საჩხერის მუნიციპალიტეტის დასახლების საერთო კრების დებულების დამტკიცების შესახებ“ საჩხერის მუნიციპალიტეტის საკრებულოს 2016 წლის 27 იანვარის №3 დადგენილებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, საჩხერის მუნიციპალიტეტის საკრებულო ადგენს:

„საჩხერის მუნიციპალიტეტის დასახლების საერთო კრების დებულების დამტკიცების შესახებ“ საჩხერის მუნიციპალიტეტის საკრებულოს 2016 წლის 27 იანვრის №3 დადგენილებაში (სსმ, ვებგვერდი, 03/02/2016 წ., სარეგისტრაციო კოდი: 010250050.35.130.016178) შეტანილ იქნეს შემდეგი ცვლილება:
ა) დადგენილების პრეამბულა ჩამოყალიბდეს შემდეგი რედაქციით:
„საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის მე-2 ნაწილის,  85² მუხლისა და 85⁵ მუხლის მე-6 ნაწილის შესაბამისად, საჩხერის მუნიციპალიტეტის საკრებულო ადგენს:“;
ბ) დადგენილებით დამტკიცებული დანართის თავი I-ის სათაური ჩამოყალიბდეს შემდეგი რედაქციით:
„ზოგადი დებულებები დასახლებისათვის, სადაც რეგისტირირებული ამომრჩეველი აღემატება 500-ს“
გ) დადგენილებით დამტკიცებული დანართის II თავის მე-6 მუხლის „ა“ ქვეპუნქტი ჩამოყალიბდეს შემდეგი რედაქციით:
„ა) შესაბამის დასახლებაში რეგისტრირებულ ამომრჩეველთა არანაკლებ 5%-ს (შემდგომ – ამომრჩეველთა არანაკლებ 5%)“;
დ) დადგენილებით დამტკიცებული დანართის II თავის მე-7 მუხლის პირველი პუნქტი ჩამოყალიბდეს შემდეგი რედაქციით:
„1 ამომრჩეველთა არანაკლებ 5%-ის მიერ საერთო კრების მოწვევის შემთხვევაში, საერთო კრების მოწვევის ინიციირებისათვის შესაბამის დასახლებაში რეგისტრირებული არანაკლებ 3 ამომრჩევლის შემადგენლობით იქმნება საინიციატივო ჯგუფი“.

დადგენილება ამოქმედდეს გამოქვეყნებისთანავე.