ბორჯომის მუნიციპალიტეტში ბაკურიანის სარეკრეაციო ტერიტორიაზე მდებარე მიწის ნაკვეთების განაშენიანების რეგულირების გეგმის გეგმარებითი დავალების დამტკიცების შესახებ

ბორჯომის მუნიციპალიტეტში ბაკურიანის სარეკრეაციო ტერიტორიაზე მდებარე მიწის ნაკვეთების განაშენიანების რეგულირების გეგმის გეგმარებითი დავალების დამტკიცების შესახებ

საქართველოს მთავრობის

დადგენილება №380

2017 წლის 7 აგვისტო

ქ. თბილისი

ბორჯომის მუნიციპალიტეტში ბაკურიანის სარეკრეაციო ტერიტორიაზე მდებარე მიწის ნაკვეთების განაშენიანების რეგულირების გეგმის გეგმარებითი დავალების დამტკიცების შესახებ

მუხლი 1🔗

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის   მე-5 მუხლის „ი“ ქვეპუნქტისა და „სივრცითი მოწყობისა და ქალაქთმშენებლობის საფუძვლების შესახებ“ საქართველოს კანონის მე-9 მუხლის პირველი პუნქტის „ა“ ქვეპუნქტისა და მე-12 მუხლის მე-5 პუნქტის შესაბამისად, დამტკიცდეს ბორჯომის მუნიციპალიტეტში, დაბა ბაკურიანის სარეკრეაციო ტერიტორიაზე  მდებარე მიწის ნაკვეთების  (მიწის (უძრავი ქონების) საკადასტრო კოდი: №64.30.02.803;  №64.30.02.804)  განაშენიანების რეგულირების გეგმის გეგმარებითი დავალება.
მუხლი 2

ამ დადგენილებით დამტკიცებული განაშენიანების რეგულირების გეგმის გეგმარებითი დავალება მოქმედებს მისი დამტკიცებიდან 5 წლის განმავლობაში.
მუხლი 3

დადგენილება ამოქმედდეს გამოქვეყნებისთანავე.პრემიერ-მინისტრიგიორგი კვირიკაშვილი

ბორჯომის მუნიციპალიტეტში, დაბა ბაკურიანის სარეკრეაციო ტერიტორიაზე  მდებარე მიწის ნაკვეთების  (მიწის (უძრავი ქონების) საკადასტრო კოდი:   №64.30.02.803;  №64.30.02.804)  განაშენიანების რეგულირების გეგმის

გეგმარებითი დავალება

საპროექტო ობიექტი – სასტუმროს ტიპის საცხოვრებელი კომპლექსი;

ობიექტის მისამართი:  ბორჯომის მუნიციპალიტეტი, დაბა ბაკურიანი;

დამკვეთის/მენაშენეს განაცხადი  ე1075;

მიწის ნაკვეთის საკადასტრო კოდები (№64.30.02.803;  №64.30.02.804);

გრგ-ის საპროექტო ტერიტორიის საერთო ფართობი შეადგენს – 8415.00 მ2-ს.

ტერიტორიის სამშენებლო განვითარების ზოგადი პირობები, მოთხოვნები და მონაცემები

ტერიტორიის დახასიათება და ქალაქთმშენებლობითი განვითარების შესაძლებლობები

საპროექტო ტერიტორია მდებარეობს ბორჯომის მუნიციპალიტეტში, დაბა ბაკურიანის სარეკრეაციო ტერიტორიაზე, აღმაშენებლის ქუჩაზე.  რელიეფი ხასიათდება საშუალო სირთულით;

ტერიტორია თავისი ადგილმდებარეობითა და ფართობით მოითხოვს  ტერიტორიის განაშენიანების რეგულირების გეგმის დამუშავებას.  ტერიტორიის ზოგადი და კონკრეტული ზონები განისაზღვროს განაშენიანების რეგულირების გეგმით,  დავალებით განსაზღვრული ფუნქციების შესაბამისად;

გათვალისწინებულ იქნეს წარდგენილი წინასაპროექტო კვლევის შედეგები და დასკვნები.

