სსიპ – დეპოზიტების დაზღვევის სააგენტოს ფუნქციონირებასთან დაკავშირებით ზოგიერთი ღონისძიების განხორციელების შესახებ

სსიპ – დეპოზიტების დაზღვევის სააგენტოს ფუნქციონირებასთან დაკავშირებით ზოგიერთი ღონისძიების განხორციელების შესახებ საქართველოს მთავრობის განკარგულება №2152 2017 წლის 11 ოქტომბერი ქ. თბილისი სსიპ – დეპოზიტების დაზღვევის სააგენტოს ფუნქციონირებასთან დაკავშირებით ზოგიერთი ღონისძიების განხორციელების შესახებ 1. „დეპოზიტების დაზღვევის სისტემის შესახებ“ საქართველოს კანონის საფუძველზე შექმნილი დამოუკიდებელი სსიპ – დეპოზიტების დაზღვევის სააგენტოს ფუნქციონირებასთან დაკავშირებული ხარჯების დაფინანსების მიზნით, საქართველოს ფინანსთა სამინისტრომ „საქართველოს 2017 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან სსიპ – დეპოზიტების დაზღვევის სააგენტოს გამოუყოს 99 900 (ოთხმოცდაცხრამეტი ათას ცხრაასი) ლარი. 2. ამ განკარგულების პირველი პუნქტით გათვალისწინებული ღონისძიების შესრულების მიზნით, დაევალოს საქართველოს ფინანსთა სამინისტროს „საქართველოს 2017 წლის სახელმწიფო ბიუჯეტის შესახებ“ საქართველოს კანონით განსაზღვრული საერთო – სახელმწიფოებრივი მნიშვნელობის გადასახდელებში პროგრამული კოდის – „60 14 – სსიპ – დეპოზიტების დაზღვევის სააგენტოს დაფინანსება“ დამატება და  აღნიშნული პროგრამული კოდის განმკარგველად განისაზღვროს სსიპ – დეპოზიტების დაზღვევის სააგენტო (საიდენტიფიკაციო კოდი: 205345722). პრემიერ-მინისტრი                                                              გიორგი კვირიკაშვილი.