ყვარლის მუნიციპალიტეტის მერიის ადმინისტრაციული სამსახურის დებულების დამტკიცების შესახებ

ყვარლის მუნიციპალიტეტის მერიის ადმინისტრაციული სამსახურის დებულების დამტკიცების შესახებ ყვარლის მუნიციპალიტეტის საკრებულოს დადგენილება №11 2018 წლის 18 იანვარი ქ. ყვარელი ყვარლის მუნიციპალიტეტის მერიის ადმინისტრაციული სამსახურის დებულების დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის „გ.ბ“ ქვეპუნქტის, 61-ე მუხლის მე-2 პუნქტისა და „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად, ყვარლის მუნიციპალიტეტის საკრებულო ადგენს: მუხლი 1🔗 დამტკიცდეს ყვარლის მუნიციპალიტეტის მერიის ადმინისტრაციული სამსახურის დებულება, დანართის შესაბამისად. მუხლი 2🔗 ამ დადგენილების ამოქმედებასთან დაკავშირებით ძალადაკარგულად გამოცხადდეს „ყვარლის  მუნიციპალიტეტის მერიის ადმინისტრაციული სამსახურის დებულების დამტკიცების შესახებ ყვარლის მუნიციპალიტეტის საკრებულოს 2014 წლის 25 ივლისის №19 დადგენილება (www.matsne.gov.ge  04/08/2014 წ. 010250020.35.164.016121). მუხლი 3🔗 დადგენილება ამოქმედდეს 2018 წლის 1 მარტიდან.ყვარლის მუნიციპალიტეტის საკრებულოს თავმჯდომარედავით ქევხიშვილი დანართი ყვარლის მუნიციპალიტეტის მერიის ადმინისტრაციული სამსახურის დებულება ყვარლის მუნიციპალიტეტის მერიის ადმინისტრაციული სამსახურის დებულება მუხლი 1🔗. მერიის  ადმინისტრაციული სამსახური 1.  ყვარლის   მუნიციპალიტეტის   მერიის   პირველადი   სტრუქტურული   ერთეული   –   ადმინისტრაციული სამსახური  (ტექსტში  შემდგომ  –  სამსახური)  არის მუნიციპალიტეტის  მერიის პირველადი სტრუქტურული ერთეული, რომელიც უზრუნველყოფს ადგილობრივი თვითმმართველობის ორგანოებისა და მერიის სამსახურების საქმისწარმოებას, მათ კომუნიკაციას ერთმანეთთან; ადამიანური რესურსების მართვას, ადგილობრივი თვითმმართველობის  ორგანოების ურთიერთობის ორგანიზებას მოქალაქეებთან, იურიდიულ პირებთან  და სხვა  გაერთიანებებთან,  სახელმწიფო  ორგანოებთან,  სხვა  თვითმმართველ  ერთეულებთან  და საერთაშორისო ორგანიზაციებთან; მერიის ოფიციალური ღონისძიებების დაგეგმვასა და ორგანიზებას. 2.   სამსახური   თავის   საქმიანობას   წარმართავს   მოქმედი   კანონმდებლობის,    მერიის   დებულების,   ამ დებულებისა და მუნიციპალიტეტის სხვა სამართლებრივი აქტების შესაბამისად. 3.  სამსახურის   საჯარო მოხელეთა საშტატო ნუსხას და თანამდებობრივი სარგოების ოდენობებს, მერის წარდგინებით, საქართველოს კანონმდებლობით დადგენილი საჯარო მოსამსახურეთა თანამდებობრივი სარგოების რანგირების გათვალისწინებით, „საჯარო დაწესებულებაში შრომის ანაზღაურების შესახებ“ საქართველოს კანონის შესაბამისად, განსაზღვრავს მუნიციპალიტეტის საკრებულო. მუხლი 2🔗. სამსახურის სტრუქტურა 1. სამსახური შედგება სამსახურის ხელმძღვანელისა და მეორადი სტრუქტურული ერთეულებისაგან – განყოფილებებისაგან. 