2019 წლის ელექტროენერგიის (სიმძლავრის) ბალანსის დამტკიცების შესახებ

2019 წლის ელექტროენერგიის (სიმძლავრის) ბალანსის დამტკიცების შესახებ საქართველოს ეკონომიკისა და მდგრადი განვითარების მინისტრის ბრძანება №1-1/547 2018 წლის 5 დეკემბერი ქ. თბილისი 2019 წლის ელექტროენერგიის (სიმძლავრის) ბალანსის დამტკიცების შესახებ „ელექტროენერგეტიკისა და ბუნებრივი გაზის შესახებ“ საქართველოს კანონის  მე-3 მუხლის მე-3 პუნქტის „ა“ ქვეპუნქტის  და „ნორმატიული აქტების შესახებ“ საქართველოს კანონის მე-13 მუხლის საფუძველზე, ვბრძანებ: მუხლი 1🔗 დამტკიცდეს თანდართული „2019 წლის ელექტროენერგიის (სიმძლავრის) ბალანსი“ 2019 წლის 1 იანვრიდან 2019 წლის 31 დეკემბრის ჩათვლით. მუხლი 2🔗 ქვეყნის ერთიანი ელექტროენერგეტიკული სისტემის მარეგულირებელ სადგურად მიიჩნევა შემდეგი წარმოების ლიცენზიატები: ა) შპს „ენგურჰესი“; ბ) შპს „ვარდნილჰესების კასკადი“. მუხლი 3🔗 ელექტროენერგეტიკული სისტემის მდგრადობის, სტაბილურობისა და საიმედო ფუნქციონირების მიზნით ელექტროენერგიის დისპეტჩერიზაციის ლიცენზიატი უფლებამოსილია, დამოუკიდებლად მიიღოს გადაწყვეტილება ელექტროენერგიის (სიმძლავრის) ბალანსით გათვალისწინებული ელექტროენერგიის იმპორტის საერთო მოცულობის ფარგლებში მომწოდებელი ქვეყნის მიხედვით წყაროების ჩანაცვლების შესახებ. მუხლი 4🔗 ეს ბრძანება ამოქმედდეს გამოქვეყნებისთანავე. საქართველოს ეკონომიკისა და მდგრადი განვითარების მინისტრიგიორგი ქობულია