სარეფერენდუმოდ შემოთავაზებული საკითხის - „თანახმა ხართ თუ არა, რომ საქართველოს პრეზიდენტის არჩევა მოხდეს საყოველთაო, თანასწორი და პირდაპირი საარჩევნო უფლების საფუძველზე ფარული კენჭისყრით?” და საინიციატივო ჯგუფის შემადგენლობის რეგისტრაციის საკითხის შესახებ

საქართველოს ორგანული კანონის „საქართველოს საარჩევნო კოდექსი“ 175-ე მუხლის მე-2 პუნქტის საფუძველზე, საინიციატივო ჯგუფის მიერ შემოთავაზებული სარეფერენდუმო კითხვის ფორმულირების დაზუსტების მიზნით, ამა წლის 2 მაისს გაიმართა ცესკოს სხდომა. საინიციატივო ჯგუფის წევრების მიერ განცხადებაში მითითებული სარეფერენდუმოდ შემოთავაზებული საკითხი დარჩა უცვლელი.

საქართველოს ორგანული კანონის „საქართველოს საარჩევნო კოდექსი“ 175-ე მუხლის პირველი პუნქტის თანახმად, თუ რეფერენდუმის გამართვის ინიციატივა ამომრჩევლებს ეკუთვნის, იქმნება საინიციატივო ჯგუფი. სარეფერენდუმოდ შემოთავაზებული საკითხი საინიციატივო ჯგუფმა უნდა ჩამოაყალიბოს მკაფიოდ და კონკრეტულად. ამავე მუხლის მე-3 პუნქტის თანახმად, ცესკო სარეფერენდუმოდ შემოთავაზებულ საკითხს და საინიციატივო ჯგუფის შემადგენლობას ატარებს რეგისტრაციაში და ამის შესახებ ოფიციალურ პრესაში აქვეყნებს ინფორმაციასა და საინიციატივო ჯგუფის მისამართს, ხოლო მე-5 პუნქტის თანახმად, რეგისტრაციაში გატარებაზე უარის თქმა დასაშვებია, თუ დარღვეულია საქართველოს ორგანული კანონით „საქართველოს საარჩევნო კოდექსი“ დადგენილი მოთხოვნები. ამდენად, იმისათვის, რომ ცესკომ რეგისტრაციაში გაატაროს სარეფერენდუმო საკითხი და მისი წარმდგენი საინიციატივო ჯგუფი, აუცილებელია, სარეფერენდუმოდ შემოთავაზებული საკითხი ჩამოყალიბებული იყოს მკაფიოდ და კონკრეტულად ან/და იგი არ უნდა ეწინააღმდეგებოდეს საქართველოს ორგანული კანონის „საქართველოს საარჩევნო კოდექსი” 175-ე მუხლით დადგენილ მოთხოვნებს.

აღსანიშნავია, რომ ანალოგიურ ნორმებს ითვალისწინებს საქართველოს ორგანული კანონის „რეფერენდუმის შესახებ“ მე-10 მუხლის პირველი, მე-3 და მე-5 პუნქტები.

საინიციატივო ჯგუფის მიერ სარეფერენდუმოდ შემოთავაზებული საკითხი ჩამოყალიბებულია მკაფიოდ და კონკრეტულად, ამდენად, იგი არ ეწინააღმდეგება საქართველოს ორგანული კანონის „საქართველოს საარჩევნო კოდექსი“ 175-ე მუხლის პირველი პუნქტითა და საქართველოს ორგანული კანონის „რეფერენდუმის შესახებ” მე-10 მუხლის პირველი პუნქტით დადგენილ მოთხოვნებს.

საქართველოს ორგანული კანონის „საქართველოს საარჩევნო კოდექსი“ 77-ე მუხლის მე-5 პუნქტის, 175-ე მუხლის პირველი და მე-3 პუნქტებისა და საქართველოს ორგანული კანონის „რეფერენდუმის შესახებ“ მე-10 მუხლის პირველი და მე-3 პუნქტების საფუძველზე, საქართველოს ცენტრალური საარჩევნო კომისია ადგენს:

კომისიის მდივანი გიორგი ჯავახიშვილი.