2. სამსახურის სტრუქტურული ქვედანაყოფებია: ა)  საქმისწარმოებისა და მოქალაქეთა მომსახურების განყოფილება; ბ)  ადამიანური რესურსების მართვის, საზოგადოებასთან ურთიერთობისა და საინფორმაციო ტექნოლოგიების განყოფილება; გ) შესყიდვების განყოფილება; დ) მერიის წარმომადგენელთა კოორდინაციის განყოფილება. 3. სამსახურის საქმიანობას წარმართავს სამსახურის ხელმძღვანელი, რომლის უფლებამოსილებები განისაზღვრება მერიის დებულების მე-9 მუხლით და ადმინისტრაციული სამსახურის ხელმძღვანელის სამუშაოთა აღწერილობით.  სამსახურის  ხელმძღვანელის  არყოფნის  შემთხვევაში,  მერის  ბრძანებით, სამსახურის ხელმძღვანელის უფლება-მოვალეობების  განხორციელება შეიძლება დაევალოს მერიის ერთ-ერთ თანამდებობის პირს/პროფესიულ საჯარო მოხელეს. 4. სამსახურის განყოფილება შედგება განყოფილების უფროსისა და განყოფილების მოხელეებისაგან. 5. განყოფილების საქმიანობას წარმართავს განყოფილების უფროსი, რომლის უფლებამოსილებები განისაზღვრება  მერიის დებულების  მე-13 მუხლით და შესაბამის სამუშაოთა აღწერილობით. განყოფილების უფროსის არყოფნის შემთხვევაში, მერის ბრძანებით, განყოფილების უფროსის უფლება-მოვალეობების განხორციელება შეიძლება დაევალოს მერიის ერთ-ერთ პროფესიულ საჯარო მოხელეს. 6. სამსახურის პროფესიული საჯარო მოსამსახურეების უფლება-მოვალეობები განისაზღვრება მერიის დებულების მე-16 მუხლით. სამსახურის პროფესიული საჯარო მოხელეების ფუნქციები განისაზღვრება შესაბამისი სამუშაოთა აღწერილობებით. 7. სამსახურის  პროფესიული  საჯარო მოხელეების  თანამდებობაზე  დანიშვნა-გათავისუფლების,  მათ შორის, დაწინაურების, გადაყვანისა და ა.შ. წესები განისაზღვრება მერიის დებულებით, „საჯარო სამსახურის შესახებ“ საქართველოს კანონის შესაბამისად. მუხლი 3🔗. სამსახურის  ფუნქციები სამსახური დადგენილი წესით უზრუნველყოფს: ა) მუნიციპალიტეტის მერიის კორესპონდენციის მიღებასა და ადრესატებისათვის გადაგზავნას; ბ) მოქალაქეთა საინფორმაციო მომსახურებას „ერთი ფანჯრის“ პრინციპის დაცვით; გ) მიღებული კორესპონდენციის რეგისტრაციასა და მათ განაწილებას დანიშნულებისამებრ სამსახურებსა და ადმინისტრაციული ერთეულების წარმომადგენლებთან; დ) მერის დავალებების რეგისტრაციას, მათი შესრულების მონიტორინგს; ე)  სამსახურის  სამუშაოთა  გეგმების  მომზადებას;  მერიის  სამსახურების  სამუშაოთა  გეგმების  საფუძველზე მერიის სამუშაო გეგმის პროექტის მომზადებას; ვ)  ადმინისტრაციული წარმოების დადგენილი წესებისა და პროცედურების დაცვას; ზ) უზრუნველყოფს ერთიან ელექტრონულ საქმისწარმოებას საქართველოს კანონმდებლობით დადგენილი წესით; თ) უზრუნველყოფს საიდუმლო დოკუმენტაციის წარმოებას; ი) საქმეთა ნომენკლატურის შედგენასა და არქივირებას; კ) გამართულ კომუნიკაციას მუნიციპალიტეტის ორგანოებსა და სტრუქტურულ ერთეულებს შორის, ადგილობრივი თვითმმართველობის თანამდებობის პირთა კომუნიკაციას მოქალაქეებთან, სახელმწიფო ორგანოებთან, იურიდიულ პირებთან და სხვა გაერთიანებებთან; ლ)  მუნიციპალიტეტის ვებგვერდის ადმინისტრირებას; მ) მერიის თანამდებობის პირების სამართლებრივი აქტების და სხვა