„წალკის მუნიციპალიტეტის ადმინისტრაციულ საზღვრებში მდებარე ქუჩების, ხეივნების,შესახვევების, ჩიხების, მოედნების, სკვერების, შენობა-ნაგებობების, მრავალბინიანი სახლების სადარბაზოების და ბინების ნუმერაციის წესის დამტკიცების თაობაზე“ წალკის მუნიციპალიტეტის საკრებულოს 2015 წლის 7 დეკემბრის №28 დადგენილებაში ცვლილების შეტანის შესახებ

1. მე-3 მუხლი ჩამოყალიბდეს შემდეგი რედაქციით:

„მუხლი 3. უფლებამოსილი ორგანო

1. წალკის მუნიციპალიტეტის ადმინისტრაციულ საზღვრებში მდებარე ქუჩების, ხეივნების, შესახვევების, ჩიხების, მოედნების, სკვერების, შენობა-ნაგებობების, მრავალბინიანი სახლების სადარბაზოებისა და ბინების ნუმერაციასთან დაკავშირებით ადგილობრივი ხელისუფლების ორგანოებში შემოსულ ყველა სახის წერილობით მომართვას შეისწავლის წალკის მუნიციპალიტეტის მერიის ეკონომიკისა და ქონების მართვის სამსახური. აღნიშნული სამსახური ვალდებულია განიხილოს საკითხი და შეადგინოს შესაბამისი დასკვნა, საკითხის მისთვის დადგენილი წესით გადაცემიდან საქართველოს ზოგადი ადმინისტრაციული კოდექსით დადგენილ ვადებში.

2. წალკის მუნიციპალიტეტის მერიის ეკონომიკისა და ქონების მართვის სამსახურს საქმის სირთულიდან გამომდინარე, შეიძლება რეკომენდაციები და კონსულტაციები გაუწიონ წალკის მუნიციპალიტეტის მერიის შესაბამისი სამსახურის წარმომადგენლებმა, საგანმანათლებლო, სამედიცინო და კულტურის დაწესებულებების, არასამთავრობო სექტორის და საზოგადოების სხვა წარმომადგენლებმა, რომლებსაც სამუშაოდან ანაზღაურების გარეშე მათივე თანხმობით მოიწვევს წალკის მუნიციპალიტეტის მერი.

3. წალკის მუნიციპალიტეტის მერიის ეკონომიკისა და ქონების მართვის სამსახურის საბოლოო დასკვნას და ამ დასკვნის საფუძველზე მოზადებულ განკარგულების პროექტს  მუნიციპალიტეტის მერი გადაწყვეტილების მისაღებად წარუდგენს მუნიციპალიტეტის საკრებულოს.“.

2. მე-7 მუხლის:

ა) მე-6 პუნქტი ჩამოყალიბდეს შემდეგი რედაქციით:

„6. განსაკუთრებულ შემთხვევაში ქუჩის, შესახვევის, ჩიხის ნუმერაციის უწყვეტობის შენარჩუნებისა და ამ საკითხში წესრიგის დამყარების მიზნით, ან იმ შემთხვევაში, თუ ხორციელდება ქუჩებზე, ხეივნებზე, შესახვევებზე, ჩიხებზე, მრავალბინიან სახლებზე, სადარბაზოებზე და ბინებზე პირველად მისამართის მინიჭება, ან კონკრეტული ქუჩის სრული ხელახალი ნუმერაცია, მაშინ სათანადო დასაბუთების საფუძველზე, საკითხის შესწავლასა და პროექტის მომზადებას, წალკის მუნიციპალიტეტის საკრებულოსთვის გადასაგზავნად უზრუნველყოფს წალკის მუნიციპალიტეტის მერიის შესაბამისი სამსახური.“

ბ) მე-7 პუნქტი ჩამოყალიბდეს შემდეგი რედაქციით:

„7. შენობა-ნაგებობისათვის ნუმერაციის მინიჭების დროს, წალკის მუნიციპალიტეტის მერიის შსაბამისი სამსახური, ნუმერაციის უწყვეტობის დაცვის მიზნით, ითვალისწინებს შენობა-ნაგებობებს შორის არსებულ მიწის ნაკვეთებს და მათთვის შესაბამისი ნომრის გათვალისწინებით, ახდენს არსებული შენობა-ნაგებობების ნუმერაციას.“

3. მე-8 მუხლის პირველი პუნქტი ჩამოყალიბდეს შემდეგი რედაქციით:

„1. განცხადებას წალკის მუნიციპალიტეტის ადმინისტრაციულ საზღვრებში მდებარე ქუჩების, ხეივნების, შესახვევების, ჩიხების, მოედნების, სკვერების, შენობა-ნაგებობების, მრავალბინიანი სახლების სადარბაზოების და ბინების ნუმერაციის შესახებ განიხილავს წალკის მუნიციპალიტეტის მერიის ეკონომიკისა და ქონების მართვის სამსახური, რომელიც საქართველოს ზოგადი ადმინისტრაციული კოდექსით დადგენილ ვადებში მერს წარუდგენს განკარგულების პროექტს ნუმერაციის თაობაზე საკრებულოსათვის წარსადგენად.“.