საქართველოს პარლამენტის მიერ ფართობის უსასყიდლო სარგებლობის უფლებით გადაცემაზე თანხმობის მიცემის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №392
2017 წლის 2 მარტი
ქ. თბილისი
საქართველოს პარლამენტის მიერ ფართობის უსასყიდლო სარგებლობის უფლებით გადაცემაზე თანხმობის მიცემის შესახებ
„სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის საფუძველზე, მიეცეს თანხმობა საქართველოს პარლამენტს, სახელმწიფო საკუთრებაში არსებული, ქალაქ ქუთაისში, ირ. აბაშიძის გამზირზე №26-ში (მიწის (უძრავი ქონების) საკადასტრო კოდი: №03.01.22.163) მდებარე პარლამენტის სასახლეში არსებული შესაბამისი ფართები 2018 წლის 31 დეკემბრის ჩათვლით უსასყიდლო სარგებლობის უფლებით გადასცეს ფიზიკურ ან კერძო სამართლის იურიდიულ პირ(ებ)ს:
1. პროდუქტისა და ყავის აპარატების განსათავსებლად (ორი ერთეული პროდუქტის აპარატის განთავსებისათვის 4 მ2 ფართობი და ორი ერთეული ყავის აპარატის განთავსებისათვის 4 მ2 ფართობი).
2. კვების ბლოკის ფუნქციონირებისათვის (333,19 მ2) ფართობი.
პრემიერ-მინისტრი გიორგი კვირიკაშვილი