დოკუმენტების გამოქვეყნებას; ნ) მუნიციპალიტეტის  სხვა თვითმმართველ  ერთეულებთან,  ადგილობრივ  თვითმმართველობათა  ეროვნულ ასოციაციასთან, საერთაშორისო ორგანიზაციებთან თანამშრომლობის ორგანიზებას; ო)  კოორდინაციას  უწევს  მერიის  თანამდებობის  პირების  და  მერიის  მოსამსახურეთა  შეხვედრას საერთაშორისო ფონდებთან და არასამთავრობო ორგანიზაციების წარმომადგენლებთან; პ)   მუნიციპალიტეტის  ოფიციალური  ღონისძიებების  დაგეგმვასა  და  ორგანიზებას;  ოფიციალური დელეგაციების მიღებას, საგარეო ვიზიტების დაგეგმვასა და ორგანიზებას; ჟ)  ადგილობრივი  თვითმმართველობის  თანამდებობის  პირების  პრესკონფერენციების  ჩატარების ორგანიზებას, ადგილობრივი თვითმმართველობის ორგანოების საქმიანობის შესახებ ყოველთვიური პრესდაიჯესტის მომზადებასა და გამოქვეყნებას; მათ ურთიერთობას მასობრივ საინფორმაციო საშუალებებთან; რ)   მერიის   მოსამსახურეთა    მიერ   „საჯარო   სამსახურის   შესახებ“   საქართველოს   კანონის   მოთხოვნათა შესრულების   უზრუნველყოფას   და   კონტროლს,   საკადრო   საკითხებთან   დაკავშირებით   სამართლებრივი აქტების პროექტების მომზადებას; ს) მერიის  მოსამსახურეთა  პირადი საქმეების  წარმოებას;  მერიის მოსამსახურეთა  მიერ „საჯარო სამსახურის შესახებ“  საქართველოს  კანონით  დადგენილი  დოკუმენტაციის  წარმოდგენის  სისრულის  და შესაბამისობის შემოწმებას; ტ) მუნიციპალიტეტის  ხელშეკრულებით  დასაქმებულ პირებთან   შრომითი ხელშეკრულებების  გაფორმებას; აღრიცხვასა და კონტროლს ხელშეკრულებით გათვალისწინებული პირობების დაცვაზე; უ) მერიის მოსამსახურეთა შვებულებაში გასვლის გრაფიკის შედგენას; მონიტორინგს მერიის მოსამსახურეთა მიერ  კანონით  დადგენილი  დეკლარაციების  წარდგენაზე;  მერიის  მოსამსახურეთა  სამსახურებრივი მოწმობების გაფორმებას და აღრიცხვას; ფ) მერიის  სტრუქტურული  ერთეულების  ფუნქციურ  და მართვის  პროცედურების  ანალიზს და შესაბამისი რეკომენდაციების შემუშავებას; ქ) მონიტორინგს საკადრო პოლიტიკის განხორციელებისა და ადამიანური რესურსების მართვის სფეროში; ღ) მერიის მოსამსახურეთა სამუშაო გეგმების და სამუშაოთა აღწერილობების მომზადებაში მეთოდურ დახმარებას, მოსამსახურეთა სამსახურებრივი მოვალეობებისა და სამუშაოს შესრულების შეფასების და ანგარიშგების კრიტერიუმებისა და ფორმების დადგენას; ყ) მერიის პროფესიული საჯარო მოხელეებისათვის საკლასო ჩინების მინიჭების საკითხების მომზადებას; შ) მერიის პროფესიულ საჯარო მოხელეთა სტაბილურობის, სამსახურებრივი გადაადგილების და დენადობის თაობაზე სტატისტიკური მონაცემების დამუშავებას, მათ პერიოდულ ანალიზსა და შეფასებას; ჩ) მუნიციპალიტეტის მოხელეთა ვაკანტურ თანამდებობაზე კონკურსის ჩატარების ორგანიზებას; ც)  მუნიციპალიტეტის   მოხელეთა  პროფესიული  დონის  ანალიზს,  კადრების  საჭიროებათა  შესწავლას  და საკადრო რესურსების გამოყენების პროცესის ოპტიმიზაციის მიზნით შესაბამისი წინადადებების მომზადებას; მათი  მომზადების,  გადამზადებისა  