შენობა-ნაგებობის არქიტექტურულ-კომპოზიციური გადაწყვეტა და კავშირი მიმდებარე გარემოსთან

მოხდეს შენობების  მორგება არსებულ გარემოსთან;

გრგ-ის პროექტის ფარგლებში, წარდგენილ იქნეს მიმდებარე ტერიტორიების სავარაუდო განვითარების ხედვა;

საპროექტო შენობის მიშენების კონტურები,მოცულობით-კომპოზიციური გადაწყვეტა განისაზღვროს გრგ-ის პროექტით;

შენობები დაპროექტდეს საპროექტოდ გამოყოფილი ტერიტორიისთვის დადგენილ საზღვრებში;

თითოეული მიწის ნაკვეთი უნდა იყოს საინჟინრო და სატრანსპორტო ინფრასტრუქტურით სათანადოდ უზრუნველყოფილი, რისთვისაც მინიმალური პირობა არის  მშენებლობადამთავრებულ ობიექტთან მინიმუმ ერთი მისასვლელის არსებობა, მათ შორის, სერვიტუტის გამოყენებით;

გამოყენებულ იქნეს მაღალი ხარისხის სამშენებლო მასალა;

ღია და დახურული ავტოსადგომები მოეწყოს შემდეგი გაანგარიშებით: ბინების შემთხვევაში –
1 ბინაზე –
1 ავტოსადგომი; სასტუმროს შემთხვევაში –
2 ნომერზე –
1 ავტოსადგომი;

ავტოსადგომების უმეტესი ნაწილი განთავსდეს მიწისქვეშა სივრცეში.

მიწის ნაკვეთზე არსებული შენობა-ნაგებობის დანგრევა და გადატანა ან მისი  სივრცით-გეგმარებითი მოწყობის შეცვლა

განისაზღვროს გრგ-ის პროექტით.

მოთხოვნები იმ ფიზიკური და იურიდიული პირების უფლებების დაცვაზე, რომელთა ინტერესებსაც ეხება ტერიტორიის სამშენებლო განვითარება (საკადასტრო ერთეულების გაერთიანება-შერწყმა, ახალი სერვიტუტების წარმოქმნა, ინსოლაცია, ბუნებრივი განათება, ჩაუხედაობა და სხვა)

განისაზღვროს ტერიტორიის განაშენიანების რეგულირების გეგმის პროექტით, ქვეყანაში დადგენილი სამართლებრივ-ნორმატიული მოთხოვნების საფუძველზე;

დაცულ იქნეს მიწის ნაკვეთის საზღვარზე (მიჯნაზე) სამშენებლო წესებისა და ნორმების მოთხოვნები.

ტერიტორიაზე არსებული მწვანე ნარგავების შენარჩუნება, ტერიტორიის კეთილმოწყობა და გარემოს დაცვის პირობები

მაქსიმალურად შენარჩუნებულ იქნეს ტერიტორიაზე არსებული ხე-ნარგავები  (არსებობის შემთხვევაში);

მათი გადარგვის ან მოჭრის შემთხვევაში, შეთანხმებულ იქნეს შესაბამის სამსახურებთან;

წარდგენილ იქნეს საპროექტო ტერიტორიის კეთილმოწყობის სქემა, შიდა საფეხმავლო და რეკრეაციული სივრცეების გათვალისწინებით;

გრგ-ის დამუშავებისას გათვალისწინებულ იქნეს გარემოსდაცვითი და სანიტარიული კანონმდებლობის მოთხოვნები;

მიეთითოს ტერიტორიაზე ნაგვის ურნების განთავსების ადგილები;

გათვალისწინებულ იქნეს რელიეფისა და განაშენიანების ხასიათი, ბუნებრივ ლანდშაფტთან თანაფარდობა და ტერიტორიის მიმდებარედ არსებული საინჟინრო ქსელი;

