„სახელმწიფოს/აჭარის ავტონომიური რესპუბლიკის/ადგილობრივი თვითმმართველობის საკუთრებაში არსებული და ფიზიკური პირების მიერ საცხოვრებელ სადგომად გამოყენებული საცხოვრებელი და არასაცხოვრებელი ფართების შემსწავლელი შერეული სამთავრობო კომისიის მუშაობის წესის და აჭარის ავტონომიური რესპუბლიკის საკუთრებაში არსებული და ფიზიკური პირების მიერ საცხოვრებელ სადგომად გამოყენებული საცხოვრებელი და არასაცხოვრებელი ფართების მოსარგებლეთათვის საკუთრებაში გადაცემის წესის დამტკიცების შესახებ“ აჭარის ავტონომიური რესპუბლიკის მთავრობის 2014 წლის 24 მარტის N8 დადგენილებაში ცვლილების შეტანის თაობაზე

აჭარის ავტონომიური რესპუბლიკის მთავრობის

დადგენილება №8

2017 წლის 4 აპრილი

ქ. ბათუმი

„2. დამტკიცდეს აჭარის ავტონომიური რესპუბლიკის საკუთრებაში არსებული და ფიზიკური  პირების მიერ საცხოვრებელ სადგომად გამოყენებული საცხოვრებელი და არასაცხოვრებელი ფართების მოსარგებლეთათვის საკუთრებაში გადაცემის წესი, თანახმად №2 დანართისა და აჭარის ავტონომიური რესპუბლიკის საკუთრებაში არსებული და ფიზიკური  პირების მიერ საცხოვრებელ სადგომად გამოყენებული საცხოვრებელი  და არასაცხოვრებელი ფართების ფაქტობრივ მფლობელთათვის საკუთრებაში გადაცემის წესი, თანახმად №3 დანართისა.“.

ა) ფაქტობრივი მფლობელი – განცალკავებულ ფართზე მცხოვრები ფიზიკური პირი ან პირთა წრე, რომელიც ფართს იყენებს სარგებლობის დამადასტურებელი დოკუმენტის გარეშე საცხოვრებელი დანიშნულებით, აღნიშნული ფართი დაკავებული აქვს 2010 წლის 31 დეკემბრამდე და ფლობს დღემდე;

ბ) სხვა ტერმინებს აქვთ აჭარის ავტონომიური რესპუბლიკის მთავრობის 2014 წლის 24 მარტის №8 დადგენილებით დამტკიცებული დანართი №2-ით განსაზღვრული მნიშვნელობა.

2. წესის მოქმედება არ ვრცელდება იმ შემთხვევებზე, თუ:

ა) ფართთან დაკავშირებით მიმდინარეობს სასამართლო დავა ფაქტობრივი მფლობელობის ან/და საკუთრების თაობაზე;

ბ) დადგენილი წესის შესაბამისად არ დგინდება პირის მიერ ფართის საცხოვრებელი დანიშნულებით გამოყენების ფაქტი;

გ) კომისიისათვის ცნობილი გახდა სასამართლოს გადაწყვეტილება, რომლითაც შესაბამისი ფართით სარგებლობის უფლება დაუდგინდა სხვა პირს.

3. ფაქტობრივ მფლობელებად არ ჩაითვლებიან და, შესაბამისად, ამ წესით განსაზღვრული უფლებები არ წარმოეშობათ იმ პირებს, რომლებიც ფართს სარგებლობენ ფაქტობრივ მფლობელთან  შეთანხმებით.

ა) წერილობითი ახსნა-განმარტება, რომელშიც მითითებული უნდა იყოს ინფორმაცია ფაქტობრივი მფლობელობის პერიოდის შესახებ;

ბ) ადგილობრივი თვითმმართველობის ორგანოს მიერ გაცემული ცნობა ფაქტობრივი მფლობელობის შესახებ;

გ) ფაქტობრივი ფლობის თაობაზე არანაკლებ 2 (ორი) მოწმის ნოტარიულად დამოწმებული განცხადება;

დ) აბონენტად აყვანის დოკუმენტი ან/და გადახდის ქვითარი;

ე) სხვა დოკუმენტები, რომელიც დაინტერესებული პირის აზრით ადასტურებს მის ფაქტობრივ მფლობელობას; 

ვ) დაინტერესებული პირის და ოჯახის წევრთა პირადობის დამადასტურებელი დოკუმენტის ასლები და სხვა ნებისმიერი დოკუმენტი, რომელიც მხოლოდ მათთან ინახება და არსებითია გადაწყვეტილების მისაღებად.

