საჯარო სამართლის იურიდიული პირის – საქართველოს ეროვნული საინვესტიციო სააგენტოს ლიკვიდაციის შესახებ

საჯარო სამართლის იურიდიული პირის – საქართველოს ეროვნული საინვესტიციო სააგენტოს ლიკვიდაციის შესახებ საქართველოს მთავრობის დადგენილება №300 2017 წლის 22 ივნისი    ქ. თბილისი საჯარო სამართლის იურიდიული პირის – საქართველოს ეროვნული საინვესტიციო სააგენტოს ლიკვიდაციის შესახებ მუხლი 1🔗 „საქართველოს ეროვნული საინვესტიციო სააგენტოს შესახებ“ საქართველოს კანონის ძალადაკარგულად გამოცხადების თაობაზე“ საქართველოს კანონის მე-2 მუხლის პირველი პუნქტის  შესაბამისად, ლიკვიდირებულ იქნეს საჯარო სამართლის იურიდიული პირი – საქართველოს ეროვნული საინვესტიციო სააგენტო. მუხლი 2🔗 „საჯარო სამართლის იურიდიული პირის შესახებ“ საქართველოს კანონის მე-17 მუხლის საფუძველზე, საჯარო სამართლის იურიდიული პირის – საქართველოს ეროვნული საინვესტიციო სააგენტოს (შემდგომში – საინვესტიციო სააგენტო) სალიკვიდაციო ღონისძიებათა უზრუნველყოფის მიზნით: 1.  შეიქმნას სალიკვიდაციო კომისია (შემდგომში – სალიკვიდაციო კომისია) შემდეგი შემადგენლობით: ქრისტინე მეფარიშვილი – საჯარო სამართლის იურიდიული პირის – საქართველოს ეროვნული საინვესტიციო სააგენტოს დირექტორის მოვალეობის შემსრულებელი – სალიკვიდაციო კომისიის თავმჯდომარე; ნინო ბაბუხადია – საჯარო სამართლის იურიდიული პირის – საქართველოს ეროვნული საინვესტიციო სააგენტოს ბუღალტერი – სალიკვიდაციო კომისიის წევრი; დავით მამარდაშვილი – საჯარო სამართლის იურიდიული პირის – აწარმოე საქართველოში ფინანსური მენეჯერი – სალიკვიდაციო კომისიის წევრი; ნუგზარ უძილაური – საჯარო სამართლის იურიდიული პირის – აწარმოე საქართველოში მთავარი ბუღალტერი – სალიკვიდაციო კომისიის წევრი. 2.  სალიკვიდაციო კომისიამ 2017 წლის 2 ივლისამდე უზრუნველყოს: ა) საინვესტიციო სააგენტოს ბალანსზე რიცხული ქონებისა და დებიტორულ-კრედიტორული დავალიანებების სრული ინვენტარიზაცია და სალიკვიდაციო ბალანსის შედგენა; ბ) საინვესტიციო სააგენტოს ლიკვიდაციის შედეგად დარჩენილი ქონების, კანონმდებლობით დადგენილი წესის შესაბამისად, საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოსათვის გადაცემა; გ) საინვესტიციო სააგენტოში არსებული დოკუმენტაციის (მასალის) დამუშავება-სისტემატიზაცია და, საჭიროების შემთხვევაში, დაარქივება/ განადგურება,  კანონმდებლობით დადგენილი წესით; დ) საინვესტიციო სააგენტოს ლიკვიდაციასთან დაკავშირებული კანონმდებლობით დადგენილი სხვა ღონისძიებების განხორციელება. 3.  საინვესტიციო სააგენტოს ლიკვიდაციის შედეგად დარჩენილი ყველა დოკუმენტაცია, კანონმდებლობით დადგენილი წესით, გადაეცეს საინვესტიციო სააგენტოს უფლებამონაცვლეს – საჯარო სამართლის იურიდიულ პირს – აწარმოე საქართველოში (შემდგომში – სააგენტო). 4. სააგენტომ განახორციელოს შესაბამისი ღონისძიებები სათანადო სამართლებრივი აქტების პროექტების შემუშავების მიზნით. 5.  საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ უზრუნველყოს საინვესტიციო სააგენტოს ლიკვიდაციის შედეგად დარჩენილი სახელმწიფო ქონების სააგენტოსთვის გადაცემა, კანონმდებლობით დადგენილი წესის შესაბამისად. მუხლი 3🔗 „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის საფუძველზე, ძალადაკარგულად გამოცხადდეს: ა) „საჯარო სამართლის იურიდიული პირის – საქართველოს ეროვნული საინვესტიციო სააგენტოს დებულების დამტკიცების შესახებ“ საქართველოს მთავრობის 2015 წლის 8 აპრილის №158 დადგენილება; ბ) „საჯარო სამართლის იურიდიული პირის – საქართველოს ეროვნული საინვესტიციო სააგენტოს მიერ ინვესტიციების განხორციელებასთან დაკავშირებული საქართველოს აღმასრულებელი ხელისუფლების ორგანოების საქმიანობის მონიტორინგის განხორციელების წესის დამტკიცების შესახებ“ საქართველოს მთავრობის 2015 წლის 7 ივლისის №334 დადგენილება. მუხლი 4🔗 1.   დადგენილება, გარდა პირველი მუხლის, მე-2 მუხლის მე-3 და მე-5 პუნქტების და მე-3 მუხლისა, ამოქმედდეს გამოქვეყნებისთანავე. 2.  დადგენილების პირველი მუხლი, მე-2 მუხლის მე-3 და მე-5 პუნქტები და მე-3 მუხლი ამოქმედდეს 2017 წლის 2 ივლისიდან. პრემიერ-მინისტრიგიორგი კვირიკაშვილი