ახალციხის მუნიციპალიტეტის საკრებულოს წევრის, რომელიც არ არის საკრებულოს თანამდებობის პირი, უფლებამოსილების განხორციელების მიზნით გაწეული ხარჯების ანაზღაურების წესის დამტკიცების შესახებ

ახალციხის მუნიციპალიტეტის საკრებულოს წევრის, რომელიც არ არის საკრებულოს თანამდებობის პირი, უფლებამოსილების განხორციელების მიზნით გაწეული ხარჯების ანაზღაურების წესის დამტკიცების შესახებ ახალციხის მუნიციპალიტეტის საკრებულოს დადგენილება №16 2017 წლის 1 დეკემბერი ქ. ახალციხე ახალციხის მუნიციპალიტეტის საკრებულოს წევრის, რომელიც არ არის საკრებულოს თანამდებობის პირი, უფლებამოსილების განხორციელების მიზნით გაწეული ხარჯების ანაზღაურების წესის დამტკიცების შესახებ „ადგილობრივი თვითმმართველობის კოდექსი’’საქართველოს ორგანული კანონის 41-ე მუხლის მე-3 პუნქტის, 61-ე მუხლის მე-2 პუნქტისა  და 156-ე მუხლის მე-5 პუნქტისა და ,,ნორმატიული აქტების შესახებ“ საქართველოს კანონის 25-ე მუხლის პირველი პუნქტის ,,ბ’’ქვეპუნქტის შესაბამისად, ახალციხის მუნიციპალიტეტის საკრებულო ადგენს: მუხლი 1🔗 დამტკიცდეს ახალციხის მუნიციპალიტეტის საკრებულოს ,,ახალციხის მუნიციპალიტეტის საკრებულოს წევრის, რომელიც არ არის საკრებულოს თანამდებობის პირი, უფლებამოსილების განხორციელების მიზნით გაწეული ხარჯების ანაზღაურების წესი’’ დანართის შესაბამისად. მუხლი 2🔗 ძალადაკარგულად გამოცხადდეს: 1. ,,ახალციხის მუნიციპალიტეტის საკრებულოს წევრის, რომელიც არ არის საკრებულოს თანამდებობის პირი, უფელებამოსილების განხორციელების მიზნით გაწეული ხარჯების ანაზღაურების წესის დამტკიცების შესახებ'' ახალციხის მუნიციპალიტეტის საკრებულოს 2015 წლის 31 აგვისტოს  №29 დადგენილება. 2. ,,ქალაქ ახალციხის მუნიციპალიტეტის საკრებულოს წევრის, რომელიც არ არის საკრებულოს თანამდებობის პირი, უფლებამოსილების განხორციელების მიზნით გაწეული ხარჯების ანაზღაურების წესის შესახებ’’ქალაქ ახალციხის მუნიციპალიტეტის საკრებულოს 2014 წლის 11 დეკემბრის №56 დადგენილება. მუხლი 3🔗 დადგენილება ამოქმედდეს გამოქვეყნებისთანავე. ახალციხის მუნიციპალიტეტის საკრებულოს თავმჯდომარეგელა ნოზაძე დანართი  ახალციხის მუნიციპალიტეტის საკრებულოს წევრის , რომელიც არ არის საკრებულოს თანამდებობის პირი , უფლებამოსილების განხორციელების მიზნით გაწეული ხარჯების ანაზღაურების წესი მუხლი 1🔗. ახალციხის მუნიციპალიტეტის საკრებულოს წევრის, რომელიც არ არის საკრებულოს თანამდებობის პირი, უფლებამოსილების განხორციელების მიზნით  გაწეული  ხარჯების ანაზღაურების ოდენობა (ზღვრული ოდენობა) ახალციხის  მუნიციპალიტეტის  საკრებულოს  წევრის  (შემდგომში  – საკრებულოს  წევრი),  რომელიც  არ არის საკრებულოს თანამდებობის პირი, მიერ საკრებულოს სხდომებსა და მის ორგანოთა მუშაობაში მონაწილეობის მიღების, ამომრჩევლებთან შეხვედრების, ასევე საკრებულოს და საკრებულოს