დაცულ იქნეს  „შეზღუდული შესაძლებლობის მქონე პირებისათვის სივრცის მოწყობისა და არქიტექტურული და გეგმარებითი ელემენტების ტექნიკური რეგლამენტის დამტკიცების თაობაზე“  საქართველოს მთავრობის 2014 წლის 6 იანვრის №41 დადგენილების მოთხოვნები;

დაცულ იქნეს  „ტექნიკური რეგლამენტის  „შენობა-ნაგებობის უსაფრთხოების წესების“ დამტკიცების შესახებ“ საქართველოს მთავრობის  2016 წლის 28 იანვრის  №41 დადგენილების  მოთხოვნები;

●   დაცულ იქნეს „ბორჯომის მუნიციპალიტეტის დაბა ბაკურიანსა და სოფელ   დიდ მიტარბში განაშენიანების რეგულირების გეგმის გეგმარებითი დავალების/მიწის ნაკვეთის სამშენებლოდ გამოყენების პირობების დადგენის პროცესში დროებითი შეზღუდვების დაწესებისა და შესაბამისი პარამეტრების დადგენის თაობაზე“ საქართველოს მთავრობის 2016 წლის 15 დეკემბრის №2566 განკარგულებით დადგენილი მოთხოვნები.

ტერიტორიისა და მისი გეგმარებითი არეალის საინჟინრო-კომუნალური, სატრანსპორტო  და სოციალური ინფრასტრუქტურით უზრუნველყოფა

პროექტით გათვალისწინებულ იქნეს ძირითად სატრანსპორტო ქსელთან მყარი კავშირები;

ტერიტორია უზრუნველყოფილი უნდა იყოს ნორმატიული პარამეტრების მქონე შიდა სატრანსპორტო  ქსელით, ტრანსპორტის, ფეხმავალთა გადაადგილებისა და სახანძრო-საავარიო მომსახურებისთვის;

განაშენიანების რეგულირების გეგმის დამუშავებისას გათვალისწინებულ იქნეს შენობების უზრუნველყოფა საინჟინრო ინფრასტრუქტურით (წყალმომარაგება, კანალიზაცია, სანიაღვრე არხები, ელექტროენერგია, გაზმომარაგება, კავშირგაბმულობა).

მიწის ნაკვეთების ფართობი

8415.00 მ2

ტერიტორიის განაშენიანების მაქსიმალური კოეფიციენტი კ-1

0,3.

_____

_____

ტერიტორიაზე შენობების მაქსიმალური სიმაღლე

11 მეტრი ფასადის სიმაღლე;

15 მეტრი კეხში.

ტერიტორიის გამწვანების კოეფიციენტი კ-3

0.3.

ა) განაშენიანების რეგულირების ხაზები (წითელი ხაზები);

ბ) განაშენიანების  სავალდებულო ხაზები (ლურჯი ხაზები)

განისაზღვროს გრგ-ის პროექტით.

ა) ავტომანქანების ღია სადგომების რაოდენობა;

ბ) ავტომანქანების მიწისქვეშა სადგომების რაოდენობა

განისაზღვროს ტერიტორიის გრგ-ის პროექტით.

შენობის მაქსიმალური სიმაღლე/სართულიანობა

3  სართული მანსარდით.

განაშენიანების რეგულირების გეგმის (შემდგომში – გრგ) შესათანხმებლად წარსადგენი დოკუმენტაციის ჩამონათვალი

განაცხადი.

ტერიტორიის გრგ-ის რუკა, გეგმარებითი დავალება.

საკადასტრო რუკა და საკადასტრო გეგმა.

ზოგადი გეოლოგია.

გრგ-ის ტექნიკური ნაწილი: გრგ-ის აღწერა, განმარტებითი ბარათი, განხორციელების ეტაპები და რიგითობა.

სიტუაციური გეგმა, მ 1:2000 ან 1:1000.

