„საჯარო სამართლის იურიდიული პირის – სპეციალიზებული სამთო მაშველის ლიკვიდაციის შესახებ“ საქართველოს პრეზიდენტის 2007 წლის 12 სექტემბრის №523 ბრძანებულების ძალადაკარგულად გამოცხადების შესახებ“ საქართველოს პრეზიდენტის ბრძანებულების პროექტისა და საჯარო სამართლის იურიდიული პირის – სპეციალიზებული სამთო მაშველის უფლებამონაცვლის განსაზღვრის თაობაზე

საქართველოს მთავრობის

განკარგულება №7 72

2017 წლის 13 აპრილი

ქ. თბილისი

„საჯარო სამართლის იურიდიული პირის – სპეციალიზებული სამთო მაშველის ლიკვიდაციის შესახებ“ საქართველოს პრეზიდენტის 2007 წლის 12 სექტემბრის №523 ბრძანებულების ძალადაკარგულად გამოცხადების შესახებ“ საქართველოს პრეზიდენტის ბრძანებულების პროექტისა და საჯარო სამართლის იურიდიული პირის – სპეციალიზებული სამთო მაშველის უფლებამონაცვლის განსაზღვრის თაობაზე

1. მოწონებულ იქნეს „საჯარო სამართლის იურიდიული პირის – სპეციალიზებული სამთო მაშველის ლიკვიდაციის შესახებ“ საქართველოს პრეზიდენტის 2007 წლის 12 სექტემბრის №523 ბრძანებულების ძალადაკარგულად გამოცხადების შესახებ“ საქართველოს პრეზიდენტის ბრძანებულების პროექტი.

2. ბრძანებულების პროექტი ხელმოსაწერად წარედგინოს საქართველოს პრეზიდენტს.

3. საჯარო სამართლის იურიდიული პირის – სპეციალიზებული სამთო მაშველის უფლებამონაცვლედ განისაზღვროს საქართველოს შინაგან საქმეთა სამინისტრო და დაევალოს:

ა) საჯარო სამართლის იურიდიული პირის – სპეციალიზებული სამთო მაშველის საგადასახადო დავალიანების ჩამოწერის მიზნით, კანონმდებლობის საფუძველზე, შესაბამისი სამართლებრივი პროცედურების განხორციელება;

ბ) სახელმწიფო ბიუჯეტის შესახებ საქართველოს კანონმდებლობის საფუძველზე, მისთვის შესაბამისი წლის ბიუჯეტში გამოყოფილი ასიგნებების ფარგლებში, საჯარო სამართლის იურიდიული პირის – სპეციალიზებული სამთო მაშველის სალიკვიდაციო ბალანსში აღრიცხული სახელფასო დავალიანების ანაზღაურება;

გ) გარდა ამ პუნქტის „ა“ და „ბ“ ქვეპუნქტებით გათვალისწინებული დავალიანებებისა, უზრუნველყოს საჯარო სამართლის იურიდიული პირის – სპეციალიზებული სამთო მაშველის სალიკვიდაციო ბალანსში აღრიცხული სხვა დავალიანებების ადმინისტრირება და ლიკვიდაციასთან დაკავშირებული სხვა ღონისძიებების განხორციელება.

 

 

პრემიერ-მინისტრი                                            გიორგი კვირიკაშვილი