„ჩოხატაურის მუნიციპალიტეტის საპატიო მოქალაქის წოდების შემოღებისა და მინიჭების წესის დამტკიცების შესახებ“ ჩოხატაურის მუნიციპალიტეტის საკრებულოს 2018 წლის 28 სექტემბრის N28 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის შესაბამისად, ,,ჩოხატაურის მუნიციპალიტეტის საპატიო მოქალაქის წოდების შემოღებისა და მინიჭების წესის დამტკიცების შესახებ“ ჩოხატაურის მუნიციპალიტეტის საკრებულოს 2018 წლის 28 სექტემბრის №28 დადგენილებაში (www.matsne.gov.ge, 03.10.2018 წელი, ს/კ 010250020.35.114.016407)  შეტანილი იქნეს შემდეგი ცვლილება ჩოხატაურის მუნიციპალიტეტის საკრებულო ადგენს:

დადგენილების პრეამბულა ჩამოყალიბდეს შემდეგი რედაქციით: „საქართველოს ორგანული კანონის „ადგილობრივი  თვითმართველობის კოდექსი“ 24-ე  მუხლის პირველი პუნქტის „ა. დ.“ ქვეპუნქტის, 61-ე მუხლის მე-2 პუნქტისა და  „ნორმატიული  აქტების  შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად ჩოხატაურის  მუნიციპალიტეტის საკრებულო ადგენს“.

დადგენილებით დამტკიცებული დანართი 1-ის მე-2 მუხლის მე-3 პუნქტი ჩამოყალიბდეს შემდეგი რედაქციით: ,,3. ჩოხატაურის მუნიციპალიტეტის საპატიო მოქალაქეს გადაეცემა შესაბამისი გადაწყვეტილებით განსაზღვრული ფულადი ჯილდო (არაუმეტეს 500 ლარის ოდენობის) და ჩოხატაურის მუნიციპალიტეტის საპატიო მოქალაქის მოწმობა“.

დადგენილებით დამტკიცებული დანართი 1-ის მე-2 მუხლიდან ამოღებული იქნეს  მე-4 პუნტი.

დადგენილებით დამტკიცებული დანართი 1-ის მე-2 მუხლის მე-6  პუნქტი ჩამოყალიბდეს შემდეგი რედაქციით: ,,6. ამ წესით დადგენილი პროცედურების დაცვით პირს საპატიო მოქალაქის წოდებას ინდივიდუალური ადმინისტრაციულ-სამართლებრივი აქტით ანიჭებს  და   საპატიო მოქალაქის წოდების დამადასტურებელ მოწმობას საზეიმო ვითარებაში გადასცემს  ჩოხატაურის მუნიციპალიტეტის მერი“.

დადგენილება ამოქმედდეს გამოქვეყნებისთანავე.