თავმჯდომარის დავალებების შესრულებისთვის უფლებამოსილების განხორციელების მიზნით გაწეული ხარჯების ანაზღაურების ოდენობად (ზღვრული ოდენობა) განისაზღვროს 410 (ოთხას ათი) ლარი. მუხლი 2🔗. საკრებულოს წევრისთვის, რომელიც არ არის საკრებულოს თანამდებობის პირი,უფლებამოსილების განხორციელების მიზნით გაწეული ხარჯის ანაზღაურება 1. საკრებულოს თითოეული იმ წევრისთვის, რომელიც არ არის საკრებულოს თანამდებობის პირი,  ამ დანართის (წესი) პირველ მუხლში მითითებული ასანაზღაურებელი ხარჯის ოდენობა, რომელიც დაკავშირებულია  საკრებულოს  სხდომებსა  და მის ორგანოთა მუშაობაში მონაწილეობის მიღებასთან, გარდა ამ მუხლის მე-2 პუნქტით გათვალისწინებული გარემოებისა, განისაზღვრება საკრებულოს თავმჯდომარის ბრძანებით, საკრებულოს აპარატის უფროსის მიერ ერთიანი სახით მიწოდებული ინფორმაციის (მოხსენებითი ბარათის) საფუძველზე. 2.  ხარჯების  ანაზღაურების  კონკრეტული  ოდენობის  განსაზღვრისთვის  შესაძლებელია გათვალისწინებულ იქნეს   საკრებულოს   წევრის   მიერ   საკრებულოს,   საკრებულოს  ბიუროს,   საკრებულოს   კომისიებისა   და ფრაქციების  სხდომებში,  ასევე საკრებულოს დროებით სამუშაო ჯგუფებში საკრებულოს თითოეული წევრის ფაქტობრივი   დასწრების    მონაცემები.    ამ   მონაცემების    საფუძველზე    საკრებულოს   აპარატის  უფროსი ინფორმაციას  (მოხსენებით  ბარათს)  ადგენს,  როგორც  წესი,  წინა  თვის  21 რიცხვიდან  მიმდინარე  თვის  20 რიცხვის ჩათვლით არსებული მდგომარეობით (თუ შესაბამისი რიცხვი ემთხვევა საქართველოს კანონმდებლობით გათვალისწინებულ  უქმე ან/და დასვენების დღეს – ომდევნო სამუშაო დღის) არა უგვიანეს მიმდინარე   თვის   21   რიცხვის   (ან   შემდგომი   სამუშაო   დღის)   მომდევნო   სამუშაო   დღეს.   საკრებულოს თავმჯდომარე უფლებამოსილია, საკრებულოს კონკრეტული წევრებისთვის განსაზღვროს ანაზღაურების ნაკლები  ოდენობა,  თუ  საკრებულოს  რომელიმე  წევრის  (წევრების) მიერ  საკრებულოს  სხდომებში  და მის ორგანოთა მუშაობაში მონაწილეობის მიღების (დასწრების) ფაქტობრივი მონაცემები მნიშვნელოვნად განსხვავდება (ნაკლებია) სხვა წევრების დასწრების ფაქტობრივი მონაცემებისგან. მუხლი 3🔗. საკრებულოს წევრის, რომელიც არ არის საკრებულოს თანამდებობის პირი, უფლებამოსილების განხორციელების მიზნით გაწეული ხარჯების ანაზღაურების დარიცხვა ახალციხის მუნიციპალიტეტის მერია ყოველთვიურად,ამ დადგენილებით გათვალისწინებული ახალციხის მუნიციპალიტეტის საკრებულოს თავმჯდომარის ბრძანების საფუძველზე, საქართველოს საგადასახადო კოდექსის გათვალისწინებით, საკრებულოს წევრის (რომელიც არ არის საკრებულოს თანამდებობის პირი)უფლებამოსილების განხორციელების მიზნით გაწეული ხარჯების ანაზღაურების დარიცხვას უზრუნველყოფს, როგორც წესი, ადგილობრივი თვითმმართველობის მოსამსახურეთა თანამდებობრივი სარგოების დარიცხვასთან ერთად.