ტოპო-გეოდეზიური  ანაზომი, საპროექტო ტერიტორიის საზღვრებითა და მომიჯნავე ინფრასტრუქტურის ჩვენებით – მ 1:500.

ტერიტორიის უფლებრივი ზონირების დეტალური რუკა – მ 1:500 ან 1:1000 (არსებობის შემთხვევაში).

განაშენიანების რეგულირების გეგმის ფრაგმენტ(ებ)ი, საჭიროების შემთხვევაში.

განშლები და ჭრილები, მ 1:500 ან 1:1000.

ფუნქციური ზონირების რუკა (არსებობის შემთხვევაში).

მიწის ნაკვეთების განაწილების რუკა (გამიჯვნის სქემა).

ავტოტრანსპორტისა და ქვეითთა მოძრაობის სქემა, მ 1:500 ან მ 1:1000.

ტერიტორიის ვერტიკალური დაგეგმარება მ 1:1000 ან მ 1:200 ან მ 1:500.

მომიჯნავე ტერიტორიებზე გასატარებელი  ქალაქთმშენებლობითი ღონისძიებების ჩამონათვალი – მ 1:500 ან მ 1:1000 (საჭიროების შემთხვევაში).

საინჟინრო კომუნიკაციების გადაწყობის ამსახველი გეგმა, მ 1:500 ან მ 1:1000 (საჭიროების შემთხვევაში).

არქეოლოგიური კვლევის ცენტრის დასკვნა (საჭიროების შემთხვევაში).

შენიშვნები:

გრგ-ის პროექტის შემადგენლობაში წარდგენილ იქნეს ტერიტორიის არსებული მდგომარეობის ამსახველი წინასაპროექტო კვლევის მონაცემები, „ტექნიკური რეგლამენტის – დასახლებათა ტერიტორიების გამოყენებისა და განაშენიანების რეგულირების ძირითადი დებულებების დამტკიცების თაობაზე“ საქართველოს მთავრობის 2014 წლის 15 იანვრის №59 დადგენილებისა და ამ გეგმარებითი დავალების მოთხოვნის შესაბამისად.

გრგ-ის საპროექტო დოკუმენტაცია შესათანხმებლად წარდგენილ იქნეს A3 ან A2 ფორმატის ალბომის სახით.

ამ გეგმარებითი დავალებით განსაზღვრული განაშენიანების რეგულირების გეგმის შესათანხმებლად წარსადგენი დოკუმენტაციის ჩამონათვალის 5-16 პუნქტებში მითითებული მასალები წარდგენილ იქნეს ელექტრონული ვერსიის სახით, CD დისკზე AutoCaD 2007-ის ან უფრო ახალი ვერსიის ფორმატში. საკოორდინატო სისტემა უნდა შეესაბამებოდეს WGS 1984 UTM Zone 38-ს.

გრგ-ის წარსადგენ საპროექტო დოკუმენტაციას, მისი განხილვის მიზნით, აუცილებელია ახლდეს დოკუმენტაციის შინაარსის ამსახველი ელექტრონული ვერსია  PowerPoint-ის ან PDF ფორმატში CD დისკზე.

გრგ-ით მოცემული უფლებრივი ზონირების დეტალურ რუკაზე დადგენილ და ასახული უნდა იქნეს:

საპროექტო ტერიტორიის საზღვრები;

მიწის ნაკვეთის საზღვრები;

განაშენიანების რეგულირების ხაზები;

შენობის მაქსიმალური დასაშვები სიმაღლეები – H;

მიწის ნაკვეთის განაწილების რუკა (გამიჯვნის სქემა);

განაშენიანების კოეფიციენტი – კ-1;

განაშენიანების ინტენსივობის კოეფიციენტი კ-2;

გამწვანების კოეფიციენტი კ-3;

ცალკეული მიწის ნაკვეთების ფუნქციური გამოყენება, სამანქანე გზები და ავტოსადგომები;

გაბარიტული ზომები.