და  კვალიფიკაციის  ამაღლების  ორგანიზებას;  კვალიფიკაციის ასამაღლებელ მოსამსახურეთა სიის შედგენას; გადამზადების პროგრამათა განსაზღვრას; კონტროლს მუნიციპალურ  მოსამსახურეთა მიერ სწავლების (კვალიფიკაციის) ამაღლების კურსების გავლაზე, სწავლების ეფექტურობის შემოწმებას; ძ)  თვითმმართველობის  პროფესიული  საჯარო  მოხელეთათვის  კონსულტაციების  გაწევას  მათი სამართლებრივი მდგომარეობის, შეზღუდვების და სამსახურის გავლასთან დაკავშირებულ სხვა საკითხებზე; წ) მოქმედი  კანონმდებლობით,  მერიის  დებულებით  და მუნიციპალიტეტის  სხვა სამართლებრივი  აქტებით განსაზღვრული ფუნქციების განხორციელებას. ჭ) უზრუნველყოფს მუნიციპალიტეტის ადმინისტრაციულ ერთეულებთან ურთიერთობების კოორდინაციას. მუხლი 4🔗. მერიის ელექტრონული საქმისწარმოების უზრუნველყოფა მერიის ადმინისტრაციული სამსახური  უზრუნველყოფს მერიის დაქვემდებარებაში არსებული მუნიციპალური სამსახურების ელექტრონულ საქმისწარმოებას. ელექტრონული დოკუმენტბრუნვა მერიაში ხორციელდება „სახაზინო (საბიუჯეტო) დაწესებულებებში საქმისწარმოების ავტომატიზებული სისტემის მინიმალური  სტანდარტის  დამტკიცების  შესახებ“ საქართველოს  მთავრობის  2012 წლის 21 თებერვლის №64 დადგენილების შესაბამისად. ადმინისტრაციული საქმისწარმოება ხორციელდება ავტომატიზებული ელექტრონული პროგრამის „მუნიციპალიტეტების მართვის სისტემა“ მეშვეობით. მუხლი 5🔗. ელექტრონული საქმისწარმოების დანერგვა 1. მერიის საქმისწარმოებაში ადმინისტრაციულმა  სამსახურმა  მერიის  დაქვემდებარებაში  არსებულ  ყველა მუნიციპალურ სამსახურში უზრუნველყოს: ა) სსიპ „საჯარო რეესტრის ეროვნული  სააგენტოს“ ავტომატიზებული  დოკუმენტბრუნვის  ელექტრონული სისტემის დანერგვა; ბ) ავტომატიზებული ელექტრონული პროგრამის „მუნიციპალიტეტების მართვის სისტემა“  დანერგვა. 2. ელექტრონული  საქმისწარმოების  დანერგვამდე  საკრებულოს  მერიის  საქმისწარმოება  დასაშვებია დადგენილი წესით ქაღალდზე შესრულებული ბეჭდური დოკუმენტების მეშვეობით, დოკუმენტბრუნვის არსებული სისტემის შესაბამისად. მუხლი 6🔗. საქმისწარმოებისა და მოქალაქეთა მომსახურების განყოფილების ფუნქციები მოქალაქეთა მომსახურებისა და საქმისწარმოების განყოფილება დადგენილი წესით უზრუნველყოფს: 1. მუნიციპალიტეტის მერიის კორესპონდენციის მიღებასა და ადრესატებისათვის გადაგზავნას. 2. მოქალაქეთა საინფორმაციო მომსახურებას „ერთი ფანჯრის“ პრინციპის დაცვით. 3. მიღებული კორესპონდენციის რეგისტრაციასა და მათ განაწილებას დანიშნულებისამებრ სამსახურებსა და ადმინისტრაციული ერთეულების წარმომადგენლებთან. 4. მერის დავალებების რეგისტრაციას, მათი შესრულების მონიტორინგს. 5. მერიის სამსახურების სამუშაოთა გეგმების საფუძველზე მერიის სამუშაო გეგმის პროექტის მომზადებას. 6. ადმინისტრაციული წარმოების დადგენილი წესებისა და პროცედურების დაცვას. 7. საქმისწარმოებაში დაშვებული დოკუმენტების სათანადოდ გაფორმებას და დოკუმენტბრუნვას მერიასა და ადმინისტრაციულ ერთეულებში. 