაწერი საბანკო დაწესებულებიდან; 3. წლის წარმატებული ახალგაზრდის, პედაგოგის,  სპორტსმენისა და მწვრთნელის გამოსავლენად ჭიათურის მუნიციპალიტეტის გამგებლის ინდივიდუალურ-სამართლებრივი აქტით იქმნება შესაბამისი კომისია; 4. ამ მუხლით გათვალისწინებული განცხადებების მიღების ვადები განისაზღვრება ჭიათურის მუნიციპალიტეტის გამგებლის ინდივიდუალურ-სამართლებრივი აქტით; მუხლი 6🔗. ოქროსა და ვერცხლისმედალოსანი სკოლის მოსწავლეების დაჯილოდება 1. ოქროსა და ვერცხლისმედალოსანის ფულადი ჯილდო განისაზღვრება შემდეგი სახით: ა) ოქროსმედალოსანი - 150 ლარი; ბ) ვერცხლისმედალოსანი - 100 ლარი; 2. ჭიათურის მუნიციპალიტეტის სასწავლო-საგანმანათლებლო რესურსცენტრმა მუნიციპალიტეტში უნდა წარმოადგინოს:  ა) წერილობითი განცხადება; ბ) ოქროსა და ვერცხლის მედალოსანთა სია; გ) ოქროსა და ვერცხლის მედალოსანთა ან კანონიერი წარმომადგენლის (ასეთის არსებობის შემთხვევაში) პირადობის დამადასტურებელი დოკუმენტი; დ) ოქროსა და ვერცხლისმედალოსანთა ან კანონიერი წარმომადგენლის (ასეთის არსებობის შემთხვევაში) ანგარიში ნომრის ამონაწერი საბანკო დაწესებულებიდან. მუხლი 7🔗. რეგიონის ან მუნიციპალიტეტის მასშტაბით ჩატარებული ტურნირის გამარჯვებული გუნდებისა და ინდივიდების დაჯილდოება 1. ჭიათურის მუნიციპალიტეტის ორგანიზატორობით რეგიონის ან მუნიციპალიტეტის მასშტაბით ჩატარებული ტურნირის გამარჯვებული გუნდებისა და ინდივიდების ფულადი ჯილდო განისაზღვროს  შემდეგი სახით: ა) I ადგილი - 300 ლარი; ბ) II ადგილი - 200 ლარი; გ) III ადგილი - 150 ლარი; 2. რეგიონის ან მუნიციპალიტეტის მასშტაბით ჩატარებული ტურნირის გამარჯვებულმა გუნდებმა ან ინდივიდებმა მუნიციპალიტეტში უნდა წარმოადგინონ: ა) წერილობითი განცხადება; ბ) გამარჯვებულის ან გუნდის წარმომადგენლის პირადობის მოწმობის ასლი; გ) შესაბამისი  ადგილის დაკავების დამადასტურებელი დოკუმენტი; დ) გუნდის დაჯილდოების შემთხვევაში მოთამაშეთა თანხმობის დამადასტურებელი დოკუმენტი თანხის ჩარიცხვასთან დაკავშირებით; ე) გამარჯვებულის ან გუნდის წარმომადგენლის ანგარიშის ამონაწერი საბანკო დაწესებულებიდან. მუხლი 8🔗. წარმატებული გუნდის დაჯილდოება 1. წარმატებული გუნდის ფულადი ჯილდო განისაზღვროს - 500 ლარის ოდენობით; 2. წარმატებულმა გუნდმა მუნიციპალიტეტში უნდა წარმოადგინოს: ა) წერილობითი განცხადება; ბ) გუნდის წარმომადგენლის პირადობის მოწმობის ასლი; გ) I ადგილის დაკავების დამადასტურებელი დოკუმენტი; დ) გუნდის მოთამაშეთა თანხმობის დამადასტურებელი დოკუმენტი თანხის ჩარიცხვასთან დაკავშირებით; ე) გუნდის წარმომადგენლის ანგარიშის ამონაწერი საბანკო დაწესებულებიდან. მუხლი 9🔗. წარჩინებული სტუდენტის დაჯილდოება 1. წარჩინებული სტუდენტის ფულადი ჯილდო განისაზღვრება 1500 ლარის ოდენობით. 2. წარჩინებულმა სტუდენტმა მუნიციპალიტეტში უნდა წარმოადგინოს: ა) წერილობითი განცხადება; ბ) პირადობის მოწმობის ასლი (ცნობა რეგისტრაციის შესახებ); გ) ჭიათურის მუნიციპალიტეტის საჯარო ან კერძო სკოლის დამთავრების დამადასტურებელი დოკუმენტი; დ) ცნობა უმაღლესი სასწავლებლიდან  სასწავლო წლის ორივე სემესტრში თითოეულ საგანში მიღებული შეფასების შესახებ. ე) ანგარიშის ამონაწერი საბანკო დაწესებულებიდან. მუხლი 10🔗. ახალგაზრდული ინიციატივების დაფინანსება 1. ახალგაზრდული ინიციატივის დაფინანსების თანხა განისაზღვრება არაუმეტეს 3000 ლარის ოდენობით. 2. ინიციატორმა ან საინიციატივო ჯგუფის წარმომადგენელმა მუნიციპალიტეტში უნდა წარმოადგინოს: ა) წერილობითი განცხადება; ბ) პირადობის მოწმობის ასლი/ასლები (ინიციატორის ან საინიციატივო ჯგუფის წარმომადგენლის ცნობა რეგისტრაციის შესახებ); გ) ინიცირებული პროექტი; დ) ანგარიშის ამონაწერი საბანკო დაწესებულებიდან. 3. ახალგაზრდული ინიციატივის დაფინანსების მიზნით ჭიათურის მუნიციპალიტეტის გამგებლის ინდივიდუალურ-სამართლებრივი აქტით იქმნება შესაბამისი კომისია. 4. ამ მუხლით გათვალისწინებული განცხადებების მიღების ვადები განისაზღვრება ჭიათურის მუნიციპალიტეტის გამგებლის ინდივიდუალურ-სამართლებრივი აქტით; მუხლი 11🔗. თანხის გაცემის წესი ამ წესით განსაზღვრული თანხის გაცემა მოხდება უნაღდო ანგარიშსწორების ფორმით განმცხადებლის მიერ წარმოდგენილ საბანკო ანგარიშზე, საქართველოს საგადასახადო კოდექსით დადგენილი გადასახადის გათვალისწინებით.