„საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირის - ეროვნული სატყეო სააგენტოს თანამშრომლის განმასხვავებელი ნიშნების მქონე სპეციალური ტანსაცმლის (უნიფორმის), სამსახურებრივი პირადობის მოწმობისა და ლუქის ნიმუშების დამტკიცების შესახებ“ საქართველოს გარემოსა და ბუნებრივი რესურსების დაცვის მინისტრის 2014 წლის 24 თებერვლის №104 ბრძანებაში ცვლილების შეტანის თაობაზე

„დანართი №1

საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირის – ეროვნული სატყეო სააგენტოს თანამშრომლის განმასხვავებელი ნიშნების მქონე სპეციალური ტანსაცმლის (უნიფორმის) ნიმუში

1. მამაკაცის სპეციალური ტანსაცმლის ნიმუში:

ა) კეპი – წინაფრიანი, გვერდებზე ორი საჰაერო რგოლით, უკან ზომის მარეგულირებლით. კეპის წინა მხარეს ლოგო, უკანა მხარეს საქართველოს დროშა.

[pic]

ბ) პანამა – წინა მახრეს ლოგო და უკანა მხარეს საქართველოს დროშა.

[pic]

გ) მაისური პოლოს ტიპის – სწორი სილუეტით, მოკლე მკლავით, მკლავი მთავრდება სპეციალური ნაქსოვი რეზინის მანჟეტით. მაისური იკვრება წინ 3 ღილით და 3 ღილკილოთი. საყელო ტრიკოტაჟის. მაისურის უკანა მხარეს წარწერა „ეროვნული სატყეო სააგენტო“. მკერდზე მარცხენა მხარეს უნდა ჰქონდეს ლოგო, მარჯვენა სახელოზე საქართველოს დროშა.

დ) მაისური მრგვალი ყელით – სწორი სილუეტით, მოკლე მკლავით. მკერდზე მარცხენა მხარეს უნდა ჰქონდეს ლოგო, უკანა მხარეს წარწერა „ეროვნული სატყეო სააგენტო“, მარჯვენა სახელოზე საქართველოს დროშა.

[pic]

ე) გრძელმკლავიანი პერანგი – იკვრება წინ ღილებზე შესაბამისი ღილკილოთი. საყელო გადაფენილი დგარზე, მახვილი კუთხეებით. სახელო გრძელი ჩაკერებული, ბოლოში მანჟეტით, ასაკეცი, ყავისფერი თასმით და ღილით დამაგრებული, გულზე ორივე მხარეს სარქველიანი ჯიბით. მარჯვენა მხარეს ჯიბის თავზე დამაგრებულია ტექნიკური შესაკრავით (ფხრიწით)სახელი, გვარი ა.შ.... მარცხენა მხარეს ჯიბის თავზე ლოგო, მარჯვენა მკლავზე საქართველოს დროშა.

[pic]

ვ) საწვიმარი – საყელო დგარით საყელოში ჩადებულია კაპიუშონი, მოსაჭიმი თოკით, ბოლოში ფიქსატორებით. სახელო რეგლანი, უკანა მხარეს წარწერა „ეროვნული სატყეო სააგენტო“. გულზე მარცხენა მხარეს ლოგოთი და მარჯვენა მკლავზე საქართველოს დროშით.

[pic]

ზ) ქურთუკი – სწორი სილუეტის, წელზე ქამრით და საქამრეებით, იკვრება ელვაშესაკრავით და თამასით, რომელიც იკვრება ტექნიკური შესაკრავით (ე.წ. ფხრიწით). ქურთუკი მუშავდება სარჩულით. სარჩულის მარცხენა კალთაზე დამუშავებულია ზედნადები ჯიბე. ჯიბე იკვრება ტექნიკური შესაკრავით (ე.წ. ფხრიწით). ქურთუკის ქვედა კალთებზე დაკერებულია ზედნადები სარქველიანი ჯიბეები, რომლებიც იკვრება ტექნიკური შესაკრავით (ე.წ. ფხრიწით) და ამავდროულად ჯიბეს აქვს გვერდითა ჯიბის ფუნქცია. ქურთუკის მარჯვენა მხარეს გულზე დამაგრებულია ტექნიკური შესაკრავით (ფხრიწით) სახელი, გვარი და ა.შ... მარცხენა მხარეს ლოგო, მარჯვენა მკლავზე საქართველოს დროშა, ქურთუკის უკანა მხარეს ზურგზე წარწერა „ეროვნული სატყეო სააგენტო“.

[pic]

თ) შარვალი – უნდა იყოს სწორი სილუეტის; წინ უნდა იკვრებოდეს ელვა-შესაკრავით და ერთი ღილით ღილკილოზე; შარვლის სათავე დამუშავებულია შესაბამისი ზომისა და რაოდენობის საქამრეებით. შარვალს აქვს სამი ჯიბე: წინა კალთებზე უნდა იყოს დამუშავებული ორი გვერდითი გაჭრილი ჯიბე, ხოლო შარვლის მარჯვენა ტოტზე გვერდზე უნდა იყოს დამუშავებული ზედნადები, სარქველიანი ჯიბე, რომლებიც უნდა შეიკრას ტექნიკური შესაკრავით (ფხრიწით). ორივე ტოტზე უნდა ჰქონდეს სამუხლე ნაკერები. შარვლის ორივე მხარეს ჩაყოლებულია ყავისფერი თასმა.

ი) ქამარი და შალითა – ქამარი ორბორტიანი, 3 ერთეული შალითა, რომლებშიც მობილური ტელეფონი, GPS და საწვიმარი მოთავსდება.

[pic]

კ) მაღალყელიანი ფეხსაცმელი: შავი ფერის ტყავის და ნეილონის კომბინაციით შეკერილი თასმებზე შესაკრავი მაღალყელიანი ფეხსაცმელი.

2. ქალის სპეციალური ტანსაცმელის ნიმუში:

ქვედაბოლო და პიჯაკი – მუქი ნაცრისფერი, რომლის მარცხენა მხარის გულის ჯიბეზე გამოსახულია სააგენტოს ლოგო, და მწვანე ფერის ყელსახვევი.“.