8. უზრუნველყოფს საიდუმლო დოკუმენტაციის წარმოებას. 9. საქმეთა ნომენკლატურის შედგენას და არქივირებას. 10. გამართულ კომუნიკაციას მუნიციპალიტეტის ორგანოებსა და სტრუქტურულ ერთეულებს შორის, ადგილობრივი თვითმმართველობის თანამდებობის პირთა კომუნიკაციას მოქალაქეებთან, სახელმწიფო ორგანოებთან, იურიდიულ პირებთან და სხვა გაერთიანებებთან. 11. მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას. 12. მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას. მუხლი 7🔗. ადამიანური რესურსების მართვის, საზოგადოებასთან ურთიერთობისა და საინფორმაციო ტექნოლოგიების განყოფილების ფუნქციები ადამიანური რესურსების მართვის, საზოგადოებასთან ურთიერთობისა და საინფორმაციო ტექნოლოგიების განყოფილება უზრუნველყოფს: 1. მერიის მოსამსახურეთა პირადი საქმეების წარმოებას; მერიის მოსამსახურეთა მიერ „საჯარო სამსახურის შესახებ“ საქართველოს კანონით დადგენილი დოკუმენტაციის წარმოდგენის სისრულის და შესაბამისობის შემოწმებას. 2. მუნიციპალიტეტის შტატგარეშე მოსამსახურეებთან შრომითი ხელშეკრულებების გაფორმებას; აღრიცხვასა და კონტროლს ხელშეკრულებით გათვალისწინებულ პირობების დაცვაზე;. 3. მერიის მოსამსახურეთა შვებულებაში გასვლის გრაფიკის შედგენას; მონიტორინგს მერიის მოსამსახურეთა მიერ კანონით დადგენილი დეკლარაციების წარდგენაზე; მერიის მოსამსახურეთა სამსახურებრივი მოწმობების გაფორმებას და აღრიცხვას. 4. მერიის მოსამსახურეთა სამუშაო გეგმების და სამუშაოთა აღწერილობების მომზადებაში მეთოდურ დახმარებას, მოსამსახურეთა სამსახურებრივი მოვალეობებისა და სამუშაოს შესრულების შეფასების და ანგარიშგების კრიტერიუმებისა და ფორმების დადგენას. 5. მერიის საჯარო მოსამსახურეთათვის კლასის მინიჭების საკითხების მომზადებას. 6. მერიის საჯარო მოსამსახურეთა სტაბილურობის, სამსახურებრივი გადაადგილების და დენადობის თაობაზე სტატისტიკური მონაცემების დამუშავებას, მათ პერიოდულ ანალიზსა და შეფასებას. 7. მუნიციპალიტეტის ვაკანტურ თანამდებობაზე კონკურსის ჩატარების ორგანიზებას. 8. თვითმმართველობის საჯარო მოსამსახურეთათვის კონსულტაციების გაწევას მათი სამართლებრივი მდგომარეობის, შეზღუდვების და სამსახურის გავლასთან დაკავშირებულ სხვა საკითხებზე. 9. მერიის საჯარო მოსამსახურეთა საკადრო პოლიტიკის შემუშავებასა და მის განხორციელებას. 10. მერიის სტრუქტურული ერთეულების ფუნქციურ და მართვის პროცედურების ანალიზს და შესაბამისი რეკომენდაციების შემუშავებას. 11. მონიტორინგს საკადრო პოლიტიკის განხორციელებისა და ადამიანური რესურსების  მართვის სფეროში. 12. მუნიციპალიტეტის მოსამსახურეთა პროფესიული დონის ანალიზს, კადრების საჭიროებათა შესწავლას და საკადრო რესურსების გამოყენების პროცესის ოპტიმიზაციის მიზნით შესაბამისი წინადადებების მომზადებას; მათი მომზადების, გადამზადებისა და კვალიფიკაციის ამაღლების ორგანიზებას; კვალიფიკაციის ასამაღლებელ მოსამსახურეთა სიის შედგენას; გადამზადების პროგრამათა განსაზღვრას; კონტროლს მუნიციპალურ მოსამსახურეთა მიერ სწავლების (კვალიფიკაციის) ამაღლების კურსების გავლაზე, სწავლების ეფექტურობის შემოწმებას. 