„პან-ევრო-ხმელთაშუაზღვის პრეფერენციული წარმოშობის წესების შესახებ“ რეგიონული კონვენციის საქართველოს პარლამენტში შეერთებისათვის წარდგენისა და მომხსენებლებად გ. არველაძისა და გ. თაბუაშვილის დანიშვნის შესახებ

საქართველოს მთავრობის

განკარგულება№500

2017 წლის15 მარტი

ქ. თბილისი

„პან-ევრო-ხმელთაშუა ზღვის პრეფერენციული წარმოშობის წესების შესახებ“ რეგიონული კონვენციის საქართველოს პარლამენტში შეერთებისათვის წარდგენისა და მომხსენებლებად გ. არველაძისა და გ. თაბუაშვილის დანიშვნის შესახებ

   1. „საქართველოს საერთაშორისო ხელშეკრულებების შესახებ“ საქართველოს კანონის მე-15 მუხლის შესაბამისად, საქართველოს პარლამენტს შეერთებისათვის წარედგინოს „პან-ევრო-ხმელთაშუა ზღვის პრეფერენციული წარმოშობის წესების შესახებ“ რეგიონული კონვენცია.

2. „საპარლამენტო მდივნის შესახებ“ საქართველოს კანონის მე-4 მუხლის მე-6 პუნქტის შესაბამისად, საქართველოს პარლამენტში შეერთებისათვის წარდგენილ ამ განკარგულების პირველ პუნქტში აღნიშნულ კონვენციაზე საქართველოს პარლამენტის საკომიტეტო და პლენარულ სხდომებზე მომხსენებლებად დაინიშნონ საქართველოს ეკონომიკისა და მდგრადი განვითარების მინისტრის მოადგილე გენადი არველაძე და საქართველოს ფინანსთა მინისტრის პირველი მოადგილე გიორგი თაბუაშვილი.

 

პრემიერ - მინისტრი                                           გიორგი კვირიკაშვილი