2. თუ ფართის ფაქტობრივ მფლობელს ერთდროულად წარმოადგენს რამდენიმე სრულწლოვანი პირი, აუცილებელია სანოტარო წესით დამოწმებული თანხმობა, ერთ-ერთ ფაქტობრივ მფლობელზე ფართის საკუთრებაში გადაცემის თაობაზე.

3.  დაინტერესებული პირის მიერ ფაქტობრივი მფლობელობა  დადასტურებული უნდა იყოს ამ მუხლის პირველი პუნქტის ბ-ე ქვეპუნქტებით განსაზღვრული დოკუმენტებიდან არანაკლებ ორი დოკუმენტით.

ა) კომისია მიიჩნევს, რომ დადგენილი წესის შესაბამისად არ დგინდება პირის მიერ ფართის საცხოვრებელი დანიშნულებით გამოყენების ფაქტი;

ბ) ფართი წარმოადგენს მიმდინარე ან/და სამომავლოდ დაგეგმილი ინფრასტრუქტურული პროექტის განვითარებისათვის ან/და სხვა საჭიროებისათვის განკუთვნილ ქონებას.

2. დაინტერესებული პირი განცხადებას ფართის საკუთრებაში გადაცემის შესახებ რეკომენდაციის გაცემის თაობაზე წარადგენს სამინისტროში, რომელიც განცხადებას, თანდართულ მასალებსა და სხვა არსებულ დოკუმენტაციასთან ერთად განსახილველად გადასცემს კომისიას.

3. კომისია ამ წესით დადგენილი კრიტერიუმებისა და კომისიის მუშაობის წესის შესაბამისად იღებს გადაწყვეტილებას, ფართის ფაქტობრივი მფლობელისათვის საკუთრებაში გადაცემის შესახებ, რეკომენდაციის გაწევის ან რეკომენდაციის გაწევაზე უარის თქმის შესახებ.

4. კომისიის მიერ მიღებული გადაწყვეტილება/რეკომენდაცია წარედგინება სამინისტროს.

5. სამინისტრო კომისიის მიერ გაცემული რეკომენდაციის გათვალისწინებით, მთავრობის თავმჯდომარეს წარუდგენს ფართის ფაქტობრივი მფლობელისათვის საკუთრებაში გადაცემის შესახებ წინადადებას და მთავრობის თავმჯდომარის შესაბამისი სამართლებრივი აქტის პროექტს.

6. ფაქტობრივი მფლობელისათვის ფართის საკუთრებაში გადაცემის შესახებ საბოლოო გადაწყვეტილება და საკუთრებაში გადაცემის პირობები დგინდება მთავრობის თავმჯდომარის შესაბამისი ინდივიდუალური ადმინისტრაციულ-სამართლებრივი აქტით.

 2. წინამდებარე მუხლით გათვალისწინებული ფართის სახელმწიფოს/თვითმმართველი ერთეულის მიერ აჭარის ავტონომიური რესპუბლიკის საკუთრებაში გადაცემის შემთხვევაში, კომისია დაინტერესებული პირის განცხადებას განიხილავს საერთო საფუძველზე ამ წესის შესაბამისად.

2. განაშენიანების ინტენსივობის კოეფიციენტი – კ2 ამ წესის მიზნებისათვის განისაზღვროს:

ა) ერთსართულიანი შენობა-ნაგებობისათვის – 0.6-მდე;

ბ) ორსართულიანი შენობა-ნაგებობისათვის –   0.8-მდე;

გ) სამსართულიანი და მეტი შენობა-ნაგებობისათვის –   1.3-მდე.

3. იმ შემთხვევაში, თუ ამ წესის შესაბამისად მისაკუთვნებელი მიწის ნაკვეთის ფართობის სრული ოდენობით საკუთრებაში გადაცემა ვერ ხერხდება, მისაკუთვნებელი მიწის ნაკვეთის ფართობი განისაზღვრება ამ წესით დადგენილი ზღვრული ოდენობის ფარგლებში, არსებული ფაქტობრივი (მათ შორის რეგისტრირებული) მდგომარეობის გათვალისწინებით.

4. ამ მუხლით გათვალისწინებული მისაკუთვნებელი მიწის ნაკვეთის ფართობის კონფიგურაცია (კონტური) განისაზღვრება არსებული ფაქტობრივი მდგომარეობის გათვალისწინებით.