13. მერიის კომპეტენციას მიკუთვნებული საქმიანობის განხორციელების თაობაზე საზოგადოების ინფორმირებას. 14. მასმედიასთან ურთიერთობას პრესკონფერენციების, ბრიფინგების, შეხვედრების, სემინარების და სხვა საკომუნიკაციო საშუალებების გამოყენებით; მერიის საზოგადოებრივ ღონისძიებათა დაგეგმვასა და განხორციელებას. 15. ფოტო- და ვიდეოკადრების არქივის შექმნის უზრუნველყოფას. 16. მერიის მიერ დაგეგმილი და განხორციელებული პროექტებისა და ღონისძიებების შესახებ სპეციალური საკომუნიკაციო კამპანიების დაგეგმვასა და განხორციელებას. 17. მერიის ოფიციალური ვებგვერდისა და სოციალურ ქსელებში სხვა ოფიციალური ვებგვერდების მართვას. 18. მომხმარებლების დისტანციურ/სატელეფონო/ლოკალურ უზრუნველყოფას პროგრამული უზრუნველყოფის გამართვისა და ტექნიკური სახის პრობლემების მოგვარების კუთხით. 19. მომხმარებლების კომპიუტერების უწყვეტი და შეუფერხებელი მუშაობის უზრუნველყოფას. 20. ტექნიკური მოწყობილობების ინსტალაციასა და მხარდაჭერას. 21. სხვადასხვა კერძო და საჯარო სამართლის იურიდიულ პირებსა და არასამთავრობო ორგანიზაციებთან თავისი კომპეტენციის ფარგლებში მერიის ურთიერთობის კოორდინაციას. 22. კანონმდებლობითა და სხვა კანონქვემდებარე ნორმატიული აქტებით ან/და მერის მიერ მინიჭებული უფლებამოსილებათა განხორციელებას“. მუხლი 8🔗. შესყიდვების განყოფილება სამსახურის   შესყიდვების   განყოფილება  უზრუნველყოფს: ა) მუნიციპალური შესყიდვების გეგმის მომზადებას; ბ) სატენდერო კომისიის ოქმების და სხვა დოკუმენტების წარმოებას; გ) ელექტრონული ტენდერის შესახებ განცხადების მომზადებასა და გამოქვეყნებას; დ) მუნიციპალიტეტის სატენდერო კომისიის გადაწყვეტილების შესაბამისად ხელშეკრულების შემუშავებას; ე) მუნიციპალური შესყიდვების შესახებ ანგარიშის მომზადებას; ვ) მოქმედი  კანონმდებლობით,  მერიის  დებულებით  და მუნიციპალიტეტის  სხვა სამართლებრივი  აქტებით განსაზღვრული ფუნქციების განხორციელებას. მუხლი 9🔗. მერიის წარმომადგენელთა კოორდინაციის განყოფილება მერის წარმომადგენელთა საქმიანობის  კოორდინაციის  განყოფილება  უზრუნველყოფს: 1. მუნიციპალიტეტის ადმინისტრაციულ ერთეულებში  მერის წარმომადგენლებთან ურთიერთობის  კოორდინაციას. 2. მერის წარმომადგენლებთან  შეხვედრებისა და თათბირების ორგანიზებას. 3. მუნიციპალიტეტის ადმინისტრაციულ ერთეულებთან ურთიერთობების კოორდინაციას. 4. მერის წარმომადგენლების დროულ ინფორმირებას მერიის საქმიანობის იმ მიმართულებებზე, რაც დაკავშირებულია მუნიციპალიტეტის ადმინისტრაციულ ერთეულებთან, აგრეთვე საჭიროების შემთხვევაში ადმინისტრაციულ ერთეულთან/ერთეულებთან დაკავშირებული  სათანადო ინფორმაციის დროულ მოპოვებასა და დამუშავებას.    5. მუნიციპალიტეტის თანამშრომლობის ორგანიზებას ადგილობრივ თვითმმართველობათა   ეროვნულ ასოციაციასთან. 6. მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას.