საქართველოს ტერიტორიაზე მდებარე, ომში დაღუპულ გერმანელთა საფლავების მოძიებისა და შესაბამის სამხედრო სასაფლაოზე გადასვენების ნებართვის გაცემის შესახებ

საქართველოს ტერიტორიაზე მდებარე, ომში დაღუპულ გერმანელთა საფლავების მოძიებისა და შესაბამის სამხედრო სასაფლაოზე გადასვენების ნებართვის გაცემის შესახებ საქართველოს მთავრობის განკარგულება №2386 2017 წლის 10 ნოემბერი ქ. თბილისი საქართველოს ტერიტორიაზე მდებარე, ომში დაღუპულ გერმანელთა საფლავების მოძიებისა და შესაბამის სამხედრო სასაფლაოზე  გადასვენების  ნებართვის გაცემის შესახებ 1. „საქართველოს რესპუბლიკის ტერიტორიაზე მდებარე ომში დაღუპულ გერმანელთა საფლავების შესახებ“ საქართველოს რესპუბლიკის მთავრობასა და გერმანიის ფედერაციული რესპუბლიკის მთავრობას შორის 1993 წელს დადებული შეთანხმების შესაბამისად, ნება დაერთოს ამავე შეთანხმების მე-7 მუხლით გათვალისწინებულ ორგანიზაციას − გერმანელი სამხედრო ტყვეების საფლავებზე ზრუნვის სახალხო კავშირს (Volksbund Deutsche Kriegsgräberfürsorge e.V): ა) აწარმოოს ქ. რუსთავის მუნიციპალიტეტში, მაზნიაშვილის ქუჩის  №2-ის მიმდებარე ტერიტორიაზე გერმანელი ტყვეების ნეშტების მოძიება და შესაბამის სამხედრო სასაფლაოზე გადასვენება; ბ) სამუშაოების განხორციელების მიზნით, საჭიროების შემთხვევაში,  გამოიყენოს შესაბამისი სამშენებლო ტექნიკა და დაიქირავოს ადგილობრივი პერსონალი; გ) ამ პუნქტით გათვალისწინებული საქმიანობები განახორციელოს საქართველოს მოქმედი კანონმდებლობის შესაბამისად, „საქართველოს რესპუბლიკის ტერიტორიაზე მდებარე ომში დაღუპულ გერმანელთა საფლავების შესახებ“ საქართველოს რესპუბლიკის მთავრობასა და გერმანიის ფედერაციული რესპუბლიკის მთავრობას შორის 1993 წელს დადებული შეთანხმებისა და სსიპ − საქართველოს კულტურული მემკვიდრეობის დაცვის ეროვნული სააგენტოს რეკომენდაციების გათვალისწინებით. 2. ეთხოვოს ქალაქ რუსთავის მუნიციპალიტეტს, ხელი შეუწყოს გერმანელი სამხედრო ტყვეების საფლავებზე ზრუნვის სახალხო კავშირს  ქ. რუსთავის ტერიტორიაზე სამუშაოების  განხორციელებაში.  პრემიერ-მინისტრი                                                              გიორგი კვირიკაშვილი.