„ტყის აღრიცხვის, დაგეგმვისა და მონიტორინგის წესის დამტკიცების შესახებ“ საქართველოს მთავრობის 2013 წლის 17 ივლისის №179 დადგენილებაში ცვლილების შეტანის თაობაზე

1. პირველი მუხლის პირველი პუნქტი ჩამოყალიბდეს შემდეგი რედაქციით:

„1. დადგენილების მიზანია, განსაზღვროს საქართველოს ტერიტორიაზე ტყის აღრიცხვის, დაგეგმვისა და მონიტორინგის წესი (შემდგომში – წესი).“.

2. მე-2 მუხლის „ჰ²¹“  და „ჰ²²“  ქვეპუნქტები ჩამოყალიბდეს შემდეგი რედაქციით:

„ჰ²¹) სამინისტრო – საქართველოს გარემოს დაცვისა და სოფლის მეურნეობის სამინისტრო;

ჰ²²) მინისტრი – საქართველოს გარემოს დაცვისა და სოფლის მეურნეობის მინისტრი.“.

3. მე-3 მუხლი ჩამოყალიბდეს შემდეგი რედაქციით:

„მუხლი 3. ტყის აღრიცხვის მიზანი

1. სახელმწიფო ტყის ფონდის აღრიცხვა წარმოადგენს სახელმწიფო ტყის ფონდის ტერიტორიაზე ტექნიკურ ღონისძიებათა სისტემას, რომელიც უზრუნველყოფს ტყის მდგომარეობის ბიოლოგიურ, ეკოლოგიურ, ეკონომიკურ შეფასებას და ქმნის ტყისა და მერქნული რესურსების რაციონალური გამოყენების საფუძველს.

2. საქართველოს ტყის ფონდის ეროვნული აღრიცხვა წარმოადგენს ტყის აღრიცხვის სახეს, რომელიც ტარდება ქვეყნის მასშტა­ბით ან მის გარკვეულ ტერიტორიაზე და მის საფუძველზე მიიღება სატაქსაციო მახასიათებლების სტატისტიკური ინფორმაცია.

3. სახელმწიფო ტყის ფონდის აღრიცხვის მიზანია ტყის ბუნებრივი რესურსების რაოდენობრივი და ხარისხობრივი მახასიათებლების დადგენა და მიღებული მონაცემების საფუძველზე ტყის მართვის გეგმის ან ტყითსარგებლობის გეგმის შედგენა.

4. საქართველოს ტყის ფონდის ეროვნული აღრიცხვის მიზანია ტყის ბუნებრივი რესურსების რაოდენობრივი და ხარისხობრივი მახასიათებლების შესახებ სტატისტიკური ინფორმაციის მიღება და ამ  მონაცემების საფუძველზე მონიტორინგი და საერთაშორისო ანგარიშგება.“.

4. მე-4 მუხლი ჩამოყალიბდეს შემდეგი რედაქციით:

„მუხლი 4. ტყის აღრიცხვის ობიექტი

1. სახელმწიფო ტყის ფონდის აღრიცხვის  ობიექტს წარმოადგენს სახელმწიფო ტყის ფონდი.

2. საქართველოს ტყის ფონდის ეროვნული აღრიცხვის ობიექტს წარმოადგენს სახელმწიფო ტყის ფონდი და საქართველოში საკუთრების სხვა ფორმებით (მუნიციპალური, კერძო) არსებული ტყეები.“.

5. მე-7 მუხლი ჩამოყალიბდეს შემდეგი რედაქციით:

„მუხლი 7. აღრიცხვის მეთოდები

ტყის აღრიცხვა ხორციელდება მეურნეობის წარმოებისათვის საჭირო სიზუს­ტით, ტყითსარგებლობის მიზნების გათვალისწინებით, ასევე ქვეყნის მასშტა­ბით ან მის გარკვეულ ტერიტორიაზე სატაქსაციო მახასიათებლების სტატისტიკური მონაცემების განსაზღვრის მიზნით. ტყის აღრიცხვის მეთოდებია ამორჩევითი და დეტალური აღრიცხვა.“.

6. მე-8 მუხლს დაემატოს შემდეგი შინაარსის მე-6 პუნქტი:

„6. ტყის ამორჩევითი აღრიცხვისას, ინფორმაციის საჭიროებიდან გამომდინარე, გამოიყენება სხვა მეთოდებიც, უფლებამოსილი პირის მიერ დამტკიცე­ბული ტექნიკური დავალების საფუძველზე.“.

7. მე-10 მუხლის მე-3 პუნქტს დაემატოს შემდეგი შინაარსის „ზ.ე“ ქვეპუნქტი:

„ზ.ე) წრიული სანიმუშო ფართობების რადიუსი და ფორმა შესაძლებელია შეიცვალოს კვლევის სიზუსტის სპეციფი­კიდან გამომდინარე, უფლებამოსილი პირის მიერ დამტკიცე­ბული ტექნიკური დავალების საფუძველზე.“.

8.  მე-10 მუხლს დაემატოს შემდეგი შინაარსის მე-8 პუნქტი:

„8. საქართველოს ტყის ფონდის ეროვნული აღრიცხვისას ტაქსაციური მაჩვენებლების სიზუსტის  ნორმატივე­ბი დგინდება შესაბამისი ტექნიკური დავალებით.“.

9. მე-11 მუხლის მე-2 პუნქტი ჩამოყალიბდეს შემდეგი რედაქციით:

„2. სახელმწიფო ტყის ფონდის აღრიცხვის მიზნით, ტექნიკური დავალების შემუშავება და ინდივიდუალური ადმინისტრაციულ-სამართლებრივი აქტით დამტკიცება ხდება მართვის ორგანოს მიერ.“.

10. მე-11 მუხლს დაემატოს შემდეგი შინაარსის 2¹ პუნქტი:

„2¹. საქართველოს ტყის ფონდის ეროვნული აღრიცხვის მიზნით ტექნიკური დავალების შემუშავება და ინდივიდუალური ადმინისტრაციულ-სამართლებრივი აქტით დამტკიცება ხდება სამინისტროს მიერ.“.

11. მე-12 მუხლის პირველი პუნქტი ჩამოყალიბდეს შემდეგი რედაქციით:

„1. სახელმწიფო ტყის ფონდის აღრიცხვას უზრუნველყოფენ  მართვის შესაბამისი ორგანო­ები, ხოლო საქართველოს ტყის ფონდის ეროვნულ აღრიცხვას უზრუნველყოფს სამინისტრო, საქარ­თველოს კანონმდებლობით გათვალისწინებული სახსრებით, მესაკუთრესთან შეთანხმებით.“.

12. მე-18 მუხლის მე-3 პუნქტი ჩამოყალიბდეს შემდეგი რედაქციით:

„3. ტყითსარგებლობას დაქვემდებარებულ ტერიტორიაზე ტყის   აღრი­ც­ხვის ტე­ქ­ნიკური დავალების შემუშავება და დამტკიცება ხორციე­ლ­დება მართვის შესაბამისი ორგანოს მიერ, ხოლო აღრიცხვას ახორციელებს და აღრიცხვის მასალების საფუძ­ველზე ტყითსარგებლობის გეგმას ადგენს ლიცენზიის მფლობელი.“.

13. 25-ე მუხლი ჩამოყალიბდეს შემდეგი რედაქციით:

„მუხლი 25. ტყის მონიტორინგის საფუძველი

ტყის მონიტორინგის საფუძველია:

ა) საქართველოს ტყის ფონდის ეროვნული აღრიცხვის მასალები;

ბ) სახელმწიფო ტყის ფონდის მარ­თვისა და ტყითსარგებლობის გეგმების მასალები;

გ) მართვის ორგანოებში შემოსული ინფორმაცია;

დ) ტყის მართვისა და ტყითსარგებლობის გეგმებში ყოველწლიურად ასა­ხული მნიშვნელოვანი ცვლილებები.“.

14. 29-ე მუხლის მე-2 პუნქტი ჩამოყალიბდეს შემდეგი რედაქციით:

„2. სახელმწიფო ტყის ფონდის შესაბამის ტერიტორიაზე ტყის აღრიც­ხვის გან­ხორციელებამდე მართვის შესაბამისი ორგანო უფლებამოსილია, ისარგებლოს ბოლო ტყეთმოწყობის პროექტით (მათ შორის, კორომთა გეგმებით) დადგენილი სახელმწიფო ტყის ფონდის ტერიტორიის დაყოფის შესახებ მონაცემებით, „სახე­ლმწიფო ტყის ფონდის საზღვრების დადგენის შესახებ“ საქართველოს მთავრო­ბის 2011 წლის 4 აგვისტოს №299 დადგენილებისა და საქართველოს კანონ­მდე­ბ­ლობის საფუძველზე განსაზღვრული სახელმწიფო ტყის ფონდის კონტურის ფარ­გლებში, ამასთან, აღნიშნულის გათვალისწინებით, მართვის შესაბამისი ორ­განო უფლებამოსილია, უზრუნველყოს მისდამი დაქვემდებარებული სახელმ­წიფო ტყის ფონდის ტერიტორიების დაყოფა სატყეო უბნებად (მათ შორის, სატ­ყეოებად, კვარტალებად), ხოლო ტყითმოსარგებლე უფლებამოსილია, შემდგომი სარევიზიო პერიოდისათვის ახალი ტყითსარგებლობის გეგმის შედგენის საფუძვლად გამოიყენოს არსებული ტყითსარგებლობის გეგმის მასალები. აღნიშნულ შემთხვევაზე არ ვრცელდება ამავე წესის მე-18 მუხლის პირველი პუნქტის მოქმედება.“.