სს „ლიბერთი ბანკის“ აქციების 75%-ზე მეტის მფლობელი აქციონერის - „ჯორჯიან ფაინენშალ გრუპ ბი.ვი“-ს გადაწყვეტილება №23/155

სს „ლიბერთი ბანკის“ აქციების 75%-ზე მეტის მფლობელი

აქციონერის – „ჯორჯიან ფაინენშალ გრუპ ბი.ვი“-ის

გადაწყვეტილება № 23/155

ამსტერდამი, ნიდერლანდები

2018 წლის 3 1 მაისი

„ჯორჯიან ფაინენშალ გრუპ ბი.ვი“(ყოფილი იუროფიან ფაინენშალ გრუპ ბი.ვი, ნიდერლანდების კანონმდებლობის საფუძველზე შექმნილი და არსებული კომპანია, რომლის მისამართია Keizersgracht311, 1016 EE ამსტერდამი, ნიდერლანდები, რეგისტრირებული 2015 წლის 20 იანვარს, დაფუძნების ნომერი: 000031442803; CCI №: 62435523; RSIN №: 854817165; შემდგომში “GFG” ) წარმოდგენილი მისი დირექტორის, ვან დოორნ სი ეფ ეს, ბი.ვი-ის (Van Doorn CFS B.V) მიერ (ნიდერლანდების კანონმდებლობის საფუძველზე შექმნილი და არსებული კომპანია, რომლის მისამართია Keizersgracht 311, 1016 EE ამსტერდამი, ნიდერლანდები, რეგისტრირებული 2008 წლის 14 აგვისტოს, დაფუძნების ნომერი: 000012321710; CCI №: 34292344; RSIN №: 818931887), როგორც სს „ლიბერთი ბანკის“ (საქართველოს კანონმდებლობის საფუძველზე შექმნილი და არსებული სააქციო საზოგადოება, რომლის იურიდიული მისამართია ქ. თბილისი, ი. ჭავჭავაძის გამზირი №74, რეგისტრირებული საიდენტიკაციო ნომრით 203828304; შემდგომში „ბანკი“) ჩვეულებრივი აქციების 75%-ზე მეტის მფლობელმა აქციონერმა, „მეწარმეთა შესახებ“ საქართველოს კანონის 54.1¹ მუხლისა და „ბანკის“ წესდების შესაბამისად, მიიღო შემდეგი გადაწყვეტილებები:

ვინაიდან „ბანკი“ გეგმავს

 

1.      დანიშნოს შპს „იუაი საქართველო“ (შემდგომში „იუაი საქართველო“) „ბანკის“ დამოუკიდებელ აუდიტორად 2018-2019 წლებთან მიმართებაში;

2.      დაამტკიცოს 2017 წლის „ბანკის“ აუდიტირებული კონსოლიდირებული IFRS მეთოდით დათვლილი ფინანსური ანგარიშგება;

3.      გასცეს 2017 წლის კუთვნილი დივიდენდი „ბანკის“ 4,565,384 კონვერტირებად პრივილეგირებულ აქციაზე (შემდგომში „პრივილეგირებული აქცია“), რომელიც გამოშვებულია რეგისტრირებული პროსპექტის შესაბამისად, ჯამური ოდენობით 776,115.28 ლარი, ან 0.17 ლარი ერთ ცალ „პრივილეგირებულ აქციაზე“;

4.      განსაზღვროს „პრივილეგირებული აქციების“ დივიდენდის სააღრიცხვო თარიღი და „პრივილეგირებული აქციების“ დივიდენდის გაცემის დაწყების თარიღი;

შესაბამისად გადაწყდა:

1.        „ბანკსა“ და „იუაი საქართველოს“ შორის გაფორმებული აუდიტორული მომსახურების შესახებ ხელშეკრულების ვადის გასვლასთან დაკავშირებით და იმის გათვალისწინებით, რომ „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მოთხოვნების შესაბამისად, „ბანკსა“ და „იუაი საქართველოს“ შორის ფინანსური ანგარიშგების აუდიტის შესახებ გარიგება შესაძლოა დაიდოს არანაკლებ ორი წლის ვადით, გაგრძელდეს „იუაი საქართველოს“ „ბანკის“ დამოუკიდებელ აუდიტორად დანიშვნის პერიოდი და „იუაი საქართველომ“, როგორც დამოუკიდებელმა აუდიტორმა, განახორციელოს „ბანკის“ აუდიტორული მომსახურება 2018-2019 წლების განმავლობაში;

2.        დამტკიცებულ იქნეს „ბანკის“ 2017 წლის IFRS მეთოდით აუდიტირებული კონსოლიდირებული ფინანსური ანგარიშგება;

3.        დამტკიცებულ იქნეს 2017 წლის კუთვნილი „პრივილეგირებული აქციების“ დივიდენდის გადახდა 4,565,384 ცალ „პრივილეგირებულ აქციაზე“ 17%-ის ოდენობით, რაც შეადგენს 776,115.28 ლარს, ან 0.17 ლარს ერთ ცალ „პრივილეგირებულ აქციაზე“;

4.        „პრივილეგირებული აქციების“ დივიდენდის სააღრიცხვო თარიღად  განისაზღვროს 2018 წლის 15 ივნისი; 

5.           „პრივილეგირებული აქციების“ დივიდენდის გაცემის დაწყების თარიღად განისაზღვროს 2018 წლის 30 ივნისი;

6.        უფლებამოსილება მიენიჭოს „ბანკის“ გენერალურ დირექტორს, განახორციელოს წინამდებარე დოკუმენტით მიღებული გადაწყვეტილებები და ხელი მოაწეროს აღნიშნული გადაწყვეტილებების შესასრულებლად საჭირო ნებისმიერ და ყველა დოკუმენტს.

 

დასტურები და თანხმობები:

 

GFG-მ ზემოაღნიშნული გადაწყვეტილებები მიიღო სრული გულისხმიერებით, ყველა შესაბამისი ფაქტისა და გარემოების გათვალისწინებით და მიაჩნია, რომ:

ა) მიღებული გადაწყვეტილებების განხორციელება (i) შეესაბამება „ბანკის“ საუკეთესო კორპორატიულ ინტერესებს და არის „ბანკის“ კორპორატიული მიზნების რეალიზაციის ხელშემწყობი და სასარგებლო და (ii) არ იქნება „ბანკის“ კრედიტორების (ამჟამინდელი და მომავალი) ინტერესებისთვის საზიანო;და

ბ) მესამე პირებს, რაც შეზღუდვის გარეშე მოიცავს საარბიტრაჟო ტრიბუნალებს, სათანადო კომპეტენციის მქონე სასამართლოებს, სახელმწიფო ორგანოებს და იურიდიულ კომპანიებს, შეუძლიათ მიიღონ სარწმუნოდ წინამდებარე დოკუმენტით მიღებული გადაწყვეტილებები.

 

შესაბამისად ხელმოწერილია:

Van Doorn CFS B.V.

Director of Georgian Financial Group B.V.

ვან დოორნ სი ეფ ეს, ბი.ვი

ჯორჯიან ფაინენშალ გრუპ ბი.ვი-ის დირექტორი

 

 

არავინდ რამანა

Aravind Ramanna

Van Doorn CFS B.V-ის სახელით

On behalf of Van Doorn CFS B.V.

 

 

 

 

 

 

 

 

 

 

 

ედუარდ ვერბეკე

Eduard Verbeke

Van Doorn CFS B.V-ის სახელით

On behalf of Van Doorn CFS B.V.