სახელმწიფო საკუთრებაში არსებული უძრავი ქონების ფიზიკური პირისათვის პირდაპირი მიყიდვის ფორმით პრივატიზების შესახებ

2017 წლის 26 სექტემბერი

ქ. თბილისი

სახელმწიფო საკუთრებაში არსებული უძრავი ქონების ფიზიკური პირისათვის პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული, თელავის მუნიციპალიტეტის სოფელ ვარდისუბანში მდებარე 18895.00 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები: №1 საერთო ფართით – 36.02 კვ.მ, №2 საერთო ფართით – 37.21 კვ.მ, №3 საერთო ფართით – 45.66 კვ.მ, №4 საერთო ფართით – 33.66 კვ.მ, №5, №6, №7, №8, №9, №10 (აუზი), №11, №12 (აუზი) (მიწის (უძრავი ქონების) საკადასტრო კოდი: №53.19.31.346) პირდაპირი მიყიდვის ფორმით, 100 000 (ასი ათასი) ლარად საკუთრებაში გადაეცეს ფ/პ გიორგი თათილაშვილს.

2. ამ განკარგულების პირველი პუნქტით გათვალისწინებული უძრავი ქონების საპრივატიზებო პირობებად განისაზღვროს:

ა) საპრივატიზებო თანხის გადახდა შესაბამისი ხელშეკრულების გაფორმებიდან 1 (ერთი) თვის ვადაში;

ბ) შესაბამისი ხელშეკრულების გაფორმებიდან 12 (თორმეტი) თვის ვადაში 50 000 (ორმოცდაათი ათასი) ლარის ოდენობის ფულადი კომპენსაციის გადახდა საქართველოს გარემოსა და ბუნებრივი რესურსების დაცვის სამინისტროს სისტემაში შემავალი საჯარო სამართლის იურიდიული პირის – ეროვნული სატყეო სააგენტოს ანგარიშზე;

გ) შესაბამისი ხელშეკრულების გაფორმებიდან არაუმეტეს 24 (ოცდაოთხი) თვის ვადაში, პირადად ან/და მესამე პირის მეშვეობით:

გ.ა) ამ განკარგულების პირველი პუნქტით გათვალისწინებულ უძრავ ქონებაზე ან მის ნაწილზე არანაკლებ 20 (ოცი) ნომრის მქონე სასტუმროს (რომელიც მოიცავს (მაგრამ შესაძლოა, არ შემოიფარგლებ ოდეს) რესტორანს/რესტორნებს, სასტუმროს ეზოს გამწვანებას, განათებას, არანაკლებ 20 (ოცი) ავტომობილზე გათვლილ ავტოსადგომს) შექმნა, ექსპლუატაციაში მიღება და ფუნქციონირების დაწყება;

გ.ბ) ამ პუნქტის „გ.ა“ ქვეპუნქტით გათვალისწინებული ვალდებულების შესრულების მიზნით, არანაკლებ 1 000 000 (ერთი მილიონი) ლარის ინვესტიციის განხორციელება;

დ) ამ განკარგულების პირველი პუნქტით გათვალისწინებული უძრავი ქონების ტერიტორიის არანაკლებ 75% ფართობზე არსებული მერქნიანი მცენარეების შენარჩუნება.

3. ფ/პ გიორგი თათილაშვილი ვალდებულია, შესაბამისი ხელშეკრულების გაფორმებამდე წარადგინოს ამ განკარგულების მე-2 პუნქტის „გ.ბ“ ქვეპუნქტით განსაზღვრული ინვესტიციის არანაკლებ 10%-ის ოდენობის უპირობო და გამოუხმობი საბანკო გარანტია, რომლის მოქმედების ვადაც ამავე პუნქტის „გ“ ქვეპუნქტით განსაზღვრული საპრივატიზებო პირობების შესრულების ვადას უნდა აღემატებოდეს 4 (ოთხი) თვით და რომელიც მისი მოქმედების პერიოდში უზრუნველყოფს ამ განკარგულების მე-2 პუნქტით გათვალისწინებული საპრივატიზებო პირობების შესრულებას (მათ შორის, მათი შეუსრულებლობისათვის შესაბამისი ხელშეკრულების საფუძველზე დაკისრებული პირგასამტეხლოს გადახდას).

4. ამ განკარგულების მე-2 პუნქტის „დ“ ქვეპუნქტით განსაზღვრული ვალდებულების შესრულების მონიტორინგი განახორციელოს საქართველოს გარემოსა და ბუნებრივი რესურსების დაცვის სამინისტროს სისტემაში შემავალმა საჯარო სამართლის იურიდიულმა პირმა – ეროვნულმა სატყეო სააგენტომ.

5. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სა მართლის იურიდიულმა პირმა – სახელმწიფო ქონების ეროვნულმა სააგენტომ და საქართველოს გარემოსა და ბუნებრივი რესურსების დაცვის სამინისტროს სისტემაში შემავალმა საჯარო სამართლის იურიდიულმა პირმა – ეროვნულმა სატყეო სააგენტომ, ამ განკარგულების შესრულების მიზნით, განახორციელონ კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                  გიორგი კვირიკაშვილი