„ბირთვული ავარიის ან რადიაციული ავარიული სიტუაციის შემთხვევაში დახმარების შესახებ“ კონვენციის საქართველოს პარლამენტში შეერთებისათვის წარდგენისა და მომხსენებლად მ. ბითაძის დანიშვნის შესახებ

საქართველოს მთავრობის

განკარგულება №1670

2017 წლის  10 აგვისტო

ქ. თბილისი

„ბირთვული ავარიის ან რადიაციული ავარიული სიტუაციის შემთხვევაში დახმარების შესახებ“ კონვენციის საქართველოს პარლამენტში შეერთებისათვის წარდგენისა და მომხსენებლად მ. ბითაძის დანიშვნის შესახებ

1.„საქართველოს საერთაშორისო ხელშეკრულებების შესახებ“ საქართველოს კანონის მე-15 მუხლის შესაბამისად, საქართველოს პარლამენტს შეერთებისათვის წარედგინოს „ბირთვული ავარიის ან რადიაციული ავარიული სიტუაციის შემთხვევაში დახმარების შესახებ“ კონვენცია.

2.„საპარლამენტო მდივნის შესახებ“ საქართველოს კანონის მე-4 მუხლის მე-6 პუნქტის შესაბამისად, საქართველოს პარლამენტში შეერთებისათვის წარდგენილ ამ განკარგულების პირველ პუნქტში აღნიშნულ კონვენციაზე საქართველოს პარლამენტის საკომიტეტო და პლენარულ სხდომებზე მომხსენებლად დაინიშნოს საქართველოს გარემოსა და ბუნებრივი რესურსების დაცვის მინისტრის მოადგილე მაია ბითაძე.

 

 

პრემიერ-მინისტრი                                                    გიორგი